Édra 3:2 - Tupanaarü Ore

² Rü yemaca̱x ga Yochué ga Yochadáx nane rü namücügü ga chacherdótegümaxã rü Chorobabé ga Charatié nane rü natanüxü̃maxã wenaxarü nanaxügü ga Tupanaarü ãmarearü guruxü̃ nax yéma ínaguaxü̃ca̱x ga Tupanaarü ãmaregü, yema mugü ga Moiché ümatüxü̃ nüxü̃ ixuxü̃rüxü̃.

Édra 3:2 Referans Kwoze

Ore i mexü̃ ga Luca ümatüxü̃ 3:27

Rü Yoiadá rü Yoanáü̃ nane nixĩ. Rü Yoanáü̃ rü Rechá nane nixĩ. Rü Rechá rü Chorobabé nane nixĩ. Rü Chorobabé rü Charatié nane nixĩ. Rü Charatié rü Nerí nane nixĩ.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:17

Rü Yeconía nixĩ ga to ga nachixü̃anewa nagagüãcü. Rü nane ga yacü nixĩ ga Charatié. Rü gumaweama naxügü ga Maquiráü̃, rü Pedaía, rü Chenachá, rü Yecamía, rü Ochamá rü Nedabía.

Chacaría 6:11

¡Rü naxü̃tawa naxca̱x ínaca i ngẽma úiru rü diẽrumü i Babiróniawa ne nangegüxü̃! Rü ngẽma úiruwa rü diẽrumüwa tá cunaxü i wüxi i nga̱xcueruxü̃, rü ngẽmamaxã tá cunanga̱xcueru ya yima chacherdotegüarü ãẽ̱xgacü ya Yochué ya Yochadáx nane.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Chacaría 3:1

Rü yexguma chango̱xetügu rü nüma ga Cori ya Tupana rü choxü̃ nanawe̱x ga Yochué ga chacherdótegüarü ãẽ̱xgacü. Rü nüma ga Yochué rü Cori ya Tupanaarü duü̃xü̃ ga daxũcüã̱xpe̱xegu nachi. Rü Yochuéarü tügünecüwawa nayexma ga Chataná ga nüxü̃ ixugüchaü̃xü̃.

Aguéu 2:23

Natürü i cuma nax chorü duü̃ quixĩxü̃, Pa Chorobabé i Charatié Nanex, rü ngẽma ngunexü̃gu rü choma rü tá cuxna chadau ngẽma chorü ãnera i chauéga nawa ngẽxmaxü̃rüxü̃, yerü choma nixĩ ga cuxü̃ chaxunetaxü̃. Rü choma i Cori ya Tupana ya Guxãétüwa Ngẽxmacü nixĩ i cumaxã nüxü̃ chixuxü̃ i ngẽma” —ñanagürü.

Aguéu 1:14

Rü yemaacü nüma ga Cori ya Tupana rü nanataãẽxẽxẽ ga Chorobabé ga Yudáanecüã̱xarü ãẽ̱xgacü, rü Yochué ga chacherdótegüarü ãẽ̱xgacü rü guxü̃ma ga yema togü ga duü̃xü̃gü. Rü yexguma ga nümagü rü yéma naxĩ rü inanaxügüe nax naxügüãxü̃ ga guma napata ga taxü̃ne ga Cori ya Tupana ya Guxãétüwa Ngẽxmacü.

Aguéu 1:12

Rü nüma ga Chorobabé rü Yochué rü guxü̃ma ga togü ga duü̃xü̃gü rü aixcüma Tupanaga naxĩnüe yerü namuü̃e ga yexguma nüxü̃ naxĩnüegu ga yema ore ga Cori ya Tupana Aguéuwa nüxü̃ ixuxü̃.

Wiyaegü 78:68

Rü yemaca̱x nüxü̃ naxuneta nax Yudátanüxü̃wa ne naxĩxü̃ ga norü duü̃xü̃güarü ãẽ̱xgacügü. Rü nüxü̃ naxuneta ga ma̱xpǘne ga Chióü̃ nax gumawa nayexmaxü̃ca̱x ga napata.

Neemía 12:8

Rü ñaagü nixĩ ga yema Lebítanüxü̃: Yochué rü Binuí rü Caxmié rü Cherebía rü Yudá rü Matanía. Rü nüma ga Matanía rü namücügümaxã wüxigu namaxã inacua̱xgüxü̃ ga yema wiyaegü.

Neemía 12:1

Rü ñaagü nixĩ ga yema chacherdótegü rü Lebítanüxü̃ ga Chorobabé ga Charatié nanemaxã rü Yochuémaxã woeguxü̃. Rü ñaagü nixĩ ga yema chacherdótegü: Cheraía, rü Yeremía, rü Édra,

Norü taxre ga to ga popera ga ãẽ̱xgacügüchiga ümatüxü̃ 6:6

Natürü i ñu̱xma rü nüxü̃ chaxuneta ya Yerucharéü̃ nax ngẽxma naxüxü̃ca̱x ya chopata. Rü nüxü̃ chaxuneta ya Dabí nax yimá chorü duü̃xü̃gü i Iraétanüxü̃arü ãẽ̱xgacü ixĩxü̃ca̱x”, ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:19

Rü Pedaía nanegü nixĩ ga Chorobabé rü Chimí. Rü Chorobabé nanegü nixĩgü ga Mechuráü̃, rü Ananía. Rü Cheromíx iyixĩ ga naeya̱x ga yema taxre.

Ínachoxü̃xü̃chiga 27:1

¡Rü naxü i wüxi i ãmarearü guruxü̃ i norü guxü̃cüwawa wüxigumarexü̃! Rü taxre ya metru rü 25 chentímetru tá nixĩ i wüxichigü i nacüwawa. Rü mürapewa i acáchianaxca̱x tá nixĩ. Rü ngẽma norü máchane rü wüxi ya metru rü 25 chentímetru tá nixĩ.

Édra 3:8

Rü nüma ga Chorobabé ga Charatié nane rü Yochué ga Yochadáx nane rü nüma ga chacherdótegü rü Lebítanüxü̃ rü guxü̃ma ga yema Iraétanüxü̃ ga Yerucharéü̃ca̱x woeguxü̃, rü guxü̃ma ga yemagü wüxigu inanaxügüe ga yema puracü nax wena namexẽẽgüãxü̃ ga Tupanapata ga taxü̃ne. Rü yema puracü rü inaxügü ga yexguma marü taxre ga taunecü ínguxgu rü naétü taxre ga tauemacü yixĩxgu ga Yerucharéü̃wa nax nayexmagüxü̃. Rü yema puracümaxã inacua̱xgü ga yema Lebítanüxü̃ ga 20 ga taunecü rüe̱xna yexera nüxü̃́ yexmagüxü̃.

Édra 5:2

Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Iraétanüxü̃arü muxchiga 28:2

—¡Iraétanüxü̃maxã nüxü̃ ixu rü ngẽxguma nawa nanguxgu i ngẽma petagü i pemaxã nüxü̃ chixuxü̃ rü chanaxwa̱xe i guxü̃guma choxna nanaxãgü i paũ rü ãmaregü i cha̱u̱xca̱x ínaguxü̃! Rü ngẽma naema rü choma rü tá namaxã chataãxẽ.

Ãẽ̱xgacügü ga guxchaxü̃güarü mexẽxẽruü̃gü 6:24

Rü yexguma ga Yedeóü̃ rü yema nachicagu Tupanaca̱x nanaxü ga wüxi ga ãmarearü guruxü̃. Rü “Cori ya Tupana rü tamaxã narüngüxmü”, ñaxü̃gu nanaxüéga. Rü ngẽma ãmarearü guruxü̃ rü ñu̱xmarüta rü Ofáwa nangẽxma ya Abiéchetanüxü̃arü ĩanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:14

Rü Moiché ga Cori ya Tupanaarü duü̃ rü ñu̱xũchi nataagü rü Lebítanüxü̃tanüwa nanaxǘgüxẽxẽ.

Édra 10:18

Rü yema chacherdótegü ga to ga nachixü̃anecüã̱x ga ngexü̃gümaxã ixãxma̱xgüxü̃ rü ñagü nixĩgü: Yochadáx nane ga Yochuétaagü rü naenexẽgü ga Maachía rü Eriéche rü Yaríx rü Guedaría.

Édra 10:20

Rü yema Imétaagüwa rü Ananí rü Chebadía nixĩgü.

Édra 10:21

Rü yema Aríü̃taagüwa rü Maachía rü Ería rü Chemaía rü Yeié rü Uchía nixĩgü.

Édra 10:22

Rü yema Pachútaagüwa rü Erioenái rü Maachía rü Ismaé rü Natanaé rü Yochabá rü Erachá nixĩgü.