Édra 10:15 - Tupanaarü Ore

^15-16 Rü guxü̃ma ga yema Iraétanüxü̃ ga Babiróniawa woeguxü̃ rü norü me nixĩ ga yema ore. Natürü Yonatáü̃ ga Achaé nane rü Yaachía ga Tibá nane rü tama nanayauxgü ga yema ore. Rü Mechuráü̃ rü Chaxtái ga Lebítanüxü̃ rü naétüwa naxügü ga yema taxre. Rü yexguma nümatama ga chacherdóte ga Édra rü nüxü̃ naxuneta ga ñuxre ga yatügü nax natanüxü̃maxãchigü inacua̱xgüxü̃ca̱x nax yemaacü namexẽẽgüãxü̃ca̱x ga wüxíechigüarü guxchaxü̃gü. Rü nümagü ga yema yatügü rü gumá 10 ga tauemacüarü wüxi ga ngunexü̃gu nixĩ ga namaxã nangutaque̱xegüxü̃ nax namexẽẽgüãxü̃ca̱x ga wüxichigüarü guxchaxü̃gü.

Édra 10:15 Referans Kwoze

Neemía 11:16

Rü togü ga Lebítanüxü̃ ga Yerucharéü̃gu ãpatagüxü̃ rü Chaxtái rü Yochabá nixĩgü. Rü nümagü nixĩ ga namaxã inacua̱xgüxü̃ ga yema Lebítanüxü̃ ga Tupanapata ga taxü̃nearü düxétüwaama puracüexü̃.

Neemía 10:20

rü Mapía, rü Mechuráü̃, rü Echí,

Neemía 3:6

Rü Yoadá ga Pachéa nane, rü Mechuráü̃ ga Bechodía nane nixĩ ga namexẽẽgüxü̃ ga yema ĩã̱x ga Yechanágu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Édra 10:14

Rü narümemae i nuxã Yerucharéü̃gu narücho i ngẽma tomaxã icua̱xgüxü̃ nax ngẽmagü toxca̱x idexagüxü̃ca̱x rü namexẽẽgüãxü̃ca̱x i ngẽma torü guxchaxü̃gü. Rü name i to i ngunexü̃gu nua naxĩ i ngẽma to i nachixü̃anecüã̱x i ngexü̃gümaxã ixãxmaxü̃ namaxã i norü ĩanearü ãẽ̱xgacügü i guxchaxü̃güarü mexẽẽruü̃gü. Rü ngẽmaãcü tá tanaxü ñu̱xmata tá tomaxã inangüxmü ya Tupana erü poraãcüma nanu nagagu i torü pecadugü —ñanagürügü.

Édra 10:29

Rü Banítaagüwa rü Mechuráü̃, rü Marúx, rü Adaía, rü Yachúx, rü Cheá, rü Ramóx nixĩgü.