Édra 6:9 - Tupanaarü Ore

⁹ Rü ngẽma chacherdótegü i Yerucharéü̃wa ngẽxmagüxü̃ rü chanaxwa̱xe i nüxna penamugü i ngẽma wocaxacügü rü carnérugü i nanaxwa̱xegüxü̃ nax naxca̱x yagugüãxü̃ ya yimá Tupana ya dauxü̃wa ngẽxmacü. ¡Rü naétü nüxna penaxã i trigute̱xe, rü bínu, rü yucüra, rü oribuarü chíxü̃ i wüxichigü i ngunexü̃gügu rü tagutáma nixüye!

Édra 6:9 Referans Kwoze

Lebítanüxü̃arü puracüchiga 1:10

Rü ngẽxguma texé tümaarü carnérutanüwa rüe̱xna chíbutanüwa choxna taxãxgu i wüxi i ãmare nax tayaguxü̃ca̱x rü name i wüxi i naxü̃na iyatüxü̃ i ngearü chixexü̃ã́xü̃ nax yixĩxü̃.

Ore i mexü̃ ga Márcu ümatüxü̃ 9:49

Rü guxü̃ma i duü̃xü̃gü rü guxchaxü̃wa tá nachopetü ñoma üxüwa nachopetüxü̃rüxü̃.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:29

Rü togü ga dauxü̃taeruü̃gü rü namaxã inacua̱xgü ga yema to ga nawechigü, rü yema yemaxü̃gü ga ixüünexü̃, rü trigute̱xe, rü bínu, rü chíxü̃ ga baeruruxü̃, rü pumarate̱xe ga guruxü̃, rü to ga pumaragü.

Lebítanüxü̃arü puracüchiga 9:2

Moiché rü Aróü̃xü̃ ñanagürü: —¡Nua naga i wüxi i wocaxacü i yatüxü̃ i ngexwaca yaxü̃ nax pecaduarü ütanüca̱x yamáxü̃ca̱x! ¡Rü ngẽxgumarüxü̃ ta nua naga i wüxi i carnéru i yatüxü̃ i taxuwama chixexü̃, rü Cori ya Tupanaca̱x ínagu!

Édra 6:8

Rü ñu̱xũchi pemaxã nüxü̃ chixu nax perü diẽrumaxã nüxü̃ perüngü̃xẽẽgüxü̃ i ngẽma Yudíugü i ngẽma puracümaxã icua̱xgüxü̃ nax naxügüã̱xü̃ca̱x ya yima Tupanapata ya taxü̃ne. Rü ngẽma diẽru i perü naanewachigütama perü duü̃xü̃gütanüwa ngĩxü̃ peyaxu̱xcümaxã tá nixĩ i paxa penaxütanüxü̃ ya yima Tupanapata ya taxü̃nearü mexẽxẽ nax ngẽmaãcü tama íyachaxãchixü̃ca̱x i ngẽma puracü.

Édra 6:10

Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.