Édra 10:6 - Tupanaarü Ore

⁶ Rü yemawena nüma ga Édra rü ínaxũxũ ga Tupanapata ga taxü̃newa rü Yoanáü̃ ga Eriachí nanearü ucapuwa naxũ rü yexma nape ga yema chütaxü̃gu. Rü tama nachibü rü tama naxaxe yerü poraãcüxüchi nangechaü̃ yerü yema Iraétanüxü̃ ga Babiróniawa woeguxü̃ rü tama Tupanaga naxĩnüe.

Édra 10:6 Referans Kwoze

Wenaxarü naxümatü ga Tupanaarü mugü 9:18

Rü yexguma ga choma rü wenaxarü Cori ya Tupanape̱xegu chanangücuchi. Rü 40 ga ngunexü̃ rü 40 ga chütaxü̃ taguma chachibü rü taguma chaxaxe nagagu ga yema chixexü̃ ga Cori ya Tupanape̱xewa pexügüxü̃ ga namaxã penanuxẽẽxü̃.

Neemía 12:22

Rü yexguma Eriachí rü Yoiadá rü Yoanáü̃ rü Yadúa Lebítanüxü̃arü ãẽ̱xgacügü ixĩgügu, rü nayawǘgüéga ga yema Lebítanüxü̃ ga natanüxü̃maxã icua̱xgüxü̃. Rü yexgumarüxü̃ ta nayawǘgüéga ga yema chacherdótegü ga natanüxgümaxã icua̱xgüxü̃. Rü yemaacü nixĩ ga yexguma Daríu Pérchiaanearü ãẽ̱xgacü yixĩxgu.

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Neemía 13:28

Rü chacherdótegüarü ãẽ̱xgacü ga Eriachí nane ga Yoiadá rü ngĩmaxã naxãma ga Chambaráx ga Oróü̃tanüxü̃ naxacü. Rü Yoiadáxü̃ íchata̱xüchi ga Yerucharéü̃wa rü yáxü̃wama chanamu. Rü yemawena rü Tupanamaxã chidexa, rü ñacharügü nüxü̃:

Neemía 13:5

Rü Tobíaxü̃ nagu napexẽxẽ ga yema ucapu ga taxü̃ ga noxri nagu nanuxü̃ ga ãmaregü, rü pumarate̱xegü, rü nawechigü, rü trigugü, rü bínugü, rü chíxü̃gü ga Lebítanüxü̃na, rü wiyaetanüxü̃na, rü ĩã̱xarü dauruü̃güna üxü̃. Rü naétü yexma nanu ga yema duü̃xü̃gü ixãgüxü̃ ga õnagü ga chacherdótegüca̱x ixĩxü̃.

Neemía 12:10

Rü nüma ga Yochué rü Yoaquíü̃natü nixĩ, rü nüma ga Yoaquíü̃ rü Eriáchinatü nixĩ, rü nüma ga Eriachí rü Yoiadánatü nixĩ

Neemía 3:20

Rü Barúx ga Chabái nane rü yema naxtapü̱x ínapoõchixü̃wa inaxügü nax namexẽẽãxü̃ rü ñu̱xmata chacherdótearü ãẽ̱xgacü ga Eriachíarü ĩã̱xarü to̱xma̱xtawa nangu.

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Édra 9:4

Rü guxü̃ma ga yema Iraétanüxü̃ ga torü Tupanaarü poxcuca̱x muü̃exü̃ nagagu ga natanüxü̃arü chixexü̃gü rü chauxü̃tawa nayarütogü. Rü choma rü chorü ngechaü̃maxã yematama chauchicawa charüto ñu̱xmata nawa nangu ga yema yáuanecüarü ora ga nagu Tupanaca̱x yagugüãxü̃ ga ãmaregü.

Ínachoxü̃xü̃chiga 34:28

Rü nüma ga Moiché rü 40 ga ngunexü̃ rü 40 ga chütaxü̃ Cori ya Tupanamaxã nayexma ga guma ma̱xpǘnewa. Rü taguma nachibü rü taguma naxaxe. Rü yéma nixĩ ga Moiché nutatachinügu naxümatüxü̃ ga yema Tupanaarü uneta. Rü yema nixĩ ga yema 10 ga norü mugü.

Édra 10:7

Rü yemawena ya Édra rü Yerucharéü̃wa rü Yudáanewa nanaxunagü nax Yerucharéü̃gu naxĩtaque̱xexü̃ca̱x ga guxü̃ma ga yema Iraétanüxü̃ ga Babiróniawa woeguxü̃.

Wiyaegü 102:4

Rü chorü maxü̃ne rü nayarümaxãchi ñoma maxẽ yarümaãchicürüxü̃. Rü ngẽmaca̱x chaxoóbü rü tama chataiya.