Édra 8:15 - Tupanaarü Ore15 Rü choma ya Édra rü natü ga Aabácutügu chanangutaque̱xexẽxẽ ga yema duü̃xü̃gü ga chomaxã Yerucharéü̃ca̱x woeguchaü̃xü̃. Rü yexma tapegü ga tomaepü̱x ga ngunexü̃. Rü yéma yoxni tayawǘgüéga ga duü̃xü̃gü rü chacherdótegü ga yéma ngugüxü̃. Rü yemaacü nüxü̃ tacua̱x rü nataxuma ga Lebítanüxü̃ ga nüechamatama yéma ĩxü̃. Gade chapit la |
Rü yexguma marü 7 ga taunecü ãẽ̱xgacü yixĩxgu ga Artayére rü meama nüxíraü̃cü ga tauemacüarü ügügu inaxũãchi ga Édra nax Yerucharéü̃ca̱x nataeguxü̃. Rü namaxã nawoegu ga wüxitücumü ga Iraétanüxü̃. Rü yematanüwa nayexmagü ga chacherdótegü rü Lebítanüxü̃, rü wiyaetanüxü̃, rü Tupanapata ga taxü̃nearü ĩã̱xarü dauruü̃gü, rü Tupanapata ga taxü̃newaarü ngü̃xẽẽruü̃gü. Rü yemamaxã inaxũãchi ga Édra. Rü Yerucharéü̃wa nangugü meama gumá norü 5 ga tauemacüarü ügügu, yerü Tupana rü poraãcü nüxü̃ narüngü̃xẽxẽ.
Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.
Rü yemaca̱x Eriécheca̱x, rü Ariéca̱x, rü Chemaíaca̱x, rü Erünatáü̃ca̱x, rü Yaríxca̱x, rü to i Erünatáü̃ca̱x, rü Natáü̃ca̱x, rü Chacaríaca̱x, rü Mechuráü̃ca̱x changema, yerü nümagü nixĩ ga Lebítanüxü̃arü ãẽ̱xgacügü yixĩxü̃. Rü yexgumarüxü̃ ta naxca̱x changema ga Yoiaríx rü Enatáü̃ ga ngu̱xẽẽtaeruü̃gü ixĩgüxü̃.
Rü moxẽ cuxna chaxã, Pa Tupanax, erü cuxü̃́ changechaü̃tümüxü̃ nape̱xewa ya ãẽ̱xgacü rü ngẽma 7 i namücügü rü guxü̃ma i norü ngü̃xẽẽruü̃gü. Rü chapora erü cumax, Pa Tupanax, chauxü̃tawa cungexma rü ngẽmaca̱x choxü̃́ natauxcha nax nüxü̃́ chanangúchaü̃xẽẽxü̃ i ñuxre i chautanüxü̃ i Iraétanüxü̃arü ãẽ̱xgacügü nax chowe Yerucharéü̃ca̱x nawoeguxü̃ —ñanagürü ga norü yumüxẽwa.