Édra 3:13 - Tupanaarü Ore

¹³ Rü yemaacü taxúema nüxü̃ tacua̱x rü nataãẽgü rüe̱xna nangechaü̃gü yerü yema auxexü̃ rü yema taãẽgüxü̃ rü wüxigu aita naxüe rü yáxü̃guma nüxü̃ naxĩnüe.

Édra 3:13 Referans Kwoze

1 Chamué 4:5

Rü yexguma yema Iraéanearü churaragü ípegüxü̃wa nanguxgu ga yema baú ga Tupanaarü mugüchixü̃, rü nüma ga Iraétanüxü̃ rü taãẽmaxã poraãcü aita naxüe ñu̱xmata waixü̃mügu yaxũgagü.

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 5:11

Natürü name nixĩ nax tataãẽgüxü̃ ya guxãma ya yíxema ya curü ngü̃xẽẽca̱x daugüxe. Rü guxü̃gutáma taãẽãcüma tawiyaegü, erü cuma nixĩ i tüxü̃ ícupoxü̃xü̃. Rü guxãma ya yíxema cuxü̃ ngechaü̃güxe rü tá cugagu tataãẽgü.

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Nüxíraxü̃xü̃ ga popera ga ãẽ̱xgacügüchiga 1:45

Rü ñu̱xũchi nüma ya chacherdóte ya Chadóx rü orearü uruxü̃ ya Natáü̃ rü Guióü̃wa Tupanape̱xewa chíxü̃maxã nanabaerugü nax ãẽ̱xgacü ya réi yixĩxü̃ca̱x ya Charomóü̃. Rü duü̃xü̃gü rü taãẽãcü ngéma ne naxĩ i ñu̱xmax. Rü ngẽmaca̱x nixĩ i íyacuxcuxü̃ ya daa ĩanewa, rü ngẽma nixĩ i nüxü̃ pexĩnüexü̃.

Nüxíraxü̃xü̃ ga popera ga ãẽ̱xgacügüchiga 1:40

Yemawena rü guxü̃ma ga yema duü̃xü̃gü rü Charomóü̃we narüxĩ. Rü wowerugu nicuegü, rü poraãcüxüchi nataãẽgü. Rü yema nax natagaxüchixü̃ rü naane nidu̱xru.

Ãẽ̱xgacügü ga guxchaxü̃güarü mexẽxẽruü̃gü 2:5

Rü yemaca̱x ga yema nachica rü Boquíü̃gu nanaxüégagü. Rü yema nachicawa Tupanaca̱x ínanagugü ga ãmaregü.

Édra 3:12

Rü muxü̃ma ga yema chacherdótegü rü Lebítanüxü̃ rü ãẽ̱xgacügü ga iyaxü̃ ga marü nüxü̃ daugüxü̃ ga guma nüxíraxü̃ne ga Tupanapata ga taxü̃ne, rü yemagü rü tagaãcü naxauxe, yerü nüxü̃ nadaugü ga wena nax inaxügüxü̃ ga guma yexwaca̱xü̃ne ga Tupanapata ga taxü̃ne. Rü yexgumarüxü̃ ta ga togü rü norü taãẽmaxã tagaãcü aita naxüe.

Édra 4:1

Rü yexguma yema norü uanügü nüxü̃ cua̱xgügu nax wena namexẽẽgüãxü̃ ga guma Tupanapata ga taxü̃ne ga yema duü̃xü̃gü ga Yudátanüxü̃ rü Bẽyamíü̃tanüxü̃ ga Babiróniaanewa ne ĩxü̃ ga Yerucharéü̃ca̱x woeguxü̃, rü nüma ga norü uanügü rü Chorobabéxü̃tawa rü Yochuéxü̃tawa rü yema togü ga ãẽ̱xgacügüxü̃tawa ínayadaugü. Rü ñanagürügü nüxü̃: —¡Taxṹ i toxna penachu̱xuxü̃ nax pexü̃ tarüngü̃xẽẽgüxü̃ nawa i ñaa puracü! Erü toma rü ta pexrüxü̃ nüxü̃́ tayaxõgü ya yimá perü Tupana. Rü naxca̱x ítanaguuxü̃ ga torü ãmaregü ga yexguma Achíriaanearü ãẽ̱xgacü ga Echaradóü̃ nua toxü̃ gagügumama —ñanagürügü.

Yeremía 50:4

Rü Cori ya Tupana rü ñanagürü: —Ngẽxguma Babirónia norü uanügüme̱xẽgu nanguxgu, rü ngẽma Iraéanecüã̱xgü rü ngẽma Yudáanecüã̱xgü rü norü naaneca̱x tá auxãcü nawoegu, rü tá cha̱u̱xca̱x nadaugü i choma nax norü Cori ya Tupana chixĩxü̃.