Édra 10:3 - Tupanaarü Ore

³ Rü ngẽmaca̱x tórü Tupanape̱xewa tá nüxü̃ tixu nax toxna tixĩgachixü̃ca̱x ya yíxema toxma̱xgü ya tama Tupanaaxü̃́ yaxõgüxe rü yíxema toxocügü ya tümawa toxü̃́ ngẽxmagüxe. Rü ngẽmaãcü ngẽma cuma rü ngẽma togü i duü̃xü̃gü i aixcüma Tupanaga ĩnüexü̃ tomaxã nüxü̃ ixuxü̃rüxü̃ tá naga taxĩnüe ya tórü Cori ya Tupanaarü mugü.

Édra 10:3 Referans Kwoze

Édra 9:4

Rü guxü̃ma ga yema Iraétanüxü̃ ga torü Tupanaarü poxcuca̱x muü̃exü̃ nagagu ga natanüxü̃arü chixexü̃gü rü chauxü̃tawa nayarütogü. Rü choma rü chorü ngechaü̃maxã yematama chauchicawa charüto ñu̱xmata nawa nangu ga yema yáuanecüarü ora ga nagu Tupanaca̱x yagugüãxü̃ ga ãmaregü.

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Wiyaegü 119:59

Rü nüxü̃ chicua̱xãchi i chaucüma, rü wenaxarü ichanaxügü nax naga chaxĩnüxü̃ i ngẽma curü mugü.

Neemía 9:38

Rü yemaca̱x ga guxãma ga toma rü Tupanamaxã nüxü̃ tixu nax aixcüma tá naga taxĩnüexü̃ ga norü mugü. Rü nape̱xewa poperagu tanaxümatü ga yema namaxã nüxü̃ tixuxü̃. Rü toma ga ãẽ̱xgacügü, rü Lebítanüxü̃, rü chacherdótegü rü toéga nagu taxümatügü nax aixcüma tá tayanguxẽẽxü̃ ga yema torü uneta.

Norü taxre ga to ga popera ga ãẽ̱xgacügüchiga ümatüxü̃ 34:21

—¡Ẽcü Cori ya Tupanana peyaca̱x chauégagu rü Iraéanecüã̱x i duü̃xü̃güégagu rü Yudáanecüã̱x i duü̃xü̃güégagu nax tüxü̃ nüxü̃ nacua̱xẽxẽxü̃ca̱x i ta̱xacü tá taxüe i ñu̱xma nax tüxü̃́ nangẽxmaxü̃ i norü ore i ñaa poperagu ümatüxü̃! Erü ngürüãchi ya Cori ya Tupana rü tamaxã nanu yerü tórü o̱xigü rü tama naga naxĩnüe i ngẽma Cori ya Tupana nüxü̃ ixuxü̃, rü tama mea nagu namaxẽ i ngẽma ñaa poperagu ümatüxü̃ —ñanagürü ga ãẽ̱xgacü ga Yochía.

Wenaxarü naxümatü ga Tupanaarü mugü 29:12

Rü nua pengutaque̱xegü nax Cori ya Tupanape̱xewa nüxü̃ pixuxü̃ca̱x nax aixcüma tá peyanguxẽẽxü̃ i ngẽma uneta i Cori ya perü Tupana pemaxã üxü̃.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Neemía 8:14

Rü yema mugüpanewa namaxã inarüxĩ ga ümatüxü̃ nax Cori ya Tupana rü Moichéxü̃ namuxü̃, rü ngẽxguma ngẽma peta ya norü 7 ya tauemacügu naxüchigagüxü̃wa nanguxgu rü düxenügügumare tá napegüxü̃ i Iraétanüxü̃.

Édra 10:44

Rü guxü̃ma ga yema Iraétanüxü̃ nixĩ ga to ga nachixü̃anecüã̱x ga ngexü̃gümaxã ixãxma̱xgüxü̃, natürü tümanatügüca̱x tüxü̃ nawoeguxẽxẽ tümaxacügümaxã.

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Norü taxre ga to ga popera ga ãẽ̱xgacügüchiga ümatüxü̃ 29:10

Rü ngẽmaca̱x nagu charüxĩnü nax wüxi i uneta namaxã chaxüxü̃ ya Cori ya Iraétanüxü̃arü Tupana nax ngẽmaãcü tamaxã nangüxmüxü̃ca̱x.

Norü taxre ga popera ga ãẽ̱xgacügüchiga 11:17

Rü yemawena nüma ga chacherdóte ga Yoiadá rü Tupanamaxã inaxüga nax nüma ga ãẽ̱xgacü rü guxü̃ma ga duü̃xü̃gü rü Tupanaga tá naxĩnüexü̃. Rü yexgumarüxü̃ ta rü ãẽ̱xgacümaxã inaxügagü ga duü̃xü̃gü nax nümagü rü tá aixcüma ãẽ̱xgacüga naxĩnüexü̃ rü nüma ga ãẽ̱xgacü rü duü̃xü̃gümaxã inaxüga nax nüma rü tá mea duü̃xü̃gümaxã inacuáxü̃.

Yochué 9:6

Rü yexguma yema nachica ga Iraétanüxü̃ ípegüxü̃ ga Guirigágu ãégaxü̃wa nangugügu, rü Yochuéxü̃ rü Iraétanüxü̃xü̃ ñanagürügü: —Yáxü̃guxü̃ i naanewa ne taxĩ rü tanaxwa̱xe nax tomaxã ipexügagüxü̃ nax tama yigü ida̱i̱xü̃ca̱x —ñanagürügü.

Édra 10:9

Rü yemaacü tomaepü̱x ga ngunexü̃gu rü Yerucharéü̃gu naxĩtaque̱xe ga guxü̃ma ga Yudátanüxü̃ rü Bẽyamíü̃tanüxü̃. Rü meama yimá 9 ya tauemacüarü 20 ga ngunexü̃gu nixĩ ga yexma naxĩtaque̱xexü̃. Rü Tupanapata ga taxü̃neã̱xtüwa narütogü rü yéma nidu̱xrugü yerü namuü̃e naxca̱x ga yema Checanía nüxü̃ ixuxü̃ rü ñu̱xũchi tacü ga pucü naétü nangu.

Édra 10:11

Rü ñu̱xma rü name i tórü o̱xigüarü Tupanape̱xewa nüxü̃ pixu nax aixcüma chixexü̃ pexügüxü̃, rü penaxü i ngẽma norü ngúchaü̃. Rü ngẽmaca̱x pemaxã nüxü̃ chixu ¡rü nüxna pixĩgachi i ngẽma duü̃xü̃gü i tama yaxõgüxü̃ rü ngẽma ngexü̃gü i to i nachixü̃anecüã̱xgü ixĩgüxü̃! —ñanagürü.

Neemía 10:1

Rü ñaagü nixĩ ga naégagü ga yema duü̃xü̃gü ga yema poperagu naxümatüégaxü̃: Choma ga ãẽ̱xgacü ga Neemía ga Acaría nane, rü Chedequía,