Édra 5:8 - Tupanaarü Ore

⁸ Rü cumaxã nüxü̃ tixu nax Yudáanewa ítayadauxü̃ ya napata ya taxü̃ne ya yimá Yudíugüarü Tupana ya Guxãétüwa Ngẽxmacü. Rü yima rü ínanamexẽẽgü nuta ya itaxüchicümaxã. Rü ngẽma naxtapü̱x rü meama mürapewamaxã natüchiã. Rü ngẽma puracü rü naxca̱x napaxaãẽgü rü ngẽmaca̱x paxãma inixũ.

Édra 5:8 Referans Kwoze

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Danié 4:2

Rü chanaxwa̱xe i pema rü nüxü̃ nax pecuáxü̃ i ngẽma taxü̃ i ngü̃xẽxẽ i poraãcü mexü̃ ya Tupana ya poracü cha̱u̱xca̱x üxü̃.

Danié 3:26

Rü yema ñaxguwena rü nüma ga Nabucudonochó rü yema poxcuchicaxü̃ ga íya̱u̱xraxü̃ca̱x nixũ rü yéma tagaãcü ñanagürü: —Pa Chadrá, rü Mechá, rü Abex-negó ya Tupana ya Guxãétüwa Ücüarü Duü̃xü̃gü Ixĩgüxü̃x, rü ¡ípechoxü̃ rü nua pexĩ! —ñanagürü. Rü yema tomaepü̱x rü ínachoxü̃ nawa ga guma üxü.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Ester 1:22

Rü wüxichigü ga nagawa naxümatü rü ñu̱xũchi guxü̃ma ga yema naanegü ga ãẽ̱xgacü namaxã icuáxü̃wa nanamupane nax guxü̃ma ga ngexü̃gü rü natega naxĩnüexü̃ca̱x.

Ester 1:1

Rü nüma ga Achuéru rü ãẽ̱xgacü nixĩ ga Médiaanewa rü Pérchiaanewa. Rü yema norü naane rü 127 gu nixüye. Rü Índiaanewa inaxügü rü ñu̱xmata Etiopíaanewa nangu ga norü ta.

Neemía 11:3

Rü Yudáanewa yexmagüne ga ĩanegüwa nangugü ga yema Iraétanüxü̃, rü chacherdótegü, rü Lebítanüxü̃, rü duü̃xü̃gü ga Tupanapata ga taxü̃nearü puracütanüxü̃ rü ñu̱xũchi nataagü ga Charomóü̃arü puracütanüxü̃. Rü wüxichigü ga nümagü rü norü ĩaneca̱x rü norü naaneca̱x nawoegu. Rü ñaa nixĩ ga norü ãẽ̱xgacügü ga yema Iraétanüxü̃ ga Babiróniawa ne ĩxü̃ rü ĩane ga Yerucharéü̃gu yaxãpatagüxü̃.

Neemía 7:6

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃, rü wenaxarü Yerucharéü̃ca̱x woeguxü̃, rü naigü ga ĩanegü ga Yudáanewa yexmagüneca̱x woeguxü̃. Rü wüxichigü ga duü̃xü̃ rü norü ĩaneca̱x nataegu. Rü ñagü nixĩ ga yema namaxã icua̱xgüxü̃: Chorobabéx, rü Yochué, rü Neemía, rü Acharía, rü Raamía, rü Naamaní, rü Maduquéu, rü Bicháü̃, rü Mispére, rü Bixbái, rü Neúü̃, rü Baaná.

Édra 7:23

Rü ngẽxgumarüxü̃ ta i ngexü̃rüüxü̃mare i ngẽmaxü̃gü ya Tupana ya daxũcüã̱x naxwa̱xexü̃ i napata ya taxü̃neca̱x, rü name nixĩ i nüxna penaxã nax tama cha̱u̱xca̱x rü chauneca̱x poxcu ínangu̱xẽẽxü̃”.

Édra 6:10

Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.

Édra 2:1

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃. Rü yemawena rü wenaxarü Yerucharéü̃ca̱x rü naigü ga ĩanegü ga Yudáarü naanewa yexmagüneca̱x nawoegu. Rü wüxichigü ga duü̃xü̃ rü norü ĩaneca̱x nataegu. Rü ñaagü nixĩ ga yema namaxã icua̱xgüxü̃: Chorobabé, rü Yochué, rü Neemía, rü Cheraía, rü Relaía, rü Maduquéu, rü Bicháü̃, rü Mispá, rü Bixbái, rü Reúü̃, rü Baaná. Rü yemagü nixĩ ga yema namaxã icua̱xgüxü̃ ga yexguma nawoegugu.

Wenaxarü naxümatü ga Tupanaarü mugü 32:31

Rü tórü uanügü rü meama nüxü̃ nacua̱xgü nax norü dauruxü̃ i tupananeta rü tama tórü dauruxü̃ ya Tupanamaxã nawüxigu.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Édra 5:7

—Pa Ãẽ̱xgacüx, Pa Daríux, rü cuxü̃ tarümoxẽgü.

Édra 5:9

Rü yema Yudíugü ga yema puracümaxã icua̱xgüxü̃na taca nax texé tixĩxü̃ ga namúxe nax wena namexẽẽgüãxü̃ca̱x ya yima Tupanapata ya taxü̃ne, rü mürapewamaxã nax napexgüãxü̃ i naxchiãwaama.

Édra 6:4

Rü naxtapü̱xarü ügü rü tomaepü̱xchimüü̃ ya nutagü ya itacü tá nixĩ. Rü yimáétüwa rü wüxichimüxü̃ i ngexwaca̱xü̃xü̃ i nai i yaxcüxü̃ tá nanucu. Rü chorü diẽruarü dauruxü̃ tá nixĩ i naxütanüxü̃ i guxü̃ma i ngẽma puracü.