Édra 10:1 - Tupanaarü Ore

¹ Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Édra 10:1 Referans Kwoze

Danié 9:20

Rü choma rü íchayadaxẽxẽ ga nax chayumüxẽxü̃ rü Tupanamaxã nüxü̃ chixuxü̃ ga chorü chixexü̃gü rü chautanüxü̃ ya Iraétanüxü̃arü chixexü̃gü. Rü Cori ya Tupanaxü̃ chaca̱a̱xü̃ naxca̱x ya yima norü ma̱xpǘne ya üünene.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Romanos 9:2

Rü poraãcü changechaü̃, rü chorü maxü̃newa nangúecha, erü tama nayaxõgü i chautanüxü̃ i Iraétanüxü̃.

Nüxíraxü̃xü̃ ga popera ga ãẽ̱xgacügüchiga 8:30

¡Rü nüxü̃ naxĩnü i ngẽma naxca̱x íchacaxaxü̃, rü nüxü̃ naxĩnü i curü duü̃xü̃gü i Iraétanüxü̃arü yumüxẽ ega ngẽxguma ñaa nachicagu tarüdaunüãcüma tayumüxẽgügu! ¡Rü nüxü̃ naxĩnü i daxũguxü̃ i naanewa i ngextá ícumaxü̃xü̃wa rü toxü̃́ nüxü̃ rüngüma i torü chixexü̃gü!

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Neemía 8:9

Rü guxü̃ma ga duü̃xü̃gü rü yexguma nüxü̃ naxĩnüegu ga yema Tupanaarü mugü rü naxauxe. Natürü ga choma ga ãẽ̱xgacü ga Neemía, rü nümatama ga chacherdóte ga Édra, rü yema tomücügü ga Lebítanüxü̃ rü tanataãẽxẽxẽ ga yema duü̃xü̃gü, rü ñatagürügü nüxü̃: —¡Taxṹ i pengechaxü̃güxü̃ rü pexauxexü̃! Erü ñoma i ngunexü̃ rü woetama tórü Cori ya Tupanaca̱x ítanaxǘxüchi —ñatagürügü.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Neemía 10:28

Rü guxü̃ma ga yema togü ga duü̃xü̃gü ga chacherdótegü, rü Lebítanüxü̃, rü Tupanapata ga taxü̃nearü ĩã̱xarü dauruü̃gü, rü wiyaetanüxü̃, rü yema Tupanapata ga taxü̃newa puracüexü̃ rü nüxü̃ nixugüe nax aixcüma tá yanguxẽẽgüãxü̃ ga Tupanaarü mugü. Rü yexgumarüxü̃ ta inaxunetagü ga guxü̃ma ga yema Iraétanüxü̃ ga wüxigu naxma̱xgümaxã rü naxacügümaxã nüxna ixĩgachitanüxü̃ ga yema togü ga nachixü̃anecüã̱xgü ga tama Tupanaxü̃ cua̱xgüxü̃.

Norü taxre ga to ga popera ga ãẽ̱xgacügüchiga ümatüxü̃ 20:9

“Rü ngẽxguma tá to̱xca̱x ínanguxgu i guxchaxü̃gü i namaxã tá toxü̃ cupoxcuxü̃ rü woo dai rü woo da̱xaweane rü woo taiya, rü ngẽxguma daa cupata ya taxü̃ne ya nawa cungexmanepe̱xewa tayumüxẽgügu rü ngü̃xẽẽca̱x ítacaxgu, rü cuma rü tá toxü̃ cuxĩnü rü tá toxü̃ ícupoxü̃”, ñatagürügü.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Nüxíraxü̃xü̃ ga popera ga ãẽ̱xgacügüchiga 9:3

Rü ñanagürü nüxü̃: —Nüxü̃ chaxĩnü i ngẽma curü yumüxẽ rü ngẽma choxü̃ nax cuca̱a̱xü̃xü̃. Rü marü chanaxüünexẽxẽ ya yima chopata ya taxü̃ne ya cuxüxü̃ne nax guxü̃guma ngéma changexmaxü̃ca̱x. Rü guxü̃gutáma nüxna chadau rü namaxã chataãxẽ.

Ngechuchuarü ngúexü̃gü ga yamugüxü̃arü puracüchiga 21:5

Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Ngechuchuarü ngúexü̃gü ga yamugüxü̃arü puracüchiga 10:30

Rü Cornériu nanangãxü̃, rü ñanagürü: —Marü ãgümücü i ngunexü̃ nangupetü ga ñúxgumaãcü ga tomaepü̱xarü oragu ga yáuanecü, rü nua chopatawa chayumüxẽ erü guxü̃guma ngẽmaãcü chanaxü. Rü yexguma chayumüxẽgu rü chango̱xetü, rü cha̱u̱xca̱x nango̱x ga wüxi ga yatü ga iyaurachirucüüxü̃.

Norü taxre ga to ga popera ga ãẽ̱xgacügüchiga ümatüxü̃ 20:13

Rü yexguma rü guxü̃ma ga Yudáanecüã̱xgü ga yatüxü̃gü rü ngexü̃gü rü buxü̃gü rü Tupanapatape̱xegu nachigü.

Wenaxarü naxümatü ga Tupanaarü mugü 31:12

Rü ngẽma ngunexü̃gu rü guxü̃táma i duü̃xü̃gü i yatüxü̃gü, rü ngexü̃gü, rü buxü̃gü, rü duü̃xü̃gü i to i nachixü̃anecüã̱x i perü ĩanegügu ãchiü̃güxü̃, rü tá nangutaque̱xegü nax nüxü̃ naxĩnüexü̃ca̱x i ngẽma Tupanaarü mugü nax ngẽmaãcü nangúexü̃ca̱x nax nüxü̃ nangechaü̃güxü̃ca̱x ya tórü Cori ya Tupana, rü nagu namaxẽxü̃ca̱x i guxü̃ma i ngẽma mugü nüxü̃ ixuxü̃.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Édra 10:6

Rü yemawena nüma ga Édra rü ínaxũxũ ga Tupanapata ga taxü̃newa rü Yoanáü̃ ga Eriachí nanearü ucapuwa naxũ rü yexma nape ga yema chütaxü̃gu. Rü tama nachibü rü tama naxaxe yerü poraãcüxüchi nangechaü̃ yerü yema Iraétanüxü̃ ga Babiróniawa woeguxü̃ rü tama Tupanaga naxĩnüe.

Neemía 1:4

Rü yexguma yemaxü̃ chaxĩnügu rü poraãcü choxü̃́ nangu̱x rü chaxaxu. Rü ñuxre ga ngunexü̃ rü chaxaure rü Cori ya Tupanamaxã chidexa.

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Yochué 8:35

Rü guxü̃ma ga yema mugü ga Moiché nüxna ãxü̃ rü Yochué nüxü̃ nadaumatü nape̱xewa ga guxü̃ma ga Iraétanüxü̃ ga iyatüxü̃, rü ingexü̃, rü buxü̃gü, rü yema togü ga tama Iraétanüxü̃ ixĩgüxü̃ ga natanüwa maxẽxü̃.