Édra 7:26 - Tupanaarü Ore

²⁶ Rü ngexerüxüxemare ya tama naga ĩnüxe i ngẽma curü Tupanaarü mugü rü chorü mugü ¡rü noxtacüma tüxü̃ pima̱x rüe̱xna tüxü̃ ípeta̱xüchi i perü naanewa, rüe̱xna tüxna penapuxü̃ i tümaarü ngẽmaxü̃gü, rüe̱xna tüxü̃ pepoxcu! —ñanagürü ga ãẽ̱xgacü ga Artayére norü poperawa.

Édra 7:26 Referans Kwoze

Édra 6:11

Rü ngẽxguma chi texé tama naga ĩnügu i ñaa chorü mu, rü name nixĩ i wüxi ya tümapataarü omüta tayaxu rü yimamaxã tüxü̃ tapai nax ngẽxma tayuxü̃ca̱x ya yíxema tama naga ĩnüxe. Rü yima tümapata rü ngẽxma narüxo rü naachina̱xãgüxica ngéma nayaxǘ.

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Wiyaegü 52:5

Natürü nüma ya Tupana rü ngẽmaca̱x tá cuxü̃ inayanaxoxẽxẽ, rü tagutáma ngẽmawa ícunguxuchi. Rü tá cupatawa cuxü̃ ínata̱xüchi, rü tá cuxna nanayaxu i curü maxü̃.

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Édra 6:12

Rü yimá Tupana ya nügüca̱x nüxü̃ unetacü ya yima ĩane ya Yerucharéü̃ rü tá nayanaxoxẽxẽ i ngexü̃rüüxü̃mare i ãẽ̱xgacü rüe̱xna nachixü̃ane i tama yanguxẽẽxü̃ i ñaa chorü mu rü naguxchaxẽẽxü̃ ya yima Tupanapata ya taxü̃ne ya Yerucharéü̃wa ngẽxmane. Rü choma i Daríu nixĩ i chanaxunagüxü̃ i ñaa mu. Rü ngẽmaca̱x chanaxwa̱xe i aixcüma mea naga pexĩnüe —ñanagürü ga norü poperawa.

Wenaxarü naxümatü ga Tupanaarü mugü 27:26

“Rü yíxema tama naga ĩnüxe i ñaa ucu̱xẽgü rü tama nagu maxü̃́xẽ rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Édra 10:4

¡Rü inachi rü naxü i ngẽma Tupana cuxü̃ muxü̃ nax cunaxüxü̃! Rü toma rü tá cuga taxĩnüe. ¡Ẽcü tomaxã nüxü̃ ixu nax ñuxãcü tá tanamexẽxẽ i ngẽma chixexü̃ i taxüxü̃! —ñanagürü.

Édra 10:8

Rü yema Iraétanüxü̃maxã icua̱xgüxü̃ rü norü ucu̱xẽruü̃gü rü inanaxügü ga wüxi ga mu nax guxü̃ma yexma ĩtaque̱xexü̃ca̱x ga tomaepü̱x ga ngunexü̃gu rü texé ga tama yéma nguxe ga yema tomaepü̱x ga ngunexü̃gu rü tüxna nanapu ga yema tümaarü naane rü tüxü̃ ínata̱xüchigü natanüwa ga yema Babiróniaanewa woeguxü̃.