Édra 7:15 - Tupanaarü Ore

¹⁵ Rü ngẽxgumarüxü̃ ta cuxna taxãga nax cuyanaxü̃ca̱x i ngẽma diẽrumü rü úiru i choma i ãẽ̱xgacü rü chorü ngü̃xẽẽruü̃gümaxã torü ngúchaü̃maxã cuxna taxãmaregüxü̃ naxca̱x ya perü Tupana ya Yerucharéü̃gu ãpatacü.

Édra 7:15 Referans Kwoze

Wiyaegü 135:21

Rü namexẽchi ya Cori ya Tupana ya ma̱xpǘne ya Chióü̃gu ãchiü̃cü i Yerucharéü̃wa. Rü name nax nüxü̃ icua̱xüü̃güxü̃.

Norü taxre ga to ga popera ga ãẽ̱xgacügüchiga ümatüxü̃ 6:2

Natürü i choma rü cuxca̱x chanaxü ya daa ĩpata ya taxü̃ne nax yimawa cungexmaechaxü̃ca̱x —ñanagürü.

Édra 6:12

Rü yimá Tupana ya nügüca̱x nüxü̃ unetacü ya yima ĩane ya Yerucharéü̃ rü tá nayanaxoxẽxẽ i ngexü̃rüüxü̃mare i ãẽ̱xgacü rüe̱xna nachixü̃ane i tama yanguxẽẽxü̃ i ñaa chorü mu rü naguxchaxẽẽxü̃ ya yima Tupanapata ya taxü̃ne ya Yerucharéü̃wa ngẽxmane. Rü choma i Daríu nixĩ i chanaxunagüxü̃ i ñaa mu. Rü ngẽmaca̱x chanaxwa̱xe i aixcüma mea naga pexĩnüe —ñanagürü ga norü poperawa.

Wiyaegü 76:11

¡Rü Tupanamaxã ipexunetagü, natürü aixcüma peyangu̱xẽxẽ i ngẽma perü uneta! Rü guxãma i pema ya yimá Ãũcümacüarü duü̃xü̃gü pixĩgüxü̃ rü ¡ẽcü nüxna penana i perü ãmaregü!

Wiyaegü 76:2

Rü Yerucharéü̃wa nangẽma ya napata rü Chióü̃gu namaxü̃.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Édra 6:4

Rü naxtapü̱xarü ügü rü tomaepü̱xchimüü̃ ya nutagü ya itacü tá nixĩ. Rü yimáétüwa rü wüxichimüxü̃ i ngexwaca̱xü̃xü̃ i nai i yaxcüxü̃ tá nanucu. Rü chorü diẽruarü dauruxü̃ tá nixĩ i naxütanüxü̃ i guxü̃ma i ngẽma puracü.

Norü taxre ga to ga popera ga ãẽ̱xgacügüchiga ümatüxü̃ 6:6

Natürü i ñu̱xma rü nüxü̃ chaxuneta ya Yerucharéü̃ nax ngẽxma naxüxü̃ca̱x ya chopata. Rü nüxü̃ chaxuneta ya Dabí nax yimá chorü duü̃xü̃gü i Iraétanüxü̃arü ãẽ̱xgacü ixĩxü̃ca̱x”, ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 2:6

Natürü wüxi ya napata ya taxü̃ne rü tama nagu name nax ngéma namaxü̃xü̃. Rü ngẽma dauxü̃guxü̃ i naane rü woo nataxüchi natürü naxca̱x rü naxíraxüchi. ¿Rü ñu̱xũchi texé tümamaxã nanguxü̃ nax nüxü̃́ tanaxüxü̃ ya wüxi ya napata ya taxü̃ne? ¿Rü nüma nax nataxüchixü̃ rü texé chixĩ i choma nax nüxü̃́ chanaxüxü̃ ya wüxi ya napata ya taxü̃ne ya pumarate̱xe naxca̱x nawa iguxü̃newaxicatama name?

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:6

Rü yexguma ga yema wüxichigü ga papa, rü wüxichigü ga yema Iraétücumügüarü ãẽ̱xgacügü, rü yema ãẽ̱xgacügü ga churaragümaxã icua̱xgüxü̃, rü yema yatügü ga ãẽ̱xgacü ga Dabíarü puracümaxã icua̱xgüxü̃ rü norü ngúchaü̃maxã ãmare inaxãgü.

Édra 7:14

Erü choma i ãẽ̱xgacü rü ngẽma 7 i chorü ngü̃xẽẽruü̃gümaxã rü ngéma cuxü̃ tamu nax mea cuyangugüxü̃ca̱x nax ñuxãcü ínamaxẽxü̃ i ngẽma cutanüxü̃ i Yudáanewa, rü ĩane ya Yerucharéü̃wa, rü aixcüma nagu ínamaxẽ i ngẽma curü Tupanaarü mugü i cuxü̃́ ngẽxmaxü̃.

Édra 8:25

Rü nape̱xewa ichanaya ga yema diẽrumü, rü úiru, rü Tupanapata ga taxü̃nearü yemaxü̃gü ga ãẽ̱xgacü wüxigu norü ngü̃xẽẽruü̃gümaxã ixãgüxü̃, rü ãẽ̱xgacüarü churaragüerugü ixãgüxü̃, rü guxü̃ma ga duü̃xü̃gü ga yéma yexmagüxü̃ ga Iraétanüxü̃ ixãgüxü̃ nax Tupanapata ga taxü̃nearü yixĩgüxü̃ca̱x. Rü ñu̱xũchi chacherdótegüna chanana.

Norü taxre ga to ga popera ga ãẽ̱xgacügüchiga ümatüxü̃ 32:23

Rü yemaca̱x muxü̃ma ga yema togü ga nachixü̃anecüã̱xgü rü Cori ya Tupanaca̱x Yerucharéü̃wa nanana ga norü ãmaregü. Rü nüma ga Yudáanearü ãẽ̱xgacü ga Echequíaca̱x rü ta yéma nanana ga mexẽchigüxü̃ ga ãmaregü. Rü yexgumacürüwa ga ãẽ̱xgacü ga Echequía rü natachiga nape̱xewa ga guxü̃ma ga yema togü ga nachixü̃anegü.

Édra 1:6

Rü yema Iraétanüxü̃ ga tama Yerucharéü̃ca̱x woeguchaü̃xü̃, rü yema woeguxü̃xü̃ narüngü̃xẽẽgü diẽrumaxã, rü úirumaxã, rü wocagümaxã rü norü yemaxü̃gü ga tatanüxü̃maxã. Rü naétü nüxna nanaxãgü ga ãmaregü Tupanapata ga taxü̃neca̱x.