Édra 4:19 - Tupanaarü Ore

¹⁹ Rü marü chanamu i chorü ngü̃xẽẽruü̃gü nax poperatanügu naxca̱x nadaugüxü̃ca̱x i nachiga i ngẽma duü̃xü̃gü i Yerucharéü̃cüã̱x. Rü yema poperawa rü nüxü̃ nayangaugü nax ngéma nüxü̃ yaxuxü̃ nax aixcüma yixĩxü̃ nax ngẽma duü̃xü̃gü rü yema nüxíraxü̃güxü̃ ga Pérchiaanearü ãẽ̱xgacügüca̱x nügü nanutaque̱xegüxü̃ nax nügü namaxã nada̱i̱xü̃ca̱x, yerü tama yema ãẽ̱xgacügüga naxĩnüechaü̃.

Édra 4:19 Referans Kwoze

Ucu̱xẽgüchiga 25:2

Nüxü̃ ticua̱xüü̃gü ya Tupana naxca̱x i ngẽma cua̱x i nüxicatama nüxü̃ nacuáxü̃. Rü nüxü̃ tangechaü̃gü i tachixü̃anearü ãẽ̱xgacügü, erü nümagü rü naxca̱x nadaugü nax nango̱xẽẽgüaxü̃ i ngẽma cua̱x i ẽxü̃guxü̃.

Norü taxre ga popera ga ãẽ̱xgacügüchiga 18:7

Rü yemaca̱x ga Cori ya Tupana rü poraãcü nüxü̃ narüngü̃xẽxẽ. Rü guxü̃ma ga ta̱xacü ga naxüxü̃wa rü meama nüxü̃́ ínananguxuchixẽxẽ. Rü nüma ga Echequía rü tama Achíriaanearü ãẽ̱xgacüga naxĩnü rü tama naxme̱xwa nügü nayexmaxẽẽchaü̃.

Édra 5:17

Rü ngẽmaca̱x i ñu̱xmax, Pa Ãẽ̱xgacüx, rü cuxna naxca̱x taca nax naxca̱x cudauxü̃ i Babiróniaanearü poperatanügu nax nüxü̃ cucuáxü̃ca̱x rü aixcüma yixĩxü̃ nax ãẽ̱xgacü ga Chíru naxunagüxü̃ nax wena naxügüã̱xü̃ca̱x ya yima Tupanapata ya taxü̃ne i Yerucharéü̃wa. Rü ñu̱xũchi cuxna naxca̱x taca nax tomaxã nüxü̃ quixuxü̃ca̱x rü ta̱xacü yixĩxü̃ i nagu curüxĩnüxü̃ i cuma i ngẽmachiga —ñanagürügü ga norü poperawa.

Édra 4:15

Rü name i nüxü̃ quidaugü i ngẽma poperagü ga nüxíraxü̃güxü̃ ga ãẽ̱xgacügü namaxã nguxü̃güxü̃. Rü ngẽma poperagüwa rü tá namaxã icuyarüxũ i ngẽma duü̃xü̃güchiga. Rü ngẽxguma tá nixĩ i nüxü̃ cucuáxü̃, Pa Ãẽ̱xgacüx, nax ñaa duü̃xü̃gü rü daixü̃ nacuáxü̃, rü wüxi ga ãũcümaxü̃ nax yixĩxü̃ naxca̱x ga yema togü ga nachixü̃anegüarü ãẽ̱xgacügü. Yerü ü̃paacü ga ñaa duü̃xü̃gü rü yema ãẽ̱xgacügümaxã nanue rü guma norü ĩanegu namaxã nügü nadai rü yemaca̱x nixĩ ga nagu napogüexü̃ ga norü ĩane.

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Édra 4:18

Rü ngẽma perü popera i cha̱u̱xca̱x nua pemuxü̃ rü marü chauxü̃tawa nangu. Rü chope̱xewa chaugawa cha̱u̱xca̱x nüxü̃ nadaumatü rü ngẽmaca̱x nüxü̃ chacua̱x i perü ore i chomaxã nüxü̃ pixuxü̃.

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.