Édra 2:68 - Tupanaarü Ore

⁶⁸ Rü yexguma Yerucharéü̃wa nangugügu ga yema Iraétanüxü̃, rü ñuxre ga norü ãẽ̱xgacügü rü norü ãmaregü inaxãgü nax wena Cori ya Tupanapata ga taxü̃ne namexẽẽgüxü̃ca̱x.

Édra 2:68 Referans Kwoze

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

2 Corintios 8:3

Rü choma nüxü̃ chadau rü pemaxã nüxü̃ chixu rü nümagü rü taãẽãcüma ngĩxü̃ inaxãgü ga guxcüma ga diẽru ga nüxü̃́ tauxchacü nax ngĩxü̃ inaxãgüxü̃. Rü ngĩétü yexera taãẽãcüma ngĩxü̃ inaxãgü.

Ínachoxü̃xü̃chiga 36:3

Rü nümagü ga yema puracütanüxü̃ rü Moichéxü̃tawa nanayauxgü ga yema yemaxü̃gü ga Iraétanüxü̃ ixãgüxü̃ nax naxügüã̱xü̃ca̱x ga guma Tupanapata rü norü yemaxü̃gü. Rü nüma ga Iraétanüxü̃ rü guxü̃ ga ngunexü̃gu norü ngúchaü̃maxã inayaxãgüxü̃ ga norü ãmaregü.

Ínachoxü̃xü̃chiga 35:29

Rü guxü̃ma ga yema yatüxü̃gü rü ngexü̃gü ga Iraétanüxü̃ ga norü ngúchaü̃maxã inaxãgüchaü̃xü̃, rü Cori ya Tupanaca̱x inanaxãgü ga norü ãmaregü naxca̱x ga yema puracü ga Cori ya Tupana Moichémaxã nüxü̃ ixuxü̃.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Édra 3:3

Rü yema Tupanaarü ãmarearü guruxü̃ rü nüxíraxü̃xü̃ ga nachicagutama nanaxǘgü rü meama natai. Rü yema nax naxca̱x namuü̃exü̃ ga yema duü̃xü̃gü ga yema naanewa yexmagüxü̃, rü yemaca̱x guxü̃guma ga pa̱xmama rü yáuanecü rü Cori ga Tupanaca̱x ínanagugüxü̃ ga norü ãmaregü.

Norü taxre ga to ga popera ga ãẽ̱xgacügüchiga ümatüxü̃ 3:1

Rü nüma ga Charomóü̃ rü inanaxügü nax naxüaxü̃ ya Cori ya Tupanapata ga taxü̃ne ga Yerucharéü̃wa nagu ga nachica ga Yebuchéutanüxü̃ ga Onáü̃ trigu nawa púxü̃ ga ma̱xpǘne ga Moríawa. Rü guma ma̱xpǘnewa nixĩ ga Charomóü̃ nanatü ga Dabíca̱x nangóxü̃ ga Cori ya Tupana. Rü yema nixĩ ga nachica ga Dabí nüxü̃ unetaxü̃ nax nagu tá naxüxü̃ ya Tupanapata ya taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:1

Rü yexguma ga Dabí rü ñanagürü: —Ñaa nachica i Orná trigu nawa púxü̃wa tá nangẽxma ya Tupanapata ya taxü̃ne rü ngẽma ãmarearü guruxü̃ nax ngẽmawa Iraéanecüã̱xgü Tupanaca̱x ínaguxü̃ca̱x i norü ãmaregü —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:18

Rü yexguma ga nüma ga yema daxũcüã̱x ga Tupanaarü orearü ngeruxü̃ rü Gáxü̃ namu nax Dabímaxã nüxü̃ yanaxuxü̃ca̱x nax Tupanaca̱x wüxi ga ãmarearü guruxü̃ naxüxü̃ nagu ga yema nachica ga Onáü̃ ga Yebútanüxü̃ nawa trigu púxü̃.

Ínachoxü̃xü̃chiga 25:2

—¡Namaxã nüxü̃ ixu i ngẽma Iraétanüxü̃ nax cha̱u̱xca̱x nanutaque̱xeãxü̃ca̱x i norü ãmaregü! Rü guxü̃ma i ngẽma duü̃xü̃gü i aixcüma norü ngúchaü̃maxã inaxãgüchaü̃xü̃ rü name nixĩ i natanüwa cunadexü̃ i ngẽma ãmaregü.

Édra 2:69

Rü yema wüxichigü nüxü̃́ tauxchaxü̃ ga diẽru nixĩ ga inaxãgüxü̃ naxca̱x ga guma Tupanapata. Rü 488 quíru nagúxü̃ ga úiru, rü 2,750 quíru ga diẽrumü, rü 100 ga chacherdótegüchiru ga mámüxü̃ nixĩ ga inaxãgüxü̃.

Ínachoxü̃xü̃chiga 35:21

Rü guxü̃ma ga yema duü̃xü̃gü ga norü maxü̃wa ínanguxü̃ nax aixcüma norü ngúchaü̃ãcü Cori ya Tupanana naxãgüãxü̃ i norü ngẽmaxü̃gü, rü norü ãmaremaxã Moichéca̱x nawoegu. Rü Cori ya Tupanana nayaxãgü ga norü ãmaregü nax yemamaxã naxügüã̱xü̃ca̱x ga Tupanapata rü guxü̃ma ga norü yemaxü̃gü rü yema chacherdótechirugü rü ta.

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.