Édra 3:6 - Tupanaarü Ore

⁶ Rü yema nax Tupanaca̱x ínaguaxü̃ ga ãmaregü, rü inanaxügüe meama norü 7 ga tauemacüarü ügügu naxü̃pa nax ínachixẽẽgüãxü̃ ga yema naxtapü̱x ga guma Tupanapata ga taxü̃ne.

Édra 3:6 Referans Kwoze

Édra 3:5

Rü yexgumarüxü̃ ta ínanagu ga ãmaregü ga ngü̃chigaarü ngunexü̃gu íguxü̃, rü yema ãmaregü ga yexwacax ixücucü ga tauemacügu íguxü̃, rü yema ãmaregü ga togü ga petagu Tupanaca̱x íguxü̃. Rü yexgumarüxü̃ ta ínanagu ga yema ãmaregü ga texé tümaarü ngúchaü̃maxã Tupanaca̱x ixãmaregüxü̃.

Édra 3:7

Rü ñu̱xũchi naxca̱x nadaugü ga ĩpataarü üruü̃gü ga nutaarü ñaxcuruü̃gü rü corapinagü, rü diẽrumaxã nüxü̃́ nanaxütanü. Rü Líbanuanewa ga Tíruwa rü Chidóü̃wa naxca̱x nataxegü ga mürapewa ga ocayiwagü. Rü yema mürapewa rü õnamaxã, rü bínumaxã, rü oribuarü chíxü̃maxã nanaxütanügü. Rü yema mürapewagü rü Líbanuanewa nixĩ ga ne nanaaxü̃. Rü márpechinügu nayana ñu̱xmata Yópearü türewa nangugü, yerü yemaacü nixĩ ga nüxna naxãgaxü̃ ga Pérchiaanearü ãẽ̱xgacü ga Chíru.

Lebítanüxü̃arü puracüchiga 23:24

—¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.

Lebítanüxü̃arü puracüchiga 23:25

Rü ngẽma ngunexü̃gu rü Cori ya Tupanaca̱x tá peyagu i ãmaregü rü ñu̱xũchi taxuxü̃táma i puracü pexü” —ñanagürü.

Iraétanüxü̃arü muxchiga 29:1

Rü yimá norü 7 ya tauemacüarü nüxíraxü̃xü̃ i ngunexü̃gu rü cha̱u̱xca̱x tá pengutaque̱xegü i pemax. Rü cornétagügamaxã tá penaxunagü i ngẽma ngunexü̃. Rü ngẽma ngunexü̃gu rü taxuxü̃táma i puracü pexüe!

Iraétanüxü̃arü muxchiga 29:2

Rü cha̱u̱xca̱x tá peyama̱x rü peyagu i wüxi i wocaxacü i yatüxü̃, rü wüxi i carnéru i yatüxü̃, rü 7 i carnéruxacügü i iyatüxü̃ i wüxi ya taunecü nüxü̃́ ngẽxmaxü̃ i taxuwama chixexü̃. Rü ngẽmaãcü tá chauãẽgu nayatãũxü̃ i ngẽma naema, rü namaxã tá chataãxẽ.