Édra 6:16 - Tupanaarü Ore

¹⁶ Rü yema Iraétanüxü̃ rü chacherdótegü rü Lebítanüxü̃, rü naétü ga yema togü ga Babiróniawa íchoxü̃xü̃ rü taãẽmaxã nanaxüchigagü ga guma Tupanapata ga taxü̃nearü ãxü̃chichiga.

Édra 6:16 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 7:5

Rü nüma ga ãẽ̱xgacü ga Charomóü̃ rü Tupanaca̱x ínanagu ga 22,000 ga wocagü ga iyatüxü̃ rü 120,000 ga carnérugü. Rü yemaacü nixĩ ga ãẽ̱xgacü rü guxü̃ma ga yema Iraétanüxü̃ ga Tupanaaxü̃́ yaxãxü̃chigüãxü̃ ga guma napata ga taxü̃ne.

Nüxíraxü̃xü̃ ga popera ga ãẽ̱xgacügüchiga 8:63

Rü nüma ga Charomóü̃ rü Tupanaca̱x ínanagu ga 22,000 ga wocagü ga iyatüxü̃gü rü 120,000 ga carnérugü ga Tupanaarü taãẽxẽẽruxü̃. Rü yemaacü ga ãẽ̱xgacü rü guxü̃ma ga Iraétanüxü̃ rü Tupanana nanaxuaxü̃gü ga guma napata ga taxü̃ne.

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Ore i mexü̃ ga Cuáü̃ ümatüxü̃ 10:22

Rü nawa nangu ga yema peta ga gucü ga taunecügu Tupanapata ga taxü̃neca̱x naxügüxü̃ ga Yudíugü nax nüxna nacua̱xãchigüxü̃ca̱x ga yema ngunexü̃ ga nagu yanguxü̃ ga gumá Tupanapata. Rü nagáuane ga Yerucharéü̃wa ga yexguma.

Wiyaegü 122:1

Rü chataãxẽ i ngẽxguma choxü̃ nangĩxãgügu nax Cori ya Tupanapatawa taxĩxü̃.

Édra 6:22

Rü 7 ga ngunexü̃ taãẽãcüma nanaxüchigagü ga paũ ga ngearü pu̱xẽẽruü̃ã́xü̃arü petachiga. Rü nüma ga Cori ya Tupana rü taãẽmaxã nanapagüxẽxẽ ga yema duü̃xü̃gü yerü Pérchiaanearü ãẽ̱xgacüãẽwa nananguxẽxẽ nax nüxü̃ nangü̃xẽẽxü̃ca̱x ga yema Yudíugü nax wenaxarü naxügüã̱xü̃ca̱x ga guma Tupanapata ga taxü̃ne ga Iraétanüxü̃arü Tupana.

Neemía 7:73

Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.

Édra 4:1

Rü yexguma yema norü uanügü nüxü̃ cua̱xgügu nax wena namexẽẽgüãxü̃ ga guma Tupanapata ga taxü̃ne ga yema duü̃xü̃gü ga Yudátanüxü̃ rü Bẽyamíü̃tanüxü̃ ga Babiróniaanewa ne ĩxü̃ ga Yerucharéü̃ca̱x woeguxü̃, rü nüma ga norü uanügü rü Chorobabéxü̃tawa rü Yochuéxü̃tawa rü yema togü ga ãẽ̱xgacügüxü̃tawa ínayadaugü. Rü ñanagürügü nüxü̃: —¡Taxṹ i toxna penachu̱xuxü̃ nax pexü̃ tarüngü̃xẽẽgüxü̃ nawa i ñaa puracü! Erü toma rü ta pexrüxü̃ nüxü̃́ tayaxõgü ya yimá perü Tupana. Rü naxca̱x ítanaguuxü̃ ga torü ãmaregü ga yexguma Achíriaanearü ãẽ̱xgacü ga Echaradóü̃ nua toxü̃ gagügumama —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 30:26

Rü nataxüchi ga taãxẽ ga Yerucharéü̃wa, yerü yexguma Charomóü̃ ga Dabí nane Iraéanearü ãẽ̱xgacü yixĩxgucürüwa rü taguma yemaacü nanaxüchigagü ga yema peta ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 30:23

Rü guxü̃ma ga yema duü̃xü̃gü rü nügümaxã nagu narüxĩnüe nax to ga 7 ga ngunexü̃ nüxü̃ nama̱xnetagüxü̃ ga yema peta. Rü yema rü poraãcü taãẽãcüma nanaxügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:28

Rü yemaacü nüma ga Dabí, rü guxü̃ma ga yema Iraétanüxü̃ rü nagu nicuegü ga carnéruchatacu̱xregü rü nanapaxgü ga platíyugü rü árpagü ga ixíraxü̃ rü árpagü ga ítáxü̃. Rü yemaacü taãẽãcü Yerucharéü̃wa nanangegü ga yema baú ga Tupanaarü mugü nagu nuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2

Rü yema duü̃xü̃gü ga nüxíra woeguxü̃ nax wena norü naanegüwa rü ĩanegüwa nangugüxü̃ca̱x, rü yemagü nixĩ ga ñuxre ga Iraétanüxü̃ rü chacherdótegü, rü Lebítanüxü̃, rü yema Tupanapata ga taxü̃nearü puracüwa puracüexü̃.

Wenaxarü naxümatü ga Tupanaarü mugü 12:7

Rü ngẽma nachicawa rü Cori ya Tupanape̱xewa pexacügümaxã tá pechibüe rü tá petaãxẽ naxca̱x i ngẽma mexü̃gü i Cori ya perü Tupanaarü ngü̃xẽẽgagu perü puracüwa peyaxuxü̃.

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Neemía 8:10

Rü ñanagürü ta ga Édra: —¡Ẽcü mea peyachibüe rü bínu ya maixcuracü peyaxagü! ¡Rü tümamaxã pengau ya texé ya tüxü̃́ nataxúxe i tümaarü õna nax wüxigu petaãẽgüxü̃ca̱x! Erü ñoma i ngunexü̃ rü woetama Cori ya Tupanaca̱x ítanaxǘxüchi. Rü ngẽmaca̱x tama name nax pengechaü̃güxü̃ erü ngẽma taãxẽ i tórü Cori ya Tupana tüxna ãxü̃ rü tórü poxü̃ruxü̃ nixĩ —ñanagürü.

Nüxíraxü̃xü̃ ga popera ga ãẽ̱xgacügüchiga 8:62

Rü yemawena ga ãẽ̱xgacü rü guxü̃ma ga Iraétanüxü̃ rü Cori ga Tupanaca̱x nanadai rü ínanagu ga naxü̃nagü.

Danié 5:13

Rü yexgumatama ãẽ̱xgacüpe̱xewa Daniéxü̃ nagagü. Rü nüma ga ãẽ̱xgacü rü nüxna naca, rü ñanagürü: —¿Cuma quixĩxü̃ i Danié i Yudíu quixĩxü̃ ga chaunatü ga Nabucudonochó Yudáanewa pexü̃ ne gagüxü̃?

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Neemía 12:27

Rü yexguma nawa nanguxgu ga yema ngunexü̃ ga Yerucharéü̃arü poxeguxü̃ nagu yaxãxü̃chigüxü̃, rü guxü̃nema ga guma ĩanegü ga Lebítanüxü̃ nawa maxẽnegu Lebítanüxü̃ca̱x nayadaugü. Rü ñu̱xũchi Yerucharéü̃wa nanagagü nax yemaacü taãẽãcü Tupanaxü̃ yacua̱xüü̃güxü̃ca̱x wiyaegümaxã rü norü platíyugümaxã rü árpagümaxã rü árpaxacügümaxã nax naxüchigagüãxü̃ca̱x ga yema Yerucharéü̃arü poxeguruü̃arü ãxü̃chichiga.