Édra 3:10 - Tupanaarü Ore

¹⁰ Rü yexguma yema Tupanapata ga taxü̃nearü mexẽẽruü̃gü nanucugu ga nüxíraü̃cü ga nutagü ga naxtapü̱xparagü nawa rütogüne, rü nüma ga chacherdótegü rü mea nügü nangaxãẽãcüma yexma nachigü rü nayacue ga norü cornétagü. Rü yema Lebítanüxü̃ ga Achátaagü rü yéma nanana ga norü paxetaruü̃gü ga namaxã Tupanaxü̃ yacua̱xüü̃güxü̃, yema ãẽ̱xgacü ga Dabí unagüxü̃rüxü̃.

Édra 3:10 Referans Kwoze

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Norü taxre ga to ga popera ga ãẽ̱xgacügüchiga ümatüxü̃ 35:15

Rü yema Lebítanüxü̃ muxraxü̃ ga namachi rü yema wiyaetanüxü̃ca̱x rü ĩã̱xarü dauruü̃ca̱x rü ta nixĩ. Rü yemaacü ga yema wiyaetanüxü̃ ga Achátaagü rü tama nachicana nixĩgachitanü yema Dabí rü Achá rü Emáü̃ rü Yedutúü̃ nüxü̃ ixuxü̃rüxü̃. Rü nüma ga Yedutúü̃ nixĩ ga ãẽ̱xgacümaxã nüxü̃ yaxuxü̃ ga Tupanaarü ĩnü. Rü yemaacü ga yema ĩã̱xgüarü dauruü̃gü rü ta tama nachicana nixĩgachitanü, yerü ga namücügü ga Lebítanüxü̃ rü marü nüxü̃́ nanaxügü ga yema namachi ga nüxna üxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:5

Rü nüxü̃ naxuneta ga to ga 4,000 nax ĩã̱xarü dauruü̃gü yixĩgüxü̃ca̱x, rü to ga 4,000 nax Cori ya Tupanaxü̃ yacua̱xüü̃güxü̃ca̱x namaxã ga yema paxetaruü̃gü ga Dabí woetama yemaca̱x duü̃xü̃güxü̃ íxüxü̃xẽẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:42

Rü nüma ga Emáü̃ rü Yedutúü̃ rü nüxü̃́ nayexma ga norü cornétagü rü platíyugü rü toamachigü ga norü paxetaruü̃gü nax yemamaxã napaxetagüxü̃ca̱x ga yexguma Tupanaca̱x nawiyaegügu. Rü yema ĩã̱xarü dauruü̃gü nixĩ ga Yedutúü̃ nanegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:37

Rü nüma ga Dabí rü yema baú ga Cori ya Tupanaarü mugüchixü̃pe̱xegu nanamu ga Acháx rü namücügümaxã nax wüxichigü ga ngunexü̃gu naxügüã̱xü̃ca̱x ga yema Tupanapataarü puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:27

Rü nüma ga Dabí rü guxü̃ma ga yema Lebítanüxü̃ ga yema baú ingetaü̃güxü̃ rü yema wiyaeruü̃gü rü ñu̱xũchi nüma ga wiyaegümaxã icuácü ga Quenanía rü naxchiru ga imáxü̃ ga línunaxca̱x ixĩgüxü̃gu nicu̱xgü. Rü nüma ga Dabí rü yema naxchiruétüwa nicuxcuchi ga wüxi ga norü daxũ ga bochacüüxü̃.

1 Chamué 22:18

Rü yemaca̱x nüma ga ãẽ̱xgacü rü Doéx ga Edóü̃tanüxü̃xü̃ namu rü ñanagürü: —¡Cumax nadai! —ñanagürü nüxü̃. Rü yexguma ga Doéx rü yema chacherdótegüca̱x niña. Rü yema ngunexü̃gu rü nanadai ga 85 ga chacherdótegü ga naxchiru ga línunaxca̱xgu icu̱xgüxü̃.

Édra 5:16

Rü yemawena ga nüma ga Chebachára rü Yerucharéü̃wa naxũ, rü nananucu ga guma nutagü ga naxtapü̱xgü nawa ixügücü ga guma Tupanapata ga taxü̃ne. Rü ga duü̃xü̃gü rü yexgumaü̃cüxü rü inanaxügüe ga nawa nax napuracüexü̃, natürü taxũta ningu.

Wiyaegü 150:5

¡Rü paxetaruü̃gü i ãtachinüxü̃ rü itagaxü̃maxã nüxü̃ picua̱xüü̃gü! ¡Rü paxetaruü̃gü i ãtachinüxü̃ rü ígaxü̃maxã nüxü̃ picua̱xüü̃gü!

Aguéu 2:15

Rü ñu̱xma rü name nixĩ i nagu perüxĩnüexü̃ nax chope̱xewa pegü pimexẽẽgüxü̃ naxü̃pa nax ipenaxügüxü̃ nax wena penamexẽẽxü̃ ya yimá chopata ya taxü̃ne.

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.

Chacaría 6:12

Rü Yochuémaxã nüxü̃ ixu rü ñacurügü nüxü̃: “Tupana ya Guxãétüwa Ngẽxmacü rü ñanagürü cuxü̃: ‘Choma rü tá nua nüxü̃ chaxuneta i wüxi i yatü nax wena naxüaxü̃ca̱x ya chopata ya taxü̃ne. Rü naéga i ngẽma yatü rü Wena Namexẽẽcü, tá nixĩ. Rü nüma rü tá ãẽ̱xgacü nixĩ rü nagu tá nicu̱x i ãẽ̱xgacüchiru. Rü norü tochicaxü̃wa tá narüto rü ngéma tá duü̃xü̃gümaxã inacua̱x. Rü nacüwawa tá narüto i wüxi i chacherdóte. Rü ngẽma taxre rü tá nügüga naxĩnüe rü tá nügümaxã nataãẽgü’ ” —ñacurügü nüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:25

Rü norü 18 rü Ananígu nangu namaxã ga nanegü rü naenexẽgü. Rü guxü̃wama 12 nixĩgü.

Norü taxre ga to ga popera ga ãẽ̱xgacügüchiga ümatüxü̃ 5:12

Rü guxü̃ma ga yema Lebítanüxü̃ ga wiyaetanüxü̃ ga Achá rü Emáü̃ rü Yedutúü̃ rü nanegümaxã rü togü ga natanüxü̃maxã ãmarearü guruü̃arü ésteguama nachigü. Rü naxchiru ga línuchinaxca̱xgu nicu̱xgü. Rü nüxü̃́ nayexma ga norü platíyugü rü árpaxacügü rü árpagü. Rü namaxã nayexmagü ga 120 ga chacherdótegü ga cornétagu icuegüxü̃.

Norü taxre ga to ga popera ga ãẽ̱xgacügüchiga ümatüxü̃ 35:14

Rü yemawena ga nümagü ga Lebítanüxü̃ rü nanamuxragü ga yema namachi ga noxrügü ixĩxü̃ rü yema chacherdótegüarü ixĩxü̃. Yerü ga chacherdótegü ga Aróü̃taagü rü nata ga norü puracü rü nagu nachütaü̃gü nax ínaguaxü̃ ga ãmaregü rü chíxü̃. Rü yemaca̱x ga Lebítanüxü̃ rü nümatama nanaxügü ga yema namachi ga naxca̱x ixĩxü̃ rü yema chacherdótegü ga Aróü̃taagüca̱x ixĩxü̃.

Édra 2:41

Rü yema wiyaetanüxü̃ ga Achátaagü rü 128 nixĩ.