Édra 5:3 - Tupanaarü Ore

^3-4 Natürü nüma ga Tatenái ga taxtü ga Eufrátearü oéstewaamaarü ãẽ̱xgacü, rü nüma ga Chétaru-bonái rü namücügü, rü Yerucharéü̃wa naxĩ rü Yudíugüna nayacagü rü ñanagürügü: —¿Texé pexü̃ tamu nax wena penamexẽẽxü̃ ya daa Tupanapata ya taxü̃ne rü nax peyamexẽxẽgüxü̃ i norü poxeguxü̃ ya daa ĩane? —ñanagürügü. Rü ñu̱xũchi naxca̱x ínaca ga tümaéga ga guxema Tupanapataarü mexẽẽwa puracüexe.

Édra 5:3 Referans Kwoze

Édra 6:6

Rü yexguma ga nüma ga Pérchiaanearü ãẽ̱xgacü ga Daríu rü nanaxümatü ga wüxi ga popera naxca̱x ga Tatenái ga taxtü ga Eufrátearü oéstewaamaarü ãẽ̱xgacü, rü Chétaru-bonái rü norü ngü̃xẽẽruü̃gü ga ãẽ̱xgacügü ixĩgüxü̃ ga yema naanewa. Rü norü poperawa rü ñanagürü: —¡Taxũtáma nüxü̃́ penaguxchaxẽxẽ i ngẽma Yudíugü nax wena naxügüãxü̃ ya yima Tupanapata ya taxü̃ne! Rü ngẽma noxrirüxü̃ i nachicagu tátama nanaxügü.

Édra 6:13

Rü nüma ga Tatenái ga taxtü ga Eufrátearü oéstewaamaarü ãẽ̱xgacü rü Chétaru-bonái rü norü ngü̃xẽẽruü̃gü rü paxãma naga naxĩnüe ga yema mu ga ãẽ̱xgacü ga Daríu unagüxü̃.

Édra 5:9

Rü yema Yudíugü ga yema puracümaxã icua̱xgüxü̃na taca nax texé tixĩxü̃ ga namúxe nax wena namexẽẽgüãxü̃ca̱x ya yima Tupanapata ya taxü̃ne, rü mürapewamaxã nax napexgüãxü̃ i naxchiãwaama.

Édra 1:3

Rü ngẽmaca̱x i guxãma i pema ya Iraéanecüã̱xgü ixĩgüxe, rü name nixĩ nax Yudáanewa ngẽxmane ya ĩane ya Yerucharéü̃ca̱x pewoeguxü̃ nax wena penaxügüxü̃ca̱x ya napata ya taxü̃ne ya yimá perü Tupana. Rü nüma tá pexü̃́ nanatauxchaxẽxẽ nawa i ngẽma puracü.

Ngechuchuarü ngúexü̃gü ga yamugüxü̃arü puracüchiga 4:7

Rü nanamu nax naxü̃tawa nagagüãxü̃ca̱x ga Pedru rü Cuáü̃. Rü yexma norü ngãxü̃tanügu nanachigüxẽxẽ rü nüxna nacagü, rü ñanagürügü: —¿Texé pexü̃ tamu, rü texé pexna tanaxã i pora nax penamexẽẽxü̃ i ñaa yatü? —ñanagürügü.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Édra 7:21

Rü pemax, Pa Ãẽ̱xgacügüx i Taxtü i Eufrátearü Oéstewaama Ngẽxmagüxe i Diẽrumaxã Icua̱xgüxex, rü choma i Pérchiaanearü ãẽ̱xgacü i Artayére rü pexca̱x chayamupane i ñaa mugü: “¡Rü nüxna penaxã i guxü̃ma i ta̱xacü i pexü̃tawa naxca̱x ínaca̱xü̃ ya yimá chacherdóte ya ngu̱xẽẽtaeruxü̃ ya Édra i meama Tupana ya daxũcüã̱xarü mugüxü̃ cuácü!

Édra 5:6

Rü yema popera ga Daríuxü̃tawa namugüxü̃ ga Tatenái, rü Chétaru-bonái, rü norü ngü̃xẽẽruü̃gü ga ãẽ̱xgacügü rü ñanagürü:

Édra 4:12

Rü cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽma Yudíugü ga Iraétanüxü̃ ga Yerucharéü̃ca̱x woeguxü̃ ga Babiróniaanewa ne ĩxü̃, rü ñu̱xma rü wena nanamexẽẽgü ya yima norü ĩane i ngẽma duü̃xü̃gü i taxúega ĩnüexü̃ rü chixexü̃ ügüxü̃. Rü marü inanaxügüe nax namexẽẽgüãxü̃ i norü ĩanearü poxeguxü̃tápü̱x. Rü nananucu ga norü nutagü ya naxtapü̱xgü nawa ixügücü.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Édra 4:9

Rü yema popera ga ãẽ̱xgacü ga Reúü̃ rü poperaarü ümatüruxü̃ ga Chimchái ümatüxü̃ rü nagu nügü naxüégagü wüxigu namaxã ga namücügü ga Pérchiaanecüã̱x ga guxchaxü̃arü mexẽẽruü̃gü, rü churaragüerugü, rü yema togü ga ãẽ̱xgacügü ga Pérchiaanecüã̱xgü. Rü nümagü nixĩ ga yema Yudíugü ga Eréawa rü Babiróniawa rü Eráü̃anearü ĩane ga Chúchawa ne ĩxü̃maxã inacua̱xgüxü̃.