Édra 4:16 - Tupanaarü Ore

¹⁶ Rü ngẽmaca̱x cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽxguma tá namexẽxẽgüãgu ya yima norü ĩane rü ñu̱xũchi ngẽma norü ĩanearü poxeguxü̃tápü̱xgü, rü ngẽma duü̃xü̃gü tá cuxna nanapuxü̃ i ngẽma naanegü i natü i Eufrátearü oéstewaama ngẽxmagüxü̃ rü marü taxũtáma cuxrü nixĩgü —ñanagürü ga yema popera.

Édra 4:16 Referans Kwoze

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.

Nüxíraxü̃xü̃ ga popera ga ãẽ̱xgacügüchiga 4:24

Rü nüma ga Charomóü̃ rü namaxã inacua̱x ga guxü̃ma ga yema naane ga natü ga Eufrátearü oéstewaama yexmaxü̃. Rü Tífchawa inaxügü ñu̱xmata Gáchawa nangu. Rü guxü̃ma ga yema naanegüarü ãẽ̱xgacügü rü Charomóü̃me̱xẽwa nayexmagü, rü nüma rü nügümaxã inanangüxmüexẽxẽ.

2 Chamué 8:3

Rü nüma ga Dabí rü yexgumarüxü̃ ta Reóx nane ga Adáx-éche ga Chobáarü ãẽ̱xgacüxü̃ narüporamae ga yexguma nüma ga Adáx-éche rü natü ga Eufrátewa naxũxgu nax wena naya̱u̱xãxü̃ca̱x ga yema naane.

Édra 4:15

Rü name i nüxü̃ quidaugü i ngẽma poperagü ga nüxíraxü̃güxü̃ ga ãẽ̱xgacügü namaxã nguxü̃güxü̃. Rü ngẽma poperagüwa rü tá namaxã icuyarüxũ i ngẽma duü̃xü̃güchiga. Rü ngẽxguma tá nixĩ i nüxü̃ cucuáxü̃, Pa Ãẽ̱xgacüx, nax ñaa duü̃xü̃gü rü daixü̃ nacuáxü̃, rü wüxi ga ãũcümaxü̃ nax yixĩxü̃ naxca̱x ga yema togü ga nachixü̃anegüarü ãẽ̱xgacügü. Yerü ü̃paacü ga ñaa duü̃xü̃gü rü yema ãẽ̱xgacügümaxã nanue rü guma norü ĩanegu namaxã nügü nadai rü yemaca̱x nixĩ ga nagu napogüexü̃ ga norü ĩane.

Édra 4:17

Rü yexguma ãẽ̱xgacü ga Artayére nayaxugu ga yema popera, rü nanangãxü̃ rü ñanagürü: —Pa Ãẽ̱xgacüx, Pa Reúü̃x, rü Pa Poperaarü Ümatüruxü̃ ya Chimchái, rü pexü̃ charümoxẽ. Rü ngẽxgumarüxü̃ ta nüxü̃ charümoxẽ i pemücügü i Chamáriawa ngẽxmagüxü̃ rü guxü̃ma i pemücügü i taxtü i Eufrátearü oéstewa ngẽxmagüxü̃.