Echequié 9:7 - Tupanaarü Ore

⁷ Rü yemawena rü nüma ga Cori ya Tupana rü yema yatügüxü̃ namu rü ñanagürü nüxü̃: —¡Chopata ya taxü̃newa pexĩ rü penaxãũãchixẽxẽ! ¡Rü yuexü̃maxã penapaxẽxẽ i naa̱xtü! —ñanagürü. Rü nüma ga yema yatügü rü ínachoxü̃ rü inanaxügüe ga nax nadaiaxü̃ ga yema ĩanecüã̱x ga duü̃xü̃gü.

Echequié 9:7 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 36:17

Rü yemaca̱x nüma ga Cori ya Tupana rü Cadéugüarü ãẽ̱xgacüxü̃ namu nax nadaiaxü̃ca̱x ga yema Yudáanecüã̱xgüarü ngextü̱xüxü̃gü ga Tupanapata ga taxü̃newa yexmagüxü̃. Rü tama nüxü̃́ nangechaü̃tümüxü̃gü ga yema ngextü̱xüxü̃gü, rü paxü̃gü, rü yaxguã̱xgü, rü yema ichixeparaxü̃. Rü yemaacü ga nüma ga Cori ya Tupana rü guxü̃ma ga Yudáanecüã̱xgüxü̃ Cadéugüme̱xẽgu nayixẽxẽ.

Ore i mexü̃ ga Luca ümatüxü̃ 13:1

Rü yexgumaxü̃cüü rü Ngechuchuxü̃tawa nangugü ga ñuxre ga duü̃xü̃gü. Rü Ngechuchumaxã nüxü̃ nixugü nax ãẽ̱xgacü ga Pirátu rü norü churaragüxü̃ namuxü̃ nax nadaiaxü̃ca̱x ga ñuxre ga Gariréaanecüã̱x ga yatügü ga yexguma norü carnérugü Tupanaca̱x nadaixgu ga napatawa.

Auxexü̃chiga 2:20

¡Dücax, mea nagu rüxĩnü Pa Corix, nax cuma rü taguma texémaxã ngẽma cuxüxü̃! ¿Ẽ̱xna cunaxwa̱xe nax mamagü rü naxacügü ya tüxü̃ namaigüxemaxã naxãwemügüxü̃? ¿Ẽ̱xna cunaxwa̱xe nax curü chacherdótegü rü curü orearü uruü̃gü cupatagu nadaiaxü̃?