Édra 4:23 - Tupanaarü Ore

²³ Rü yexguma naxü̃tawa nanguxgu ga yema ãẽ̱xgacü ga Artayérearü popera, rü Reúü̃ rü Chimchái ga poperaarü ümatüruxü̃ rü namücügü rü nüxü̃ nadaumatügü. Rü yexgumatama ga guxü̃ma ga nümagü rü Yerucharéü̃wa naxĩ, rü nuãcü Yudíugüxü̃ namu nax íyachaxãchigüxü̃ca̱x nax napuracüexü̃.

Édra 4:23 Referans Kwoze

Romanos 3:15

Rü ítamemare nax duü̃xẽxü̃ timáxü̃.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Édra 4:17

Rü yexguma ãẽ̱xgacü ga Artayére nayaxugu ga yema popera, rü nanangãxü̃ rü ñanagürü: —Pa Ãẽ̱xgacüx, Pa Reúü̃x, rü Pa Poperaarü Ümatüruxü̃ ya Chimchái, rü pexü̃ charümoxẽ. Rü ngẽxgumarüxü̃ ta nüxü̃ charümoxẽ i pemücügü i Chamáriawa ngẽxmagüxü̃ rü guxü̃ma i pemücügü i taxtü i Eufrátearü oéstewa ngẽxmagüxü̃.

Édra 4:7

Rü gumá taunecü ga Artayére ãẽ̱xgacü ixĩxgu ga Pérchiaanewa rü Biráü̃, rü Miridáte rü Tabeé rü naétü togü ga namücügümaxã ãẽ̱xgacü ga Artayéreca̱x nanaxümatügü ga wüxi ga popera. Rü yema popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ rü Araméugawa nanaxümatügü rü ñu̱xũchi yema naga ga ãẽ̱xgacü ga Artayére nawa idexaxü̃wa nanaxümatügü.

Édra 4:22

Rü tama name nax ngéma nüxü̃ perüdaunümarexü̃ erü taxü̃ i guxchaxü̃ tá cha̱u̱xca̱x ínanguxẽẽgü i ngẽma duü̃xü̃gü ega tama nüxna peda̱u̱xgu —ñanagürü ga norü poperawa.

Édra 4:24

Rü yemaacü nixĩ ga íyachaxãchixü̃ ga Tupanapata ga taxü̃nearü mexẽxẽ ga Yerucharéü̃wa. Rü tama nawa napuracüe ñu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.