Édra 3:12 - Tupanaarü Ore

¹² Rü muxü̃ma ga yema chacherdótegü rü Lebítanüxü̃ rü ãẽ̱xgacügü ga iyaxü̃ ga marü nüxü̃ daugüxü̃ ga guma nüxíraxü̃ne ga Tupanapata ga taxü̃ne, rü yemagü rü tagaãcü naxauxe, yerü nüxü̃ nadaugü ga wena nax inaxügüxü̃ ga guma yexwaca̱xü̃ne ga Tupanapata ga taxü̃ne. Rü yexgumarüxü̃ ta ga togü rü norü taãẽmaxã tagaãcü aita naxüe.

Édra 3:12 Referans Kwoze

Aguéu 2:3

—¿Texé i petanüwa rü nüxna cua̱xãchixü̃ ga nax nañuxraxü̃xü̃ ga chopata ga taxü̃ne ga noxrix? Rü guma rü namexẽchi. Natürü ñu̱xma nax nüxü̃ pedauxü̃ rü taxuwama name.

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Ichaía 60:22

Rü ngẽma duü̃xü̃gü i ñu̱xma noxremarexü̃ rü tá nimu rü wüxi i nachixü̃ane i poraxü̃ tá nixĩgü. Rü chaxicatama nixĩ ya Tupana chixĩxü̃. Rü ngẽxguma nawa nanguxgu i ngẽma ngunexü̃ rü paxa tá chanaxü i guxü̃ma i ngẽma —ñanagürü ya Tupana.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Wiyaegü 126:6

Rü yíxema auxãcüma yangéxpüü̃xe i tümaarü nanetüchire nax tayatoxü̃ca̱x rü ngẽxguma yaxo̱xgu rü tayabuxgügu i tümaarü nanetü rü wiyaeãcüma tá ítayangexpüü̃xü̃ i muxũchixü̃ i tümaarü nanetüarü o.

Yox 8:7

Rü ngẽma curü ngẽmaxü̃gü i tá cuxü̃́ ngẽxmaxü̃ rü yema curü yemaxü̃gü ga noxri cuxü̃́ yexmagüxü̃arü yexera tá nixĩ.

Édra 3:13

Rü yemaacü taxúema nüxü̃ tacua̱x rü nataãẽgü rüe̱xna nangechaü̃gü yerü yema auxexü̃ rü yema taãẽgüxü̃ rü wüxigu aita naxüe rü yáxü̃guma nüxü̃ naxĩnüe.

Yeremía 50:4

Rü Cori ya Tupana rü ñanagürü: —Ngẽxguma Babirónia norü uanügüme̱xẽgu nanguxgu, rü ngẽma Iraéanecüã̱xgü rü ngẽma Yudáanecüã̱xgü rü norü naaneca̱x tá auxãcü nawoegu, rü tá cha̱u̱xca̱x nadaugü i choma nax norü Cori ya Tupana chixĩxü̃.

Wiyaegü 147:1

¡Rü ngĩxã nüxü̃ ticua̱xüü̃gü ya Cori ya Tupana! Rü name nixĩ i naxca̱x tawiyaegü. Erü wüxi i taãxẽ nixĩ nax nüxü̃ icua̱xüü̃güxü̃.