Édra 6:7 - Tupanaarü Ore

⁷ ¡Rü taxũtáma penachixewe ya yimá Yudíugüanecüã̱xarü ãẽ̱xgacü rü ngẽma togü i duü̃xü̃gü i ngẽma puracümaxã icua̱xgüxü̃!

Édra 6:7 Referans Kwoze

Édra 6:6

Rü yexguma ga nüma ga Pérchiaanearü ãẽ̱xgacü ga Daríu rü nanaxümatü ga wüxi ga popera naxca̱x ga Tatenái ga taxtü ga Eufrátearü oéstewaamaarü ãẽ̱xgacü, rü Chétaru-bonái rü norü ngü̃xẽẽruü̃gü ga ãẽ̱xgacügü ixĩgüxü̃ ga yema naanewa. Rü norü poperawa rü ñanagürü: —¡Taxũtáma nüxü̃́ penaguxchaxẽxẽ i ngẽma Yudíugü nax wena naxügüãxü̃ ya yima Tupanapata ya taxü̃ne! Rü ngẽma noxrirüxü̃ i nachicagu tátama nanaxügü.

Édra 6:8

Rü ñu̱xũchi pemaxã nüxü̃ chixu nax perü diẽrumaxã nüxü̃ perüngü̃xẽẽgüxü̃ i ngẽma Yudíugü i ngẽma puracümaxã icua̱xgüxü̃ nax naxügüã̱xü̃ca̱x ya yima Tupanapata ya taxü̃ne. Rü ngẽma diẽru i perü naanewachigütama perü duü̃xü̃gütanüwa ngĩxü̃ peyaxu̱xcümaxã tá nixĩ i paxa penaxütanüxü̃ ya yima Tupanapata ya taxü̃nearü mexẽxẽ nax ngẽmaãcü tama íyachaxãchixü̃ca̱x i ngẽma puracü.

Édra 1:3

Rü ngẽmaca̱x i guxãma i pema ya Iraéanecüã̱xgü ixĩgüxe, rü name nixĩ nax Yudáanewa ngẽxmane ya ĩane ya Yerucharéü̃ca̱x pewoeguxü̃ nax wena penaxügüxü̃ca̱x ya napata ya taxü̃ne ya yimá perü Tupana. Rü nüma tá pexü̃́ nanatauxchaxẽxẽ nawa i ngẽma puracü.