Édra 4:13 - Tupanaarü Ore

¹³ Rü cuxü̃ nüxü̃ tacua̱xẽxẽ, Pa Ãẽ̱xgacüx, ega ngẽxguma tá norü ĩane rü ñu̱xũchi ngẽma norü ĩanearü poxeguxü̃tápü̱x namexẽẽgügu rü taxũtáma cuga naxĩnüe, rü taxũtáma cuxü̃́ nanaxütanügüchaü̃ i ngẽma diẽru i cuma namaxã cuxueguxü̃ nax cuxü̃́ naxütanügüãxü̃ca̱x. Rü ngẽxguma i ngẽma diẽru i ãẽ̱xgacüca̱x ixĩxü̃ rü tá ínarüxĩ.

Édra 4:13 Referans Kwoze

Édra 7:24

Rü ngẽxgumarüxü̃ ta chanaxunagü i ñaa mu: “Rü ngẽma chacherdótegü, rü Lebítanüxü̃, rü wiyaetanüxü̃, rü ĩã̱xarü dauruü̃gü rü guxü̃ma i ngẽma togü i Tupanapata ya taxü̃newa puracüexü̃, rü tama chanaxwa̱xe nax ãẽ̱xgacüaxü̃́ nax naxütanügüãxü̃”.

Neemía 5:4

Rü nayexma ga duü̃xü̃gü ga nüxü̃ ixugüexü̃ nax taxucürüwa naxütanügüãxü̃ ga yema diẽru ga ãẽ̱xgacü ngĩgu unetacü nax guxü̃ma ga duü̃xü̃gü ngĩxü̃ ixãgüxü̃ca̱x. Rü yemaca̱x düxwa norü naanegüégagu rü norü úbanecügüégagu natanüxü̃na diẽruca̱x nacagüe nax yema diẽrumaxã naxütanügüãxü̃ca̱x ga yema diẽru ga ãẽ̱xgacü ngĩgu unetacü.

Ore i mexü̃ ga Matéu ümatüxü̃ 17:25

Rü Pedru nanangãxü̃, rü ñanagürü: —Ngẽmáacü nanaxütanü —ñanagürü. Rü yixcama ga yexguma ĩxgu naxücu̱xgu ga Pedru, rü Ngechuchuxíra Pedrumaxã nidexa, rü ñanagürü nüxü̃: —¿Ñuxũ ñacuxü̃ i cumax, Pa Chimóü̃x, rü ngextá nixĩ i nayauxgüãxü̃ i norü diẽru i guxü̃ i nachixü̃anegüarü ãẽ̱xgacügü? ¿Cuxca̱x i nügütanüwatama rü ẽ̱xna togü i duü̃xü̃gütanüwa? —ñanagürü.

Ore i mexü̃ ga Matéu ümatüxü̃ 9:9

Rü yéma inaxũãchi ga Ngechuchu. Rü nüxü̃ nadau ga wüxi ga yatü ga Matéugu ãégaxü̃ ga yéma rütoxü̃ ga Rómaarü ãẽ̱xgacüca̱x diẽru ngĩxü̃ ínayauxgüxü̃wa, yerü woetama yemawa napuracü. Rü Ngechuchu rü ñanagürü nüxü̃: —¡Chowe rüxũ! —ñanagürü. Rü yexguma ga Matéu rü inachi, rü nawe narüxũ.

Wiyaegü 119:69

Rü ngẽma duü̃xü̃gü i nügü icua̱xüü̃güxü̃, rü natüca̱xmamare choxü̃ nixugüe. Natürü i chomax rü guxü̃guma chayanguxẽxẽ i ngẽma curü mugü.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.

Édra 4:14

Rü toma nax curü duü̃xü̃ tixĩgüxü̃, rü cuxü̃́ nax tapuracüexü̃ rü tama tanaxwa̱xe i ngẽma duü̃xü̃gü nax nüxchiama cuétügu nachigüxü̃. Rü ngẽmaca̱x nixĩ, Pa Ãẽ̱xgacüx, i cuxca̱x tayamuxü̃ i ñaa popera nax nüxü̃ cucuáxü̃ca̱x.