Édra 6:11 - Tupanaarü Ore

¹¹ Rü ngẽxguma chi texé tama naga ĩnügu i ñaa chorü mu, rü name nixĩ i wüxi ya tümapataarü omüta tayaxu rü yimamaxã tüxü̃ tapai nax ngẽxma tayuxü̃ca̱x ya yíxema tama naga ĩnüxe. Rü yima tümapata rü ngẽxma narüxo rü naachina̱xãgüxica ngéma nayaxǘ.

Édra 6:11 Referans Kwoze

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Danié 2:5

Rü nüma ga ãẽ̱xgacü rü nanangãxü̃ga rü ñanagürü: —Ngẽxguma taxũtáma chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃, rü tá pexü̃ chadai rü íxraxü̃gu tá pexü̃ inachexü̃gü. Rü pepatagü rü tá nagu napogüe rü natüchixica tá ngéma ninuagü.

Édra 7:26

Rü ngexerüxüxemare ya tama naga ĩnüxe i ngẽma curü Tupanaarü mugü rü chorü mugü ¡rü noxtacüma tüxü̃ pima̱x rüe̱xna tüxü̃ ípeta̱xüchi i perü naanewa, rüe̱xna tüxna penapuxü̃ i tümaarü ngẽmaxü̃gü, rüe̱xna tüxü̃ pepoxcu! —ñanagürü ga ãẽ̱xgacü ga Artayére norü poperawa.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ester 5:4

—Rü ngẽxguma chi curü me yixĩxgu, Pa Ãẽ̱xgacüx, rü cuxna chaxu nax chauxü̃tawa cuxũxü̃ca̱x erü cuxca̱x rü Amáü̃ca̱x chanaxü i wüxi i õna i mexü̃ i ñu̱xmax —ngĩgürügü.

Norü taxre ga popera ga ãẽ̱xgacügüchiga 10:27

Rü nagu napogüe ga Baáxarü ãmarearü guruxü̃. Rü yexgumarüxü̃ ta nagu napogüe ga guma norü ngutaque̱xepataxü̃. Rü guxchirechicaxü̃ nayaxĩxẽxẽ ga yema nachica, rü ñu̱xma rü ta rü ngéma nangẽxma.

Norü taxre ga popera ga ãẽ̱xgacügüchiga 9:37

Rü ngẽma ngĩmachi rü Yereéanegu tá namaxã nawo̱xegü nax ngẽmaãcü taxúema nüxü̃ cuáxü̃ca̱x ya yima ngĩxchina̱xãgü —ñanagürü.