Édra 7:25 - Tupanaarü Ore

²⁵ Rü cumax, Pa Édrax, rü name nixĩ i nagu quixũ i ngẽma cua̱x ya Tupana cuxna ãxü̃. Rü ngẽmaãcü ngẽma naanegü i taxtü i Eufrátearü oéstewaama ngẽxmagüxü̃ i duü̃xü̃güca̱x tá nüxü̃ cuxuneta i ãẽ̱xgacügü i duü̃xü̃güarü guxchaxü̃arü mexẽẽruxü̃ ixĩgüxü̃, rü ãẽ̱xgacügü i mea ngẽma duü̃xü̃gümaxã icuáxü̃. Rü ngẽxguma nangemagu i duü̃xü̃gü i tama curü Tupanaarü mugüxü̃ cua̱xgüxü̃, rü name nixĩ i cuma cunangúexẽxẽ.

Édra 7:25 Referans Kwoze

Édra 7:10

Rü nüma ga Édra rü aixcüma nagu narüxĩnü nax Tupanaarü mugüwa nangúxü̃ rü nagu nax namaxü̃xü̃ rü yema togü ga Iraéanecüã̱xgüxü̃ nax nangúexẽẽxü̃ca̱x ga yema Tupanaarü mugü.

Wenaxarü naxümatü ga Tupanaarü mugü 16:18

Rü guxü̃nema ya perü ĩanegü ya perü Cori ya Tupana tá wüxichigü i natücumüna ãxü̃newa nüxü̃ pexuneta i ãẽ̱xgacügü i guxchaxü̃güarü mexẽẽruü̃gü rü norü ngü̃xẽẽruü̃gü nax nümagü aixcüma meama namexẽẽgüãxü̃ca̱x i ngẽma duü̃xü̃güarü guxchaxü̃gü.

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Wiyaegü 19:7

Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Ore i mexü̃ ga Márcu ümatüxü̃ 6:34

Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Ore i mexü̃ ga Matéu ümatüxü̃ 13:52

Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.

Ucu̱xẽgüchiga 6:23

Ngẽma mugü rü ngu̱xẽẽtaegü rü ñoma wüxi i omü i naixü̃rüxü̃ tá cuxca̱x nanangóonexẽxẽ. Rü ngẽma ucu̱xẽgü rü tá cuxü̃ inayarüwe̱xãchixẽxẽ nax nawe̱xguxü̃ca̱x i curü maxü̃.

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Neemía 9:3

Rü nachicagutama nachigüãcüma tomaepü̱x ga ora ningegü ga nüxü̃ nax naxĩnüexü̃ ga Cori ya Tupanaarü mugü. Rü naétü to ga tomaepü̱x ga ora ningegü ga Tupanamaxã nüxü̃ nax yaxugüexü̃ ga norü chixexü̃gü rü Tupanaxü̃ nax yacua̱xüü̃güxü̃.

Édra 7:14

Erü choma i ãẽ̱xgacü rü ngẽma 7 i chorü ngü̃xẽẽruü̃gümaxã rü ngéma cuxü̃ tamu nax mea cuyangugüxü̃ca̱x nax ñuxãcü ínamaxẽxü̃ i ngẽma cutanüxü̃ i Yudáanewa, rü ĩane ya Yerucharéü̃wa, rü aixcüma nagu ínamaxẽ i ngẽma curü Tupanaarü mugü i cuxü̃́ ngẽxmaxü̃.

Édra 6:6

Rü yexguma ga nüma ga Pérchiaanearü ãẽ̱xgacü ga Daríu rü nanaxümatü ga wüxi ga popera naxca̱x ga Tatenái ga taxtü ga Eufrátearü oéstewaamaarü ãẽ̱xgacü, rü Chétaru-bonái rü norü ngü̃xẽẽruü̃gü ga ãẽ̱xgacügü ixĩgüxü̃ ga yema naanewa. Rü norü poperawa rü ñanagürü: —¡Taxũtáma nüxü̃́ penaguxchaxẽxẽ i ngẽma Yudíugü nax wena naxügüãxü̃ ya yima Tupanapata ya taxü̃ne! Rü ngẽma noxrirüxü̃ i nachicagu tátama nanaxügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:4

Rü yematanüwa rü nüxü̃ naxuneta ga 24,000 ga yatügü nax Tupanapata ga taxü̃nearü puracümaxã inacua̱xgüxü̃. Rü nüxü̃ naxuneta ga 6,000 nax duü̃xü̃güarü ãẽ̱xgacügü yixĩgüxü̃ca̱x rü guxchaxü̃arü mexẽẽruü̃gü yixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:12

Rü nüma ya Cori ya Tupana rü marü cuxna nanaxã i ĩnü i mexü̃ rü curü cua̱x. Rü ngẽxguma nüma cuxü̃ yangucuchixẽẽgu nax Iraétanüxü̃arü ãẽ̱xgacü quixĩxü̃ ¡rü yanguxẽxẽ i ngẽma norü mugü ya Cori ya curü Tupana!

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

Naanearü ügüchiga 41:38

Rü yemaca̱x ga Faraóü̃ rü ñanagürü norü duü̃xü̃güxü̃: —¿Ngextá chi nüxü̃ iyarünga̱u̱xü̃ i to i yatü i ñaa Yúcherüxü̃ Tupanaãxẽ nawa ngẽxmaxü̃? —ñanagürü.

Naanearü ügüchiga 41:39

Rü yexguma ga Faraóü̃ rü Yúchexü̃ ñanagürü: —Dücax, rü nataxuma i cuxü̃ rüyexeraxü̃ nax nüxü̃ nacuáxü̃, erü cuma nixĩ ya Tupana cuxü̃ nüxü̃ cua̱xẽẽxü̃ i guxü̃ma i ngẽma nagu chaxãnegüxü̃.

Norü taxre ga popera ga ãẽ̱xgacügüchiga 17:27

Rü yemaca̱x ga nüma ga Achíriaanearü ãẽ̱xgacü rü nanaxuegu rü ñanagürü: —¡Penamuegu i wüxi i chacherdóte i Chamáriaanecüã̱x nax Chamáriaaneca̱x nataeguxü̃ rü ngéma nangẽxmaxü̃ca̱x rü ngẽma ngexwaca ngugüxü̃ i duü̃xü̃güxü̃ nangúexẽẽxü̃ca̱x i ngẽma Chamáriaanecüã̱xarü tupanacüma! —ñanagürü.

Édra 10:4

¡Rü inachi rü naxü i ngẽma Tupana cuxü̃ muxü̃ nax cunaxüxü̃! Rü toma rü tá cuga taxĩnüe. ¡Ẽcü tomaxã nüxü̃ ixu nax ñuxãcü tá tanamexẽxẽ i ngẽma chixexü̃ i taxüxü̃! —ñanagürü.