Édra 3:8 - Tupanaarü Ore

⁸ Rü nüma ga Chorobabé ga Charatié nane rü Yochué ga Yochadáx nane rü nüma ga chacherdótegü rü Lebítanüxü̃ rü guxü̃ma ga yema Iraétanüxü̃ ga Yerucharéü̃ca̱x woeguxü̃, rü guxü̃ma ga yemagü wüxigu inanaxügüe ga yema puracü nax wena namexẽẽgüãxü̃ ga Tupanapata ga taxü̃ne. Rü yema puracü rü inaxügü ga yexguma marü taxre ga taunecü ínguxgu rü naétü taxre ga tauemacü yixĩxgu ga Yerucharéü̃wa nax nayexmagüxü̃. Rü yema puracümaxã inacua̱xgü ga yema Lebítanüxü̃ ga 20 ga taunecü rüe̱xna yexera nüxü̃́ yexmagüxü̃.

Édra 3:8 Referans Kwoze

Édra 4:3

Natürü nüma ga Chorobabé rü Yochué rü yema togü ga ãẽ̱xgacügü ga iyaxü̃, rü nanangãxü̃gü rü ñanagürügü: —Taxucürüwama pemaxã wüxigu tanaxü ya daa torü Tupanapata ya taxü̃ne. Rü marü toxicatatama tanaxü ya napata ya taxü̃ne ya Cori ya torü Tupana, yerü yemaacü nixĩ ga tomaxã nüxü̃ yaxuxü̃ ga Chíru ya Pérchiaanearü ãẽ̱xgacü —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:4

Rü yematanüwa rü nüxü̃ naxuneta ga 24,000 ga yatügü nax Tupanapata ga taxü̃nearü puracümaxã inacua̱xgüxü̃. Rü nüxü̃ naxuneta ga 6,000 nax duü̃xü̃güarü ãẽ̱xgacügü yixĩgüxü̃ca̱x rü guxchaxü̃arü mexẽẽruü̃gü yixĩgüxü̃ca̱x.

Édra 3:2

Rü yemaca̱x ga Yochué ga Yochadáx nane rü namücügü ga chacherdótegümaxã rü Chorobabé ga Charatié nane rü natanüxü̃maxã wenaxarü nanaxügü ga Tupanaarü ãmarearü guruxü̃ nax yéma ínaguaxü̃ca̱x ga Tupanaarü ãmaregü, yema mugü ga Moiché ümatüxü̃ nüxü̃ ixuxü̃rüxü̃.

Édra 5:16

Rü yemawena ga nüma ga Chebachára rü Yerucharéü̃wa naxũ, rü nananucu ga guma nutagü ga naxtapü̱xgü nawa ixügücü ga guma Tupanapata ga taxü̃ne. Rü ga duü̃xü̃gü rü yexgumaü̃cüxü rü inanaxügüe ga nawa nax napuracüexü̃, natürü taxũta ningu.

Chacaría 4:9

—Chorobabé nixĩ ga inanucü ga guma nuta ga naxtapü̱xarü ügü ya daa Tupanapata ya taxü̃ne rü nüma tátama nixĩ i yangu̱xẽẽãxü̃ —ñaxü̃. Rü ngẽmawa tá nüxü̃ pecua̱x i pemax nax Cori ya Tupana ya Guxãétüwa Ngẽxmacü yixĩxü̃ i núma choxü̃ muxü̃.

Chacaría 6:12

Rü Yochuémaxã nüxü̃ ixu rü ñacurügü nüxü̃: “Tupana ya Guxãétüwa Ngẽxmacü rü ñanagürü cuxü̃: ‘Choma rü tá nua nüxü̃ chaxuneta i wüxi i yatü nax wena naxüaxü̃ca̱x ya chopata ya taxü̃ne. Rü naéga i ngẽma yatü rü Wena Namexẽẽcü, tá nixĩ. Rü nüma rü tá ãẽ̱xgacü nixĩ rü nagu tá nicu̱x i ãẽ̱xgacüchiru. Rü norü tochicaxü̃wa tá narüto rü ngéma tá duü̃xü̃gümaxã inacua̱x. Rü nacüwawa tá narüto i wüxi i chacherdóte. Rü ngẽma taxre rü tá nügüga naxĩnüe rü tá nügümaxã nataãẽgü’ ” —ñacurügü nüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:17

Rü Yeconía nixĩ ga to ga nachixü̃anewa nagagüãcü. Rü nane ga yacü nixĩ ga Charatié. Rü gumaweama naxügü ga Maquiráü̃, rü Pedaía, rü Chenachá, rü Yecamía, rü Ochamá rü Nedabía.

Édra 4:24

Rü yemaacü nixĩ ga íyachaxãchixü̃ ga Tupanapata ga taxü̃nearü mexẽxẽ ga Yerucharéü̃wa. Rü tama nawa napuracüe ñu̱xmata Daríu taxre ga taunecü inguxẽxẽ nax ãẽ̱xgacü yixĩxü̃ ga Pérchiaanewa.

Édra 5:2

Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.

Édra 10:18

Rü yema chacherdótegü ga to ga nachixü̃anecüã̱x ga ngexü̃gümaxã ixãxma̱xgüxü̃ rü ñagü nixĩgü: Yochadáx nane ga Yochuétaagü rü naenexẽgü ga Maachía rü Eriéche rü Yaríx rü Guedaría.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.