Édra 3:1 - Tupanaarü Ore

¹ Rü yexguma 7 ga tauemacüwa nanguxgu nax Babiróniaanewa ne naxĩxü̃ rü nüma ga Iraétanüxü̃gü ga norü ĩanewachigü ngugüxü̃ rü Yerucharéü̃wa naxĩ nax yéma yangutaque̱xegüxü̃ca̱x.

Édra 3:1 Referans Kwoze

1 Corintios 1:10

Pa Chauenexẽgüx, tórü Cori ya Ngechuchu ya Cristuégagu pexü̃ chaca̱a̱xü̃ nax wüxigu perüxĩnüexü̃ca̱x. Rü tama name i pegü pitoyex. Rü name nixĩ i aixcüma pegü pengechaü̃gü nax wüxigutama perüxĩnüexü̃ca̱x.

Ngechuchuarü ngúexü̃gü ga yamugüxü̃arü puracüchiga 4:32

Rü namu ga yema yaxõgüxü̃. Rü guxü̃ma rü wüxigu narüxĩnüe. Rü taxuxü̃ma nagu narüxĩnü nax noxrüxicatama yixĩxü̃ ga norü yemaxü̃gü, natürü guxü̃ma ga ta̱xacü nüxü̃́ yexmaxü̃ rü guxãarü nixĩ.

Lebítanüxü̃arü puracüchiga 23:24

—¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.

Ngechuchuarü ngúexü̃gü ga yamugüxü̃arü puracüchiga 2:46

Rü guxü̃ ga ngunexü̃gu Tupanapata ga taxü̃newa nangutaque̱xegüxü̃, rü chibüca̱x nangutaque̱xegüxü̃ ga napatagüwa. Rü taãẽãcüma nügümaxã nachibüe.

Chofonía 3:9

Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Neemía 8:14

Rü yema mugüpanewa namaxã inarüxĩ ga ümatüxü̃ nax Cori ya Tupana rü Moichéxü̃ namuxü̃, rü ngẽxguma ngẽma peta ya norü 7 ya tauemacügu naxüchigagüxü̃wa nanguxgu rü düxenügügumare tá napegüxü̃ i Iraétanüxü̃.

Neemía 7:73

Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.

Ãẽ̱xgacügü ga guxchaxü̃güarü mexẽxẽruü̃gü 20:1

Rü guxü̃ma ga yema Iraétanüxü̃ ga duü̃xü̃gü ga Dáü̃arü naanewa inaxügü rü ñu̱xmata Bechébawa nangu, rü naétü ga Garaáxanecüã̱xgü rü nügü nanutaque̱xe rü wüxigutama narüxĩnüe, rü Mispágu nangutaque̱xegü nape̱xegu ga Cori ya Tupana.

Lebítanüxü̃arü puracüchiga 16:29

Rü ñaa tá nixĩ i wüxi i mu i guxü̃gutáma nagu pexĩxü̃ i pemax. Rü ngẽxguma yimá 7 ya tauemacüarü 10 i ngunexü̃wa nanguxgu, rü tá penaxaure i ngẽma ngunexü̃. Rü ngẽma ngunexü̃gu rü guxãma i pema i Iraétanüxü̃ rü tá iperüngügü i perü puracüwa. Rü ngẽxgumarüxü̃ ta i ngẽma duü̃xü̃gü i to i nachixü̃anecüã̱xgü i petanügu ãchiü̃güxü̃, rü ta nanaxauregü i ngẽma ngunexü̃.

Neemía 8:1

Rü gumá norü 7 ga tauemacügu rü guxü̃ma ga yema duü̃xü̃gü ga marü norü ĩanewa iyexmachigüxü̃ rü Yerucharéü̃wa nayangutaque̱xegü nax nüxü̃ naxĩnüexü̃ca̱x ga Tupanaarü ore. Rü yema ĩanearü ngutaque̱xechica ga Ĩã̱x ga Dexágu ãégaxü̃arü to̱xma̱xtawa yexmaxü̃gu nangutaque̱xegü. Rü ñu̱xũchi ga nüma ga duü̃xü̃gü rü chacherdóte ga Édraxü̃ ñanagürügü: —¡Ẽcü nua nange i ngẽma Cori ya Tupanaarü mugüpane ga Moiché ümatüxü̃ naxca̱x ga tórü o̱xigü ga Iraétanüxü̃! —ñanagürügü.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Neemía 7:72

Rü guxü̃ma ga yema togü ga duü̃xü̃gü rü inanaxãgü ga 160 quíru naguxü̃ ga úiru rü 1,100 quíru naguxü̃ ga diẽrumü, rü 67 ga chacherdótegüchirugü.