Édra 8:16 - Tupanaarü Ore

¹⁶ Rü yemaca̱x Eriécheca̱x, rü Ariéca̱x, rü Chemaíaca̱x, rü Erünatáü̃ca̱x, rü Yaríxca̱x, rü to i Erünatáü̃ca̱x, rü Natáü̃ca̱x, rü Chacaríaca̱x, rü Mechuráü̃ca̱x changema, yerü nümagü nixĩ ga Lebítanüxü̃arü ãẽ̱xgacügü yixĩxü̃. Rü yexgumarüxü̃ ta naxca̱x changema ga Yoiaríx rü Enatáü̃ ga ngu̱xẽẽtaeruü̃gü ixĩgüxü̃.

Édra 8:16 Referans Kwoze

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Norü taxre ga popera ga Timutéuca̱x naxümatüxü̃ ga Pauru 2:7

¡Rü nagu rüxĩnü i ñaa cumaxã nüxü̃ chixuxü̃! Erü nüma ya Cori ya Ngechuchu rü tá cuxü̃ nüxü̃ nacua̱xẽxẽ i guxü̃ma i ngẽma cumaxã nüxü̃ chixuxü̃.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Ucu̱xẽgüchiga 28:2

Ngẽxguma wüxi i nachixü̃ane chixri ixũxgu, rü to ningucuchichigü i norü ãẽ̱xgacügü. Natürü ngẽxguma nangẽxmagu i wüxi i ãẽ̱xgacü i aixcüma naãẽxü̃ cuáxü̃, rü mea norü duü̃xü̃gümaxã inacua̱x.

Ucu̱xẽgüchiga 20:5

Ngẽma duü̃xü̃arü ĩnü i cúxü̃, rü ñoma dexá i mátamaxü̃gu yacúxü̃rüxü̃ nixĩ. Natürü ngẽma naãẽxü̃ cuáxü̃ rü nüxü̃ inayangauama i ngẽma norü ĩnü i ngẽma duü̃xü̃.

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Édra 10:21

Rü yema Aríü̃taagüwa rü Maachía rü Ería rü Chemaía rü Yeié rü Uchía nixĩgü.

Édra 8:18

Rü Tupana rü tomaxã namecüma, rü yemaca̱x toxü̃tawa nanamu ga Cherebía ga meama poperaxü̃ cuácü ga Lebítanüxü̃ ga Máritaxa ixĩcü. Rü nüma ga Cherebía rü toxü̃tawa nangu wüxigu namaxã ga nanegü rü naenexẽgü ga meama 18 ga duü̃xü̃gü ixĩgüxü̃.

Édra 8:13

Rü Adonicáü̃tanüxü̃wa rü yema nawa iyacuáxü̃ ga nataagü rü Eriférex rü Yeié rü Chemaía nixĩ rü naétü 60 ga yatügü ga yixcüamaxü̃ra woeguxü̃.

Norü taxre ga to ga popera ga ãẽ̱xgacügüchiga ümatüxü̃ 2:12

Rü yexgumarüxü̃ ta yexma nanaxümatü ga ñaxü̃: —Nüxü̃ chicua̱xüxü̃ ya Cori ya Iraétanüxü̃arü Tupana ga naxücü ga dauxü̃guxü̃ ga naane rü ñoma ga naane. Erü nüma ya Tupana rü ãẽ̱xgacü ga Dabína nanamu ya wüxi ya nane ya cua̱x nüxü̃́ ngẽxmacü, rü aixcüma naãẽxü̃ cuácü. Rü nüma tá nixĩ i naxüaxü̃ ya Cori ya Tupanapata ya taxü̃ne rü wüxi ya ĩpata ya ãẽ̱xgacüpata ixĩxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:14

Rü Cheremíagu nangu nax nüxna nadauxü̃ ga yema ĩã̱x ga éstewaama üxü̃. Rü nane ga Chacaría ga mecü ga ucu̱xẽruxü̃gu nangu nax nüxna nadauxü̃ ga yema ĩã̱x ga nórtewaama üxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:32

Rü yema Ichacátanüxü̃ rü 200 ga ãẽ̱xgacügü nixĩ. Rü nümagü rü guxü̃ma ga natanüxü̃ ga churaragümaxã yéma Dabíxü̃tawa nangugü. Rü nüma ga yema churaragüarü ãẽ̱xgacügü rü meama nüxü̃ nacua̱xgü i ñuxgu tá rü ñuxãcü tá namexü̃ nax Iraétanüxü̃ norü uanügümaxã nügü nada̱i̱xü̃.

Nüxíraxü̃xü̃ ga popera ga ãẽ̱xgacügüchiga 3:11

Rü yemaca̱x ñanagürü nüxü̃: —Ñu̱xma nax choxna naxca̱x cuca̱a̱xü̃ i ngẽma, rü tama naxca̱x ícuca nax namáxü̃ca̱x i curü maxü̃, rüe̱xna cumuarü diẽruã́xü̃ca̱x, rüe̱xna curü uanügü chadaixü̃ca̱x, natürü naxca̱x ícuca i cua̱x nax mea namaxã icucuáxü̃ca̱x i ngẽma curü duü̃xü̃gü, rü ngẽmaca̱x tá cuxna chanaxã i ngẽma choxna naxca̱x cucaxü̃. Rü choma rü tá cuxna chanaxã i cua̱x ga ü̃pa taguma texéaxü̃́ yexmaxü̃ rü cuwena tagutáma texéaxü̃́ ngẽxmaxü̃.

Édra 8:15

Rü choma ya Édra rü natü ga Aabácutügu chanangutaque̱xexẽxẽ ga yema duü̃xü̃gü ga chomaxã Yerucharéü̃ca̱x woeguchaü̃xü̃. Rü yexma tapegü ga tomaepü̱x ga ngunexü̃. Rü yéma yoxni tayawǘgüéga ga duü̃xü̃gü rü chacherdótegü ga yéma ngugüxü̃. Rü yemaacü nüxü̃ tacua̱x rü nataxuma ga Lebítanüxü̃ ga nüechamatama yéma ĩxü̃.

Édra 8:17

Rü Cachipíaarü ĩanewa chanamugü ga yema duü̃xü̃gü nax Lebítanüxü̃arü ãẽ̱xgacü ga Idómaxã yanadexagüxü̃ca̱x rü yema namücügü ga Lebítanüxü̃ ga yema ĩanearü Tupanapata ga taxü̃newa puracüexü̃maxã yanadexagüxü̃ca̱x rü namaxã nüxü̃ yaxugüxü̃ca̱x nax toxü̃tawa namugüãxü̃ca̱x i Lebítanüxü̃ nax yima Tupanapata ya taxü̃ne ya Yerucharéü̃wa ngẽxmanewa toxü̃ nangü̃xẽẽgüxü̃ca̱x.