Édra 3:11 - Tupanaarü Ore

¹¹ Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Édra 3:11 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:34

¡Rü moxẽ nüxna pexã ya Cori ya Tupana! Erü nüma rü namecümaxüchi rü ngẽma norü ngechaü̃ rü taguma nagu̱x.

Wiyaegü 106:1

Name i Cori ya Tupanaxü̃ ticua̱xüü̃gü. ¡Rü moxẽ nüxna pexã! Erü nüma rü namecüma rü ngẽma norü ngechaü̃ rü taguma inayacua̱x.

Wiyaegü 107:1

¡Moxẽ nüxna pexãgü ya Cori! Erü nüma rü namecüma rü norü ngechaü̃ rü taguma inayacua̱x.

Wiyaegü 103:17

Natürü ngẽma Tupanaarü ngechaü̃ tümaca̱x ya yíxema naga ĩnüexe rü taguma inayacua̱x. Rü tümaxacügüwa naxüe nax guxü̃guma Tupana tümamaxã mecümaxü̃ ya yíxema mea yanguxẽẽgüxe i norü uneta rü tama nüxü̃ irüngümaexe nax naga taxĩnüexü̃ i norü mugü.

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 135:3

¡Rü nüxü̃ picua̱xüü̃gü ya Cori ya Tupana erü nüma rü namecüma! ¡Rü wiyaegü i naégagu ixuxü̃gu pewiyaegü erü nüma rü tamaxã namecüma!

Wiyaegü 118:1

Pa Duü̃xü̃güx, ¡Cori ya Tupanana moxẽ pexãgü! Erü nüma rü namecümaxüchi rü guxü̃guma tüxü̃ nangechaü̃.

Norü taxre ga to ga popera ga ãẽ̱xgacügüchiga ümatüxü̃ 7:3

Rü yexguma yema Iraétanüxü̃ nüxü̃ daugügu ga yema üxüema rü Tupanaarü üünexü̃ nax Tupanapata ga taxü̃neétügu ínaxĩxü̃, rü guxü̃ma ga nümagü rü inacaxã́pü̱xügü rü waixü̃müanegu nanangücuchitanü. Rü Tupanaxü̃ nicua̱xüü̃gü rü moxẽ nüxna naxãgü rü ñanagürügü: —Nüma ya Tupana rü namecüma rü norü ngechaü̃ rü taguma inayacuã̱x —ñanagürügü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Neemía 12:24

Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.

Ichaía 44:23

¡Pa Daxũguxü̃ i Naanex, taãẽãcü Tupanaxü̃ icua̱xüxü̃ naxca̱x i guxü̃ma i ngẽma naxüxü̃! ¡Rü Pa Ñoma i Naanearü Doxonexü̃gü i Taxü̃x, nüxü̃ picua̱xüü̃güx! ¡Rü pemax Pa Ma̱xpǘnegüx rü Pa Naixnecügüx, rü taãẽãcü nüxü̃ picua̱xüü̃gü ya Tupana, yerü nüma nixĩ ga norü poramaxã ínanguxü̃xẽẽãxü̃ ga Iraétanüxü̃ ga Acóbuarü duü̃xü̃gü naxme̱xwa ga norü uanügü!

Ínachoxü̃xü̃chiga 15:21

Rü ngĩma ga María rü yoxni nagu iwiyae ga ñaxü̃ ga wiyae: —Nüxü̃ picua̱xüü̃gü ya Cori ya Tupana yerü narüporamae, rü márgu nanayixẽxẽ ga cowarugü rü duü̃xü̃gü ga nagu ĩxü̃ —ñaxü̃gu iwiyae ga María.

Ore i mexü̃ ga Luca ümatüxü̃ 1:50

Rü nüma ya Tupana rü guxü̃gutáma nüxü̃́ tangechaü̃tümüü̃gü ya guxãma ya yíxema aixcüma nüxü̃ cua̱xüü̃güxe.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 47:1

Pa Guxü̃ne ya Ĩanecüã̱xgüx ¡penapépüne ya Cori ya Tupana rü taãẽãcü nüxü̃ picua̱xüxü̃gü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:41

Rü yexgumarüxü̃ ta ga Dabí rü nüxü̃ naxuneta ga Emáü̃ rü Yedutúü̃ rü yema togü ga namücügü ga naégamaxã nadexü̃ nax Cori ya Tupanaca̱x nawiyaegüxü̃ca̱x nagu i ñaa wiyae: “Moxẽ Cori ya Tupanana pexã, erü norü ngechaü̃ rü taguma inayacua̱x”.

Neemía 12:40

Rü yemawena ga yema taxretücumü ga wiyaetanüxü̃ rü nachicawa naxĩchigü ga Tupanapata ga taxü̃newa. Rü choma namaxã ga yema norü ngãxü̃tücumü ga ãẽ̱xgacügü ga choxü̃ ümücügüxü̃ rü tochicawa taxĩ ga Tupanapata ga taxü̃newa.

Wiyaegü 47:5

Rü nüma ya Cori ya Tupana rü dauxü̃ naxĩ nax norü tochicaxü̃wa namaxã inacuáxü̃ca̱x i guxü̃ma. Rü duü̃xü̃gü yoxni taãẽãcüma nüxü̃ nicua̱xüü̃gü rü cornétamaxã nanapaxpünegü.

Yochué 6:5

Rü ngẽxguma nüxü̃ pexĩnüegu nax poraãcü yacuegüãxü̃ ya carnéruchatacu̱xregü rü tá tagaãcü aita pexüe. Rü ngẽxguma i norü poxeguxü̃ ya yima ĩane rü tá nangĩãchi. Rü ngẽxgumayane rü wüxichigü i pemax rü tá nagu pichocu ya yima ĩane —ñanagürü ga Tupana.

Yochué 6:16

Rü yexguma yema chacherdótegü marü 7 e̱xpü̱xcüna norü carnéruchatacu̱xregügu yacuegügu, rü nüma ga Yochué rü yema duü̃xü̃güxü̃ namu rü ñanagürü: —¡Aita pexüe! Rü nüma ya Cori ya Tupana rü marü pexme̱xgu nananguxẽxẽ ya daa ĩane.

Yochué 6:10

Rü nüma ga Yochué rü Iraétanüxü̃na naxãga nax yanachianegüxü̃ca̱x rü bexmamare inaxĩxü̃ca̱x ñu̱xmatáta nüma namua nax guxü̃ma wüxigu poraãcü aita naxüexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 5:13

Rü yema wiyaetanüxü̃ rü paxetatanüxü̃ rü wüxigu nawiyaegü rü Tupanaxü̃ nicua̱xüü̃gü rü Cori ya Tupanana moxẽ naxãgü. Rü yemaacü napaxetagü namaxã ga norü cornétagü rü norü platíyugü rü togü ga paxetaruü̃gü. Rü yema norü wiyaewa rü ñanagürügü: —¡Nüxü̃ picua̱xüü̃gü ya Cori ya Tupana erü nüma rü namecüma rü ngẽma norü ngechaü̃ rü taguma inayagu̱x! —ñanagürügü. Rü yexgumatama ga guma Cori ya Tupanapata ga taxü̃ne rü caxixü̃maxã nanapá.

Wiyaegü 100:5

Erü nüma ya Cori rü namecüma rü ngẽma norü ngechaü̃ rü guxü̃guma nangẽxmaecha. Rü ngẽma nax yaxaixcümaxü̃ rü taguma inayacua̱x.

Wiyaegü 131:1

Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.

Aguéu 2:3

—¿Texé i petanüwa rü nüxna cua̱xãchixü̃ ga nax nañuxraxü̃xü̃ ga chopata ga taxü̃ne ga noxrix? Rü guma rü namexẽchi. Natürü ñu̱xma nax nüxü̃ pedauxü̃ rü taxuwama name.