Édra 7:1 - Tupanaarü Ore

¹ Rü yexguma Artayére rü Pérchiaanearü ãẽ̱xgacü yixĩxgu, rü nayexma ga wüxi ga chacherdóte ga Édragu ãégacü. Rü nüma rü Cheraía nane nixĩ rü nũxcümaü̃cü ga Aróü̃taxa nixĩ.

Édra 7:1 Referans Kwoze

Neemía 2:1

Rü yexguma ga choma rü ãẽ̱xgacü ga Artayérepáxü̃arü üãcuruxü̃ chixĩ. Rü wüxi ga ngunexü̃ ga Nicháü̃arü tauemacügu ga yexguma Artayére marü 20 ga taunecü ãẽ̱xgacü yixĩxgu, rü naxpáü̃ bínumaxã chaxüãcuyane rü nüma ga ãẽ̱xgacü rü choxü̃ nadawenü ga nax changechaü̃chametüxü̃. Rü yemaca̱x choxna naca rü ñanagürü:

Édra 7:21

Rü pemax, Pa Ãẽ̱xgacügüx i Taxtü i Eufrátearü Oéstewaama Ngẽxmagüxe i Diẽrumaxã Icua̱xgüxex, rü choma i Pérchiaanearü ãẽ̱xgacü i Artayére rü pexca̱x chayamupane i ñaa mugü: “¡Rü nüxna penaxã i guxü̃ma i ta̱xacü i pexü̃tawa naxca̱x ínaca̱xü̃ ya yimá chacherdóte ya ngu̱xẽẽtaeruxü̃ ya Édra i meama Tupana ya daxũcüã̱xarü mugüxü̃ cuácü!

Édra 6:14

Rü yemaacü ga nüma ga yema Yudíugü ga yema puracümaxã icua̱xgüxü̃ rü nayadaxẽẽgü ga nax napuracüexü̃. Rü Tupanaarü orearü uruü̃gü ga Aguéu rü Chacaría ga Idú nane rü Tupanaarü oremaxã poraãcü nanataãẽxẽxẽgü ga yema Tupanapatawa puracüexü̃. Rü yemaacü ga guma Tupanapataarü mexẽxẽ rü ningu yema Tupana nüxü̃ ixuxü̃rüxü̃ rü yema Chíru rü Daríu rü Artayére ga Pérchiaanearü ãẽ̱xgacügü unagügüxü̃rüxü̃.

Norü taxre ga popera ga ãẽ̱xgacügüchiga 22:4

—¡Ẽcü yea chacherdótegüarü ãẽ̱xgacü ya Irichíaxü̃tawa naxũ rü namaxã nüxü̃ yarüxu nax ngĩxü̃ nanutaque̱xexü̃ca̱x i ngẽma diẽru i duü̃xü̃gü Tupanapata ya taxü̃newa ngĩxü̃ ngegücü rü ngẽma diẽru ga Tupanapata ya taxü̃nearü ĩã̱xarü dauruü̃gü duü̃xü̃güxü̃tawa ngĩxü̃ decü!

Neemía 11:11

Rü to nixĩ ga Cheraía. Rü Cheraía nanatü nixĩ ga Irichía, rü Irichía nanatü nixĩ ga Mechuráü̃, rü Mechuráü̃ nanatü nixĩ ga Chadóx, rü Chadóx nanatü nixĩ ga Meraióx, rü Meraióx nanatü nixĩ ga Aitúx. Rü nüma ga Cheraía nixĩ ga ãẽ̱xgacü ga Tupanapata ga taxü̃nemaxã inacuáxü̃.

Édra 7:10

Rü nüma ga Édra rü aixcüma nagu narüxĩnü nax Tupanaarü mugüwa nangúxü̃ rü nagu nax namaxü̃xü̃ rü yema togü ga Iraéanecüã̱xgüxü̃ nax nangúexẽẽxü̃ca̱x ga yema Tupanaarü mugü.

Norü taxre ga to ga popera ga ãẽ̱xgacügüchiga ümatüxü̃ 34:15

Rü yexgumatama ga nüma ga Irichía rü gumá ãẽ̱xgacüarü poperaarü ümatüruxü̃ ga Chapáü̃maxã nüxü̃ nixu nax Cori ya Tupanapata ga taxü̃negu nüxü̃ yangauxü̃ ga yema iyarütaxuxü̃ ga Tupanaarü mugüpane. Rü Chapáü̃na nanaxã.

Norü taxre ga to ga popera ga ãẽ̱xgacügüchiga ümatüxü̃ 34:9

Rü yemaca̱x ga yema tomaepü̱x ga yatügü ga Yochía muxü̃ rü chacherdótegüarü ãẽ̱xgacü ga Irichíaxü̃tawa naxĩ. Rü nüxna ngĩxü̃ nayana ga guxcüma ga diẽru ga Tupanapata ga taxü̃newa yexmacü, wüxigu ngĩmaxã ga yema diẽru ga Lebítanüxü̃ rü ĩã̱xarü dauruü̃gü ngĩxü̃ decü natanüwa ga yema Manachétanüxü̃ rü Efraíü̃tanüxü̃ rü yema togü ga Iraétanüxü̃, rü yexgumarüxü̃ ta ga diẽru ga guxü̃ma ga Yudáanewa rü Bẽyamíü̃anewa rü Yerucharẽü̃wa ngĩxü̃ nayauxgücü. Rü guxcüma ga yema diẽru rü chacherdótegüarü ãẽ̱xgacü ga Irichíana ngĩxü̃ nayana.

Norü taxre ga popera ga ãẽ̱xgacügüchiga 25:18

Rü nüma ga churaragüeru ga Nabucharadáü̃ rü Cheraía ga chacherdótegüarü ãẽ̱xgacüxü̃ niyaxu. Rü yexgumarüxü̃ ta nayayaxu ga namücü ga chacherdóte ga Chofonía. Rü ñu̱xũchi ínanayauxü̃ ga yema tomaepü̱x ga Tupanapata ga taxü̃nearü ĩã̱xarü dauruü̃gü.

Norü taxre ga popera ga ãẽ̱xgacügüchiga 22:8

Rü wüxi ga ngunexü̃ rü nüma ga chacherdótegüarü ãẽ̱xgacü ga Irichía rü Yochíaarü poperaarü ümatüruxü̃ ga Chapáü̃maxã nüxü̃ nixu nax Cori ya Tupanapata ga taxü̃negu nüxü̃ iyangauxü̃ ga Tupanaarü mugüpane, rü Chapáü̃na nanaxã. Rü nüma ga Chapáü̃ rü nüxü̃ nadaumatü.

Édra 7:2

Rü ñaagü nixĩ ga yema Édra ga Cheraía nanearü o̱xigü: rü Acharía, rü Irichía, rü Charúü̃, rü Chadóx, rü Aitúx, rü Amaría, rü Acharía, rü Meraióx, rü Cheraí, rü Uchí, rü Buquí, rü Abichúa, rü Fineéx, rü Ereachá, rü Aróü̃, ga nüxírama chacherdóte ixĩxü̃ ga Iraétanüxü̃tanüwa.

Édra 4:7

Rü gumá taunecü ga Artayére ãẽ̱xgacü ixĩxgu ga Pérchiaanewa rü Biráü̃, rü Miridáte rü Tabeé rü naétü togü ga namücügümaxã ãẽ̱xgacü ga Artayéreca̱x nanaxümatügü ga wüxi ga popera. Rü yema popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ rü Araméugawa nanaxümatügü rü ñu̱xũchi yema naga ga ãẽ̱xgacü ga Artayére nawa idexaxü̃wa nanaxümatügü.

Neemía 8:1

Rü gumá norü 7 ga tauemacügu rü guxü̃ma ga yema duü̃xü̃gü ga marü norü ĩanewa iyexmachigüxü̃ rü Yerucharéü̃wa nayangutaque̱xegü nax nüxü̃ naxĩnüexü̃ca̱x ga Tupanaarü ore. Rü yema ĩanearü ngutaque̱xechica ga Ĩã̱x ga Dexágu ãégaxü̃arü to̱xma̱xtawa yexmaxü̃gu nangutaque̱xegü. Rü ñu̱xũchi ga nüma ga duü̃xü̃gü rü chacherdóte ga Édraxü̃ ñanagürügü: —¡Ẽcü nua nange i ngẽma Cori ya Tupanaarü mugüpane ga Moiché ümatüxü̃ naxca̱x ga tórü o̱xigü ga Iraétanüxü̃! —ñanagürügü.