Édra 1:1 - Tupanaarü Ore

¹ Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Édra 1:1 Referans Kwoze

Yeremía 29:10

Rü choma ya Cori ya Tupana rü ñachagürü: ‘Ngẽxguma 70 ya taunecü marü inguxgu nax Babiróniaanewa pengẽxmagüxü̃ rü ngẽxguma i choma rü tá pexü̃ charüngü̃xẽxẽxü̃ rü tá chayanguxẽxẽ i ngẽma chorü uneta ga pemaxã nüxü̃ chixuxü̃ nax wena tá pexü̃ chawoeguxẽẽxü̃ naxca̱x i ngẽma naane i pexna chaxãxü̃.

Ucu̱xẽgüchiga 21:1

Ngẽma ãẽ̱xgacüarü ĩnü, rü Tupaname̱xẽwa nangẽxma, rü nüma ya Tupana naxwa̱xexü̃acü nayaxũxẽxẽ, ñoma wüxi i natü ya Tupana naxwa̱xexü̃wa yáxü̃rüxü̃.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Wiyaegü 106:46

Rü yema norü duü̃xü̃güarü uanügüãẽwa ínananguxẽxẽ nax mea namaxã inacua̱xgüxü̃ca̱x.

Édra 6:22

Rü 7 ga ngunexü̃ taãẽãcüma nanaxüchigagü ga paũ ga ngearü pu̱xẽẽruü̃ã́xü̃arü petachiga. Rü nüma ga Cori ya Tupana rü taãẽmaxã nanapagüxẽxẽ ga yema duü̃xü̃gü yerü Pérchiaanearü ãẽ̱xgacüãẽwa nananguxẽxẽ nax nüxü̃ nangü̃xẽẽxü̃ca̱x ga yema Yudíugü nax wenaxarü naxügüã̱xü̃ca̱x ga guma Tupanapata ga taxü̃ne ga Iraétanüxü̃arü Tupana.

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Ore i mexü̃ ga Cuáü̃ ümatüxü̃ 1:23

Rü Cuáü̃ nanangãxü̃ rü ñanagürü nüxü̃: —Choma nixĩ i ngẽma duü̃xü̃ i chianexü̃wa rü taxúema íxãpataxü̃wa tagaãcü ñachaxü̃: “¡Nüxü̃ perüxoe i pecüma i chixexü̃ rü ipeyanawe̱xãchixẽẽ̱x i nama naxca̱x ya Cori!” ñachaxü̃, gumá nũxcümaü̃cü ga orearü uruxü̃ ga Ichaía nüxü̃ ixuxü̃rüxü̃ —ñanagürü.

Édra 1:5

Rü nüma ga Tupana rü yema Yudátanüxü̃arü ãẽ̱xgacügüãẽwa rü Bẽyamíü̃tanüxü̃arü ãẽ̱xgacügüãẽwa rü chacherdótegüãẽwa nananguxẽxẽ ga wüxi ga ngúchaü̃ nax Yerucharéü̃ca̱x nawoeguxü̃ca̱x nax wena naxügüã̱xü̃ca̱x ga Tupanapata ga taxü̃ne.

Édra 4:3

Natürü nüma ga Chorobabé rü Yochué rü yema togü ga ãẽ̱xgacügü ga iyaxü̃, rü nanangãxü̃gü rü ñanagürügü: —Taxucürüwama pemaxã wüxigu tanaxü ya daa torü Tupanapata ya taxü̃ne. Rü marü toxicatatama tanaxü ya napata ya taxü̃ne ya Cori ya torü Tupana, yerü yemaacü nixĩ ga tomaxã nüxü̃ yaxuxü̃ ga Chíru ya Pérchiaanearü ãẽ̱xgacü —ñanagürügü.

Édra 6:3

Rü yema mu ga yema poperagu ümatüxü̃ rü ñanagürü: —Gumá nüxíraü̃cü ga taunecü nagu ãẽ̱xgacü yixĩcü ga Chíru rü ñaxü̃ ga mu naxunagü: “Guma Tupanapata ga taxü̃ne ga Yerucharéü̃wa yexmane ga Yudíugü norü ãmare ga naxü̃na nawa ígugüxü̃ne, rü tanaxwa̱xe i wena name, rü yimá nutagü ya naxtapü̱xgü nawa ixügücü rü mea inata̱xgü. Rü ngẽma norü máchane rü 27 i metruarü ngãxü̃ tá nixĩ, rü ngẽma norü tachiü̃ rü 27 i metruarü ngãxü̃ tá nixĩ.

Édra 6:14

Rü yemaacü ga nüma ga yema Yudíugü ga yema puracümaxã icua̱xgüxü̃ rü nayadaxẽẽgü ga nax napuracüexü̃. Rü Tupanaarü orearü uruü̃gü ga Aguéu rü Chacaría ga Idú nane rü Tupanaarü oremaxã poraãcü nanataãẽxẽxẽgü ga yema Tupanapatawa puracüexü̃. Rü yemaacü ga guma Tupanapataarü mexẽxẽ rü ningu yema Tupana nüxü̃ ixuxü̃rüxü̃ rü yema Chíru rü Daríu rü Artayére ga Pérchiaanearü ãẽ̱xgacügü unagügüxü̃rüxü̃.

Ichaía 44:28

Rü choma rü Chíru ya Pérchiaarü ãẽ̱xgacüxü̃ ñacharügü: “Cuma rü chorü duü̃xü̃güarü dauruxü̃ quixĩ rü tá cunaxü i guxü̃ma i ngẽma choma chanaxwa̱xexü̃”, ñachagürü. Rü Yerucharéü̃chiga rü ñacharügü: “Cuma rü tá wena cuxü̃ namexẽxẽgü”, ñacharügü. Rü chopata ya taxü̃nechiga ñacharügü: “Yimá nutagü ya namaxã cuxü̃ inaxügücü rü tá wena nanucu” —ñanagürü.

Yeremía 1:1

Ñaa nixĩ ga Yeremíaarü ore. Rü nüma ga Yeremía rü chacherdóte ga Irichía nane nixĩ, rü ĩane ga Anatógu naxãchiü̃ ga Bẽyamíü̃tanüxü̃arü naanewa.

Echequié 38:5

Rü tá cuxü̃ ínixümücü i churaragü i Pérchiaanecüã̱xgü, rü Etiopíaanecüã̱xgü rü Líbiaanecüã̱xgü. Rü guxü̃ma i ngẽma churaragü rü tá nixãxne rü nixãpate̱xe rü tá nüxü̃́ nangẽxmagü i norü poxü̃ruü̃gü.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.

Danié 9:2

Rü gumá taunecü ga nagu yangucuchicügu ga Daríu rü choma ga Danié rü nawa íchangu̱x ga yema popera ga Tupanaarü orearü uruxü̃ ga Yeremía ümatüxü̃. Rü yema ore ga nawa changúxü̃ rü nüxü̃ nixu nax 70 ya taunecü tá ninge nax chixexü̃wa nangẽxmaechaxü̃ ya Yerucharéü̃, yerü yemaacü nixĩ ga Cori ya Tupana Yeremíamaxã nüxü̃ yaxuxü̃.

Ichaía 45:1

Rü nüma ga Tupana rü ãẽ̱xgacüwa Chíruxü̃ nanguxẽxẽ ga Pérchiaanewa. Rü pora nüxna naxã nax togü i nachixü̃anegümaxã inacuáxü̃ca̱x rü norü ãẽ̱xgacügüxü̃ naporamaexü̃ca̱x. Rü guma ĩanegü ga namaxã nügü nada̱i̱xü̃ne rü Tupana Chírupe̱xewa nayawãxna ga guma ĩanegüarü ĩã̱xgü rü taxúema tapora nax wena tanawãxtaxü̃.

Danié 1:21

Rü nüma ga Danié rü yexma Babiróniaanegu narüxã̱ũ̱x ñu̱xmata wüxi ga taunecü nüxü̃́ ingu ga Chíru nax Pérchiaanearü ãẽ̱xgacü yixĩxü̃.