Édra 1:9 - Tupanaarü Ore

^9-10 Rü yema yemaxü̃gü ga Chíru woeguxẽẽxü̃ nixĩ ga 30 ga tacháũgü ga ítáxü̃ ga úirunaxca̱xgü, rü 1,000 ga tacháũgü ga ítáxü̃ ga diẽrumünaxca̱xgü, rü 29 ga cüxchigü, rü 30 ga tacháũgü ga ixíxraxü̃gü ga úirunaxca̱x, rü 410 ga togü ga tacháũgü ga diẽrumünaxca̱x, rü ñu̱xũchi 1,000 ga togü ga yemaxü̃gü.

Édra 1:9 Referans Kwoze

Ore i mexü̃ ga Matéu ümatüxü̃ 14:8

Rü yexguma ga ngĩma rü ngĩéxü̃tawa ixũ, rü ngĩéna iyaca, rü ngĩgürügü: —Pa Ma, ¿ta̱xacü i cunaxwa̱xexü̃ nax naxca̱x íchaca̱xaxü̃? —ngĩgürügü. Rü ngĩé ngĩxü̃ ingãxü̃, rü ngĩgürügü: —¡Naxca̱x ínaca i Cuáü̃ ya báiü̃xẽẽruü̃eru! —ngĩgürügü ga ngĩé. Rü yexguma ga yema pacü rü ngĩgürügü nüxü̃ ga Eróde: —Chanaxwa̱xe i wüxi ya poratugu choxna cunaxã i naeru i Cuáü̃ ya báiü̃xẽẽruxü̃ —ngĩgürügü.

Édra 8:27

Rü naétü nayexma ga 20 ga tacháũgü ga úirunaxca̱x. Rü guma 20 ga tacháũgü rü 8 quíru naya. Rü naétü nayexma ga taxre ga bróũchenaxca̱x ga bachíagü ga meama íbaixatanücüüxü̃ ga ñoma úirurüxü̃ tatanüxü̃.

Norü taxre ga to ga popera ga ãẽ̱xgacügüchiga ümatüxü̃ 24:14

Rü yexguma marü meama nüxü̃́ yangugügu ga yema puracü ga naxügüxü̃, rü ãẽ̱xgacü ga Yoáxü̃tawa rü chacherdóte ga Yoiadáxü̃tawa ngĩxü̃ nangegü ga yema diẽru ga íyaxücü. Rü yemamaxã nanaxü ga nawechigü ga Tupanapata ga taxü̃neca̱x ixĩxü̃. Rü nanaxü ga yema yemaxü̃gü ga namaxã Tupanaxü̃ yacua̱xüü̃güxü̃ rü yema ãmarearü guruü̃arü yemaxü̃gü. Rü yemaacü nanaxü ga cuyeragü rü axepáxü̃gü rü poratugü ga úirunaxca̱x rü diẽrumünaxca̱x. Rü yexguma namaxü̃gu ga Yoiadá rü Tupanapata ga taxü̃newa guxü̃guma Cori ya Tupanaca̱x ãmare ínagugüxü̃.

Norü taxre ga to ga popera ga ãẽ̱xgacügüchiga ümatüxü̃ 4:11

Rü ñu̱xũchi ga Iráü̃ rü nanaxü ta ga buetaregü, rü paragü, rü naxpáü̃gü. Rü yemaacü nanagu̱xẽxẽ ga yema puracü ga Charomóü̃ca̱x naxüxü̃ ga Tupanapata ga taxü̃newa.

Norü taxre ga to ga popera ga ãẽ̱xgacügüchiga ümatüxü̃ 4:8

Rü nanaxü ta ga 10 ga mechagü rü ñu̱xũchi Tupanapata ga taxü̃negu nananu. Rü wüxime̱e̱xpü̱x nixĩ ga to̱xweguama nuxü̃, rü wüxime̱e̱xpü̱x ga tügüneguama. Rü ñu̱xũchi nanaxü ta ga 100 ga naxpáü̃gü ga úirunaxca̱x ixĩgüxü̃.

Iraétanüxü̃arü muxchiga 7:13

Rü norü ãmare nixĩ ga wüxi ga bachía ga diẽrumünaxca̱x ga 1,430 gramu yacü, rü wüxi ga tachóü̃ ga diẽrumünaxca̱x ga 770 gramu yacü ga yexguma Tupanapataarü yáruü̃wa inayaxgu. Rü gumá bachía rü gumá tachóü̃ rü nixããcu namaxã ga yema rümemaexü̃ ga arína ga chíxü̃maxã iñumüxü̃ naxca̱x ga yema ãmare ga ãte̱xexü̃.

Édra 8:26

Rü yema ichayagüxü̃ rü ichanaxǘ ga diẽrumü rü 21,450 quíru nixĩ ga nayaxü̃. Rü yema Tupanapata ga taxü̃nearü yemaxü̃gü ga diẽrumünaxca̱x ichanaxǘ rü 100 nixĩ ga norü mu, rü yema úiru ga ichayaxü̃ rü 3,300 quíru nixĩ ga norü ya.

Édra 8:30

Rü yexguma ga yema chacherdótegü rü nanade ga yema diẽrumü rü úiru rü yemaxü̃gü ga marü iyágüxü̃ nax Tupanapata ga taxü̃ne ga Yerucharéü̃wa yexmanewa nanaaxü̃ca̱x.

Norü taxre ga popera ga ãẽ̱xgacügüchiga 25:15

Rü yexgumarüxü̃ ta nüma ga churaragüeru ga Nabucharadáü̃ rü nayana ta ga guxü̃ma ga Tupanapataarü yemaxü̃gü ga úirunaxca̱x rü diẽrumünaxca̱x, rü ñu̱xũchi yema pumarate̱xearü guruü̃gü rü tacháũgü.