Édra 5:2 - Tupanaarü Ore

² Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.

Édra 5:2 Referans Kwoze

Édra 3:2

Rü yemaca̱x ga Yochué ga Yochadáx nane rü namücügü ga chacherdótegümaxã rü Chorobabé ga Charatié nane rü natanüxü̃maxã wenaxarü nanaxügü ga Tupanaarü ãmarearü guruxü̃ nax yéma ínaguaxü̃ca̱x ga Tupanaarü ãmaregü, yema mugü ga Moiché ümatüxü̃ nüxü̃ ixuxü̃rüxü̃.

Édra 6:14

Rü yemaacü ga nüma ga yema Yudíugü ga yema puracümaxã icua̱xgüxü̃ rü nayadaxẽẽgü ga nax napuracüexü̃. Rü Tupanaarü orearü uruü̃gü ga Aguéu rü Chacaría ga Idú nane rü Tupanaarü oremaxã poraãcü nanataãẽxẽxẽgü ga yema Tupanapatawa puracüexü̃. Rü yemaacü ga guma Tupanapataarü mexẽxẽ rü ningu yema Tupana nüxü̃ ixuxü̃rüxü̃ rü yema Chíru rü Daríu rü Artayére ga Pérchiaanearü ãẽ̱xgacügü unagügüxü̃rüxü̃.

2 Corintios 1:24

Rü toma rü tama pexü̃ taxucu̱xegüecha nax Tupanaaxü̃́ peyaxõgüxü̃, erü pema rü marü meama peyaxõgü. Natürü ngẽma tanaxwa̱xexü̃ nixĩ nax pexü̃ tarüngü̃xẽẽgüxü̃ nax yexeraãcü peporaexü̃ca̱x i perü õwa.

Chacaría 6:11

¡Rü naxü̃tawa naxca̱x ínaca i ngẽma úiru rü diẽrumü i Babiróniawa ne nangegüxü̃! Rü ngẽma úiruwa rü diẽrumüwa tá cunaxü i wüxi i nga̱xcueruxü̃, rü ngẽmamaxã tá cunanga̱xcueru ya yima chacherdotegüarü ãẽ̱xgacü ya Yochué ya Yochadáx nane.

Édra 10:18

Rü yema chacherdótegü ga to ga nachixü̃anecüã̱x ga ngexü̃gümaxã ixãxma̱xgüxü̃ rü ñagü nixĩgü: Yochadáx nane ga Yochuétaagü rü naenexẽgü ga Maachía rü Eriéche rü Yaríx rü Guedaría.

Aguéu 2:18

Rü ñu̱xma daa taunecüarü 9 ya tauemacüarü 24 i ngunexü̃gu nixĩchire̱x i ipenaxügüxü̃ nax penanucuxü̃ ya yimá nutagü ya namaxã inaxügüne ya chopata ya taxü̃ne. ¡Rü dücax, rü mea penangugü! Rü woo i ñu̱xmax rü tama mea nixo i perü trigu, rü úbagü, rü igunecü, rü boxragü rü oribugü, natürü i ñu̱xmawena rü tá pexü̃ charüngü̃xẽxẽxü̃ rü tagutáma pexü̃́ nataxu i ngẽma penetügüarü o” —ñanagürü ya Tupana.

Édra 1:8

Rü nüma ga Chíru ga Pérchiaanearü ãẽ̱xgacü rü norü diẽruarü dauruxü̃ ga Miridátexü̃ namu nax Yudátanüxü̃arü ãẽ̱xgacü ga Chebachárana nanaãxü̃ca̱x ga yema Tupanapataarü yemaxü̃gü.

Édra 3:8

Rü nüma ga Chorobabé ga Charatié nane rü Yochué ga Yochadáx nane rü nüma ga chacherdótegü rü Lebítanüxü̃ rü guxü̃ma ga yema Iraétanüxü̃ ga Yerucharéü̃ca̱x woeguxü̃, rü guxü̃ma ga yemagü wüxigu inanaxügüe ga yema puracü nax wena namexẽẽgüãxü̃ ga Tupanapata ga taxü̃ne. Rü yema puracü rü inaxügü ga yexguma marü taxre ga taunecü ínguxgu rü naétü taxre ga tauemacü yixĩxgu ga Yerucharéü̃wa nax nayexmagüxü̃. Rü yema puracümaxã inacua̱xgü ga yema Lebítanüxü̃ ga 20 ga taunecü rüe̱xna yexera nüxü̃́ yexmagüxü̃.

Chacaría 4:4

Rü yexguma ga choma rü nüxna chaca ga yema daxũcüã̱x ga chomaxã idexaxü̃ rü ñachagürü: —Pa Choxrü Corix ¿ta̱xacüchiga nixĩ i ngẽma? —ñachagürü.

Chacaría 4:14

Rü nüma ga yema daxũcüã̱x rü choxü̃ nangãxü̃ rü ñanagürü: —Ngẽma taxre ya oribune rü nachiga nixĩ i ngẽma taxre i duü̃xü̃gü i marü chíxü̃maxã íbaeruxü̃ nax nümagü rü nüxü̃́ napuracüexü̃ca̱x ya Tupana ya ñoma i naanearü yora ixĩcü —ñanagürü.

Chacaría 8:9

Rü nüma ya Cori ya Tupana ya Guxãétüwa Ngẽxmacü rü ñanagürü pexü̃: —Pema rü yexguma noxritama nanucugu ga guma nutagü ga chopata ya taxü̃nearü ügü rü yexgumaxü̃cüxütama nixĩ ga nüxü̃ pexĩnüexü̃ ga chauga ga chorü orearü uruü̃güwa pemaxã nüxü̃ chixuxü̃. ¡Rü ñu̱xma rü pora pexüe nax mea peyanguxẽẽxü̃ca̱x i ngẽma puracü!