Édra 6:10 - Tupanaarü Ore

¹⁰ Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.

Édra 6:10 Referans Kwoze

Yeremía 29:7

¡Rü naxca̱x pepuracüe ya yima ĩane ya Babirónia ya nawa pexü̃ nagagüne! ¡Rü yima ĩaneca̱x peyumüxẽgü! Erü ngẽxguma mexü̃ naxca̱x ínguxgu ya yima ĩane, rü pexca̱x rü ta mexü̃ ínangu.

Édra 7:23

Rü ngẽxgumarüxü̃ ta i ngexü̃rüüxü̃mare i ngẽmaxü̃gü ya Tupana ya daxũcüã̱x naxwa̱xexü̃ i napata ya taxü̃neca̱x, rü name nixĩ i nüxna penaxã nax tama cha̱u̱xca̱x rü chauneca̱x poxcu ínangu̱xẽẽxü̃”.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Lebítanüxü̃arü puracüchiga 1:13

Rü ngẽmawena ya yíxema Tupanaca̱x ãmare iguxe rü tá dexámaxã tayayauxgü i naü̃nüta rü naparagü. Rü nüma i chacherdóte rü ngẽma guruü̃wa tá ínanagu i guxü̃ma nax choma ya Cori ya Tupana namaxã chataãẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 1:9

Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Édra 6:9

Rü ngẽma chacherdótegü i Yerucharéü̃wa ngẽxmagüxü̃ rü chanaxwa̱xe i nüxna penamugü i ngẽma wocaxacügü rü carnérugü i nanaxwa̱xegüxü̃ nax naxca̱x yagugüãxü̃ ya yimá Tupana ya dauxü̃wa ngẽxmacü. ¡Rü naétü nüxna penaxã i trigute̱xe, rü bínu, rü yucüra, rü oribuarü chíxü̃ i wüxichigü i ngunexü̃gügu rü tagutáma nixüye!

Danié 2:46

Rü yexguma nüma ga ãẽ̱xgacü ga Nabucudonochó nüxü̃ ĩnügu ga yema ore rü Daniépe̱xegu nacaxã́pü̱xü rü waixü̃mügu nayangücuchi. Rü norü duü̃xü̃güxü̃ namu nax Daniéna naxãgüãxü̃ca̱x ga norü ãmaregü rü pumarate̱xegü.

Ínachoxü̃xü̃chiga 12:32

¡Rü ẽcü peyagagü i perü carnérugü rü perü wocagü ngẽma penaxwa̱xerüxü̃! ¡Rü ípechoxü̃ i nua! ¡Rü perü Tupanana cha̱u̱xca̱x pecagüe! —ñanagürü.

Édra 1:2

—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.