Édra 4:5 - Tupanaarü Ore

⁵ Rü yema uanügü rü nümaxü̃ ga ãẽ̱xgacüarü ngü̃xẽẽruü̃güaxü̃́ nanaxütanügü nax yemaacü nüxü̃́ naguxchaxẽẽãxü̃ca̱x nax Tupanapata namexẽẽgüxü̃. Rü yema ãẽ̱xgacüarü duü̃xü̃gü rü guxcüma ga gumá taunecügü ga Chíru nagu ãẽ̱xgacü ixĩcügu ga Pérchiaanewa rü ñu̱xmata gumá taunecü ga Daríu nagu ãẽ̱xgacü ixĩcügu rü Iraétanüxü̃axü̃́ nanaguxchaxẽẽgü nax namexẽẽgüãxü̃ ga Tupanapata.

Édra 4:5 Referans Kwoze

Naúü̃ 1:11

Pa Nínibex, cuwa nixĩ ga nangóxü̃ i ngẽma ãẽ̱xgacü i chixexü̃gu rüxĩnüxü̃ nape̱xewa ya Cori ya Tupana. Rü nüma i ngẽma ãẽ̱xgacü rü wüxi i ucu̱xẽruxü̃ i chixexü̃ nixĩ.

Édra 5:5

Natürü nüma ga Tupana rü nüxna nadau ga yema Yudíugü ga yema puracümaxã icua̱xgüxü̃. Rü yemaacü nataxuma ga texé nüxna nachu̱xuxü̃ nax napuracüeamaxü̃ca̱x. Rü yoxni ga yema Yudíugüarü uanügü rü Pérchiaanearü ãẽ̱xgacü ga Daríuca̱x nanaxümatü ga wüxi ga popera nax nüma namexẽẽãxü̃ca̱x ga yema guxchaxü̃.

Édra 4:24

Rü yemaacü nixĩ ga íyachaxãchixü̃ ga Tupanapata ga taxü̃nearü mexẽxẽ ga Yerucharéü̃wa. Rü tama nawa napuracüe ñu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.

Édra 4:4

Rü yexguma ga nüma ga yema uanügü ga yema naanegu ãxchiü̃güxü̃ rü inanaxügüe nax chixri yema Yudátanüxü̃chiga yadexagüxü̃ nax íyachaxãchigüxü̃ca̱x ga yema puracü.

Édra 4:6

Rü yexguma gumá taunecü ga Achuéru nagu inaxügücü nax ãẽ̱xgacü yixĩxü̃ ga Pérchiaanewa rü yema uanügü rü wüxi ga popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ naxümatügü. Rü ñu̱xũchi yema popera rü ãẽ̱xgacü ga Achuéruxü̃tawa nanamugü.

Danié 10:13

Natürü ngẽma naãxẽ i chixexü̃ i Pérchiaanearü ãẽ̱xgacümaxã icuáxü̃ rü 21 ga ngunexü̃ rü choxü̃́ nanaguxchaxẽxẽ. Natürü nüma ya Miguére i ãẽ̱xgacü i tacü ixĩxü̃ i daxũcüã̱xtanüwa rü nua naxũ rü choxü̃ narüngü̃xẽxẽ. Yerü ga choma ga noxri rü chaxicatama chaugümaxã chawüxica̱x ngẽma naãxẽ i chixexü̃ i Pérchiaanearü ãẽ̱xgacümaxã icuáxü̃.