Édra 1:6 - Tupanaarü Ore

⁶ Rü yema Iraétanüxü̃ ga tama Yerucharéü̃ca̱x woeguchaü̃xü̃, rü yema woeguxü̃xü̃ narüngü̃xẽẽgü diẽrumaxã, rü úirumaxã, rü wocagümaxã rü norü yemaxü̃gü ga tatanüxü̃maxã. Rü naétü nüxna nanaxãgü ga ãmaregü Tupanapata ga taxü̃neca̱x.

Édra 1:6 Referans Kwoze

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Édra 8:33

Rü yexguma norü ãgümücü ga ngunexü̃wa nanguxgu nixĩ ga Tupanapata ga taxü̃ne ga Yerucharéü̃wa yexmanewa itanayáxü̃ rü chacherdóte ga Meremóx ga Uría nanena tananaxü̃ ga yema diẽrumü rü úiru rü yemaxü̃gü. Rü yéma nayexmagü ta ga chacherdóte ga Meremóxmücügü ga Ereachá ga Fineéx nane, rü yema taxre ga Lebítanüxü̃ ga Yochabá ga Yochué nane rü Noadía ga Binuí nane.

Édra 1:4

Rü yíxema petanüxü̃ ya tama woeguchaü̃xe, rü name nixĩ i diẽrumaxã, rü úirumaxã, rü õnamaxã rü wocagümaxã nüxü̃ tarüngü̃xẽxẽ i ngẽma woeguxü̃. Rü naétü rü name nixĩ i nüxna tanaxã i tümaarü ãmare naxca̱x ya Tupanapata ya taxü̃ne ya Yerucharéü̃wa wena tá naxügüne” —ñanagürü ga ãẽ̱xgacü ga Chíru.

Neemía 6:9

Rü yemaacü toxü̃ naxãxũnegü, yerü toxü̃ namuü̃exẽẽchaü̃ nax nüxü̃ tarüchauexü̃ca̱x nax tapuracüexü̃. Natürü ga choma rü yexeraãcü chanaxüama ga yema puracü.

Ichaía 35:3

Rü ngẽma turaexü̃ ¡rü penaporaãchitanüxẽxẽ! Rü ngẽma ipaexü̃ ¡rü nüxü̃ perüngü̃xẽxẽ!

Ínachoxü̃xü̃chiga 12:35

Rü ñu̱xũchi yema Equítuanecüã̱xgüxü̃tawa naxca̱x ínacagü ga naxchirugü rü norü ngã̱xãẽruü̃gü ga úirunaxca̱x rü diẽrumünaxca̱x.

Ínachoxü̃xü̃chiga 12:36

Rü nüma ga Cori ya Tupana rü yema Equítuanecüã̱xgüaxü̃́ nanatauxchaxẽxẽ nax norü ngúchaü̃maxã yema Iraétanüxü̃na naxãgüãxü̃ca̱x ga yema nüxna naxca̱x nacagüxü̃. Rü yemaacü ga yema Iraétanüxü̃ rü nayana ga yema Equítuanecüã̱xarü yemaxü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:9

Rü nüma ga duü̃xü̃gü rü nataãẽgü yerü norü ngúchaü̃maxã Cori ya Tupanana nanaxãmaregü ga norü yemaxü̃gü. Rü yexgumarüxü̃ ta rü nüma ga ãẽ̱xgacü ga Dabí rü poraãcü nataãẽxü̃chi.

Wiyaegü 106:46

Rü yema norü duü̃xü̃güarü uanügüãẽwa ínananguxẽxẽ nax mea namaxã inacua̱xgüxü̃ca̱x.