Édra 4:15 - Tupanaarü Ore

¹⁵ Rü name i nüxü̃ quidaugü i ngẽma poperagü ga nüxíraxü̃güxü̃ ga ãẽ̱xgacügü namaxã nguxü̃güxü̃. Rü ngẽma poperagüwa rü tá namaxã icuyarüxũ i ngẽma duü̃xü̃güchiga. Rü ngẽxguma tá nixĩ i nüxü̃ cucuáxü̃, Pa Ãẽ̱xgacüx, nax ñaa duü̃xü̃gü rü daixü̃ nacuáxü̃, rü wüxi ga ãũcümaxü̃ nax yixĩxü̃ naxca̱x ga yema togü ga nachixü̃anegüarü ãẽ̱xgacügü. Yerü ü̃paacü ga ñaa duü̃xü̃gü rü yema ãẽ̱xgacügümaxã nanue rü guma norü ĩanegu namaxã nügü nadai rü yemaca̱x nixĩ ga nagu napogüexü̃ ga norü ĩane.

Édra 4:15 Referans Kwoze

Édra 4:12

Rü cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽma Yudíugü ga Iraétanüxü̃ ga Yerucharéü̃ca̱x woeguxü̃ ga Babiróniaanewa ne ĩxü̃, rü ñu̱xma rü wena nanamexẽẽgü ya yima norü ĩane i ngẽma duü̃xü̃gü i taxúega ĩnüexü̃ rü chixexü̃ ügüxü̃. Rü marü inanaxügüe nax namexẽẽgüãxü̃ i norü ĩanearü poxeguxü̃tápü̱x. Rü nananucu ga norü nutagü ya naxtapü̱xgü nawa ixügücü.

Neemía 6:6

Rü yema popera rü ñaxü̃ nagu naxümatü: —Nua rü duü̃xü̃gütanüwa rü Yechéü̃xü̃tawa nüxü̃ taxĩnüe nax cuma rü ngẽma Yudíugümaxã nagu perüxĩnüexü̃ nax tama ãẽ̱xgacüga pexĩnüexü̃, rü ngẽmaca̱x yixĩxü̃ nax ípenamexẽẽxü̃ i ngẽma naxtapü̱x ya yima ĩane. Rü ngẽxgumarüxü̃ ta nüxü̃ chaxĩnüchiga nax cuma tá yixĩxü̃ i norü ãẽ̱xgacü quixĩxü̃.

Neemía 2:19

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.

Norü taxre ga popera ga ãẽ̱xgacügüchiga 25:4

Rü düxwa ga yema Cadéugü ga Babiróniaanecüã̱x rü nayacapetügü ga guma ĩanearü poxeguxü̃tápü̱x nax yéma nachocuxü̃ca̱x. Rü woo nax ínachomaeguãchiãxü̃ ga yema Cadéugü ga churaragü, natürü nüma ga ãẽ̱xgacü ga Chedequía rü ñu̱xũchi yema norü churaragü rü chütacü nibuxmüama. Rü yema taxre ga poxeguxü̃tápü̱x íyexmaxü̃wa yexmaxü̃ ga ĩã̱xwa ínachoxü̃ ga ãẽ̱xgacüarü putüranecüwaama. Rü yema Yudáü̃arü ngatewa daxü̃ ga namagu nibuxmü.

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Édra 4:14

Rü toma nax curü duü̃xü̃ tixĩgüxü̃, rü cuxü̃́ nax tapuracüexü̃ rü tama tanaxwa̱xe i ngẽma duü̃xü̃gü nax nüxchiama cuétügu nachigüxü̃. Rü ngẽmaca̱x nixĩ, Pa Ãẽ̱xgacüx, i cuxca̱x tayamuxü̃ i ñaa popera nax nüxü̃ cucuáxü̃ca̱x.

Édra 4:16

Rü ngẽmaca̱x cuxü̃ nüxü̃ tacua̱xẽxẽ, Pa Ãẽ̱xgacüx, rü ngẽxguma tá namexẽxẽgüãgu ya yima norü ĩane rü ñu̱xũchi ngẽma norü ĩanearü poxeguxü̃tápü̱xgü, rü ngẽma duü̃xü̃gü tá cuxna nanapuxü̃ i ngẽma naanegü i natü i Eufrátearü oéstewaama ngẽxmagüxü̃ rü marü taxũtáma cuxrü nixĩgü —ñanagürü ga yema popera.

Ester 2:23

Rü nüma ga ãẽ̱xgacü rü naxca̱x ínicagüchigü nachiga ga yema nax yama̱xgüchaxü̃xü̃. Rü nüxü̃ nacuáchiga nax aixcüma yixĩxü̃ ga yema, rü yemaca̱x nanawẽxgünaxã ga yema taxre ga yatügü. Rü guxü̃ma ga yema ngupetüxü̃ rü ãẽ̱xgacüpe̱xewatama nanaxümatü nagu ga yema popera ga nagu naxümatüxü̃ ga yema ãẽ̱xgacügü üxü̃.