Echequié 9:8 - Tupanaarü Ore

⁸ Rü yema ínaxügüyane rü chaxicatama íchayaxü. Rü yexguma ga choma rü ñaxtüanegu chanangücuchi rü poraãcü changechaü̃ãcüma aita chaxü rü ñachagürü: —Pa Corix, rü ñu̱xma nax yima ĩane ya Yerucharéü̃cüã̱xgümaxã nax cunuxü̃ ¿rü tá cunada̱i̱xü̃ i ngẽma noxretama i Iraétanüxü̃ i ngéma yaxügüxü̃? —ñachagürü.

Echequié 9:8 Referans Kwoze

Echequié 11:13

Rü yexguma choma rü Cori ya Tupanaégagu namaxã íchidexayane, rü yuxü̃ yexma nayangu ga Peratía ga Benaía nane. Rü yexguma ga choma rü ñatüanegu chanangücuchi. Rü tagaãcü aita chaxü rü ñachagürü nüxü̃: —¡Pa Corix! ¿Ẽ̱xna tá cunadai i ngẽma noxretama i Iraétanüxü̃ i íyaxügüxü̃? —ñachagürü nüxü̃.

Echequié 4:14

Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:16

Rü nüma ga Dabí rü daxũgu nadawenü, rü nüxü̃ nadau ga yema daxũcüã̱x ga Cori ya Tupanaarü orearü ngeruxü̃. Rü daxũguxü̃ ga naane rü ñoma i naanearü ngãxü̃wa nayexma namaxã ga norü tara ga naxchixü̃wa natuxuchixü̃. Rü Yerucharéü̃guama namaxã nabuenüchacüxü. Rü yemaca̱x nüma ga Dabí rü guxü̃ma ga yema Iraétanüxü̃arü ãẽ̱xgacügü rü témüxü̃ ga naxchirugu icu̱xgüxü̃ rü ñaxtüanegu nanangücuchitanü rü yemaacü Tupanaxü̃ naca̱a̱xü̃gü.

Yochué 7:6

Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Iraétanüxü̃arü muxchiga 16:45

—¡Pixĩgachi natanüwa i ngẽma duü̃xü̃gü, erü ñu̱xma tátama chanadai! —ñanagürü. Rü nüma ga Moiché rü Aróü̃ rü yexgumatama ñaxtüanegu nayangücuchitanü.

Iraétanüxü̃arü muxchiga 14:5

Rü yexguma ga Moiché rü Aróü̃ rü ñaxtüanegu nanangücuchitanü nape̱xewa ga guxü̃ma ga duü̃xü̃gü.

Yeremía 14:19

Rü nüma ga Yeremía rü Cori ya Tupanana naca rü ñanagürü: —Pa Corix, ¿rü guxü̃gutáma e̱xna Yudátanüxü̃xü̃ cuxo? ¿Rü e̱xna düxwa marü tama yáxna namaxã cuxĩnü i ngẽma Chióü̃cüã̱xgü? ¿Rü ta̱xacüca̱x poxcu i taguma gúxü̃maxã toxü̃ cupoxcue? Rü ítayanguxẽẽgü nax mea toxü̃ nangupetügüxü̃ca̱x, natürü taxuxü̃ma i mexü̃ toxca̱x ínangu. Rü ítayanguxẽxẽ nax taãxẽ toxca̱x ínguxü̃, natürü ãũcümaxü̃xicatama toxca̱x ínangu.

Yeremía 14:13

Rü choma chanangãxü̃ rü ñachagürü nüxü̃: —Natürü, Pa Corix, ngẽma duü̃xü̃güarü orearü uruü̃gü rü namaxã nüxü̃ nixugüe rü nataxutama i dai, rü taiya, rü cuma rü guxü̃gutáma nüxna cunaxã i taãxẽ i ñaa nachicawa —ñachagürü nüxü̃.

Yeremía 4:10

Rü choma rü nüxü̃ ñachagürü: —Pa Corix, poraãcü cuyawomüxẽxẽ i ngẽma Yerucharéü̃cüã̱xgü i duü̃xü̃gü. Rü marü namaxã nüxü̃ quixu nax namaxã icurüngüxmüxü̃, natürü i ñu̱xma rü marü ínamemare i curü tara nax nadaiaxü̃ca̱x —ñachagürü nüxü̃.

Édra 9:5

Rü yexguma yema orawa nanguxgu rü marü choxü̃ nangupetüxüra ga nax changechaü̃xü̃. Rü charügáuxchiruãcüma ichanaxügü nax chayumüxẽxü̃. Rü Cori ya Tupanamaxã chidexa.

Wenaxarü naxümatü ga Tupanaarü mugü 9:18

Rü yexguma ga choma rü wenaxarü Cori ya Tupanape̱xegu chanangücuchi. Rü 40 ga ngunexü̃ rü 40 ga chütaxü̃ taguma chachibü rü taguma chaxaxe nagagu ga yema chixexü̃ ga Cori ya Tupanape̱xewa pexügüxü̃ ga namaxã penanuxẽẽxü̃.

Iraétanüxü̃arü muxchiga 16:4

Rü yemaxü̃ naxĩnügu ga Moiché rü ñaxtüanegu nayangücuchi rü Coréxü̃ rü yema nawe rüxĩxü̃xü̃ ñanagürü: —Moxü̃ pa̱xmama rü nüma ya Cori ya Tupana rü tá tüxü̃ nüxü̃ nacua̱xẽxẽ rü texé tixĩ ya noxrü ixĩxẽ rü tüxü̃ naxunetaxe nax nape̱xewa tayaguxü̃ca̱x i ãmaregü. Rü yíxema Tupana tüxü̃ unetaxexicatama tá nixĩ i namexü̃ nax nape̱xewa tayaguxü̃ i ãmaregü.

Naanearü ügüchiga 18:23

Rü nüma ga Abraáü̃ rü Cori ya Tupanaca̱x nixũ rü nüxna naca rü ñanagürü: —¿Cunada̱i̱xü̃ tá ta i ngẽma duü̃xü̃gü i mea maxẽxü̃ wüxigu namaxã i ngẽma chixexü̃ ügüxü̃?

Echequié 7:8

Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.