Echequié 9:6 - Tupanaarü Ore

⁶ ¡Rü chopata ya taxü̃newa tá ipenaxügü nax penadaixü̃ rü guxü̃táma pedai rü yaxguã̱xgü, rü ngextü̱xüxü̃gü, rü paxü̃gü, rü buxü̃gü, rü ngexü̃gü! ¡Natürü taxũtáma nüxü̃ pedau i ngẽma ãégacatüxü̃! —ñanagürü. Rü yemaacü inanaxügüe nax nadaiaxü̃ ga yema ãẽ̱xgacügü ga yaxguã̱xgü ga Iraétanüxü̃maxã icua̱xgüxü̃.

Echequié 9:6 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 9:4

Rü yema munümaxã nüxü̃ nixu nax tama natüanexü̃ nachixexẽẽxü̃ca̱x rü bai i ta̱xacürü nanetügü rü bai i ta̱xacürü naigü. Natürü nanamu nax nachixexẽẽgüãxü̃ca̱x ga yema duü̃xü̃gü ga tama Tupanaarü cáxnacatü nüxü̃́ yexmaxü̃.

Ínachoxü̃xü̃chiga 12:23

Rü ngẽmaãcü ngẽxguma Cori ya Tupana ngéma üpetügu nax nadaiaxü̃ca̱x i ngẽma nüxíra buexü̃ i Equítuanecüã̱x nanegü rü tá nüxü̃ naxüpetümare ya yima pepatagü ega perü ĩã̱xgüwa nüxü̃ nada̱u̱xgu nax yimá nagümaxã ínachaeguxü̃. Rü ngẽmaãcü ya Cori ya Tupana rü taxũtáma pepatagu nanaxücuxẽxẽ i ngẽma dauxü̃cüã̱x i ma̱xruxü̃ ixĩxü̃.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:3

Rü ñanagürü nüxü̃: “¡Taxṹ i yatacüma penachixexẽẽxü̃ i waixü̃mü rü ngẽma már rü naigü, ñu̱xmatáta yacanacatügü i ngẽma Tupanaarü duü̃xü̃gü ixĩgüxü̃!” ñanagürü.

Yeremía 25:29

Rü tá ichanaxügü nax chorü ĩane ya Yerucharéü̃ca̱x íchananguxẽxẽxü̃ i poxcu. ¿Rü pema nagu perüxĩnüegu rü taxũtáma pexü̃ chapoxcue? Natürü aixcüma tá pepoxcue, erü guxü̃ma i ñoma i naanewa maxẽxü̃ i duü̃xü̃güca̱x tá íchananguxẽxẽ i dai. Rü chomatama ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma!’ ” ñanagürü.

Ore i mexü̃ ga Luca ümatüxü̃ 12:47

Rü ngẽma coriarü duü̃xü̃ i nüxü̃ cua̱xchiréxü̃ nax ta̱xacü nanaxwa̱xexü̃ i norü cori, natürü tama yanguxẽẽxü̃ rü tama norü coriga ĩnüxü̃, rü tá poraãcü nanacua̱xi.

Norü taxre ga to ga popera ga ãẽ̱xgacügüchiga ümatüxü̃ 36:17

Rü yemaca̱x nüma ga Cori ya Tupana rü Cadéugüarü ãẽ̱xgacüxü̃ namu nax nadaiaxü̃ca̱x ga yema Yudáanecüã̱xgüarü ngextü̱xüxü̃gü ga Tupanapata ga taxü̃newa yexmagüxü̃. Rü tama nüxü̃́ nangechaü̃tümüxü̃gü ga yema ngextü̱xüxü̃gü, rü paxü̃gü, rü yaxguã̱xgü, rü yema ichixeparaxü̃. Rü yemaacü ga nüma ga Cori ya Tupana rü guxü̃ma ga Yudáanecüã̱xgüxü̃ Cadéugüme̱xẽgu nayixẽxẽ.

1 Chamué 15:3

Rü ngẽmaca̱x ¡ngéma naxũ rü nadai i guxü̃ma i ngẽma Amaréxtanüxü̃ guxü̃ma i norü ngẽmaxü̃maxã, rü taxũtáma cuxü̃́ nangechaütümüxü̃gü! ¡Rü nadai i yatüxü̃gü, rü ngexü̃gü, rü buxü̃gü, rü õxchanagü! ¡Rü ngẽxgumarüxü̃ ta nadai i norü wocagü, rü carnérugü, rü caméyugü, rü búrugü! ¡Rü bai tá i wüxi ícuyaxüxẽẽxü̃!” ñanagürü ga Cori ya Tupana —ñanagürü ga Chamué.

Wenaxarü naxümatü ga Tupanaarü mugü 2:34

Rü guxü̃nema ga guma norü ĩanegü rü taxme̱xwa nayexmagü rü yemaacü tanadai ga guxü̃ma ga yatüxü̃gü rü ngexü̃gü rü buxü̃gü. Rü taxuxü̃ma ga maxü̃xü̃ ítayaxüxẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.

Amúx 3:2

Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.

Echequié 11:1

Rü nüma ga Tupanaãxẽ ya Üünecü rü choxü̃ nayachü̱xüxãchixẽxẽ rü Tupanapata ya taxü̃nearü ĩã̱x ya éstewaama üxü̃wa choxü̃ naga ga Yerucharéü̃wa. Rü yema ĩã̱xwa nayexmagü ga 24 ga yatügü. Rü yematanüwa nüxü̃ chacuáxü̃ nixĩ ga Yaachanía ga Achúx nane rü Peratía ga Benaía nane. Rü nümagü rü Yerucharéü̃cüã̱xarü ãẽ̱xgacügü nixĩgü.

Wenaxarü naxümatü ga Tupanaarü mugü 3:6

Rü guxü̃nema ga gumagü rü nagu tapogüe, rü yema Ebóü̃arü ãẽ̱xgacü ga Chióü̃maxã taxüxü̃rüxü̃ namaxã tanaxügü. Rü tanadai ga guxü̃ma ga yatüxü̃gü rü ngexü̃gü rü buxü̃gü. Natürü yigüxü̃́ tanade ga guxü̃ma ga wocagü rü ñu̱xũchi yema tórü uanügüarü yemaxü̃gü ga itatanüxü̃.

Naanearü ügüchiga 4:15

Natürü nüma ga Cori ya Tupana rü nanangãxü̃ rü ñanagürü: —Ngẽxguma chi texé cuxü̃ ima̱xgu rü 7 e̱xpü̱xcüna tá curü yexera tapoxcu —ñanagürü. Rü yexguma ga Cori ya Tupana rü Caíü̃gu nanaxǘ ga wüxi ga cua̱xruxü̃ nax tama tayamáxü̃ca̱x ga guxema nüxü̃ iyanga̱u̱xe.

Yeremía 9:21

—Ngẽma yu rü tapatagüwa nangu, rü tórü ãẽ̱xgacügüpatawa nangu. Rü ngẽma uanügü rü namagügu tüxü̃ nadai ya buxegü, rü ñu̱xũchi plázagügu nanadai i ngextü̱xüxü̃gü.

Yeremía 16:6

Rü ngẽma duü̃xü̃gü i diẽruã̱xgüxü̃ rü ngẽma ngearü diẽruã̱xgüxü̃ rü tá nayue i ñaa nachixü̃anewa. Rü taxúetama itanata̱xgü, rü bai tá texé naxca̱x auxexü̃, rü bai tá texé tügü tawítüxü̃ne rüe̱xna tügü taba̱i̱xeru nax ngẽmaãcü tanango̱xẽẽxü̃ nax naxca̱x tangechaxü̃xü̃ i ngẽma yuexü̃.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Echequié 9:5

Rü yemawena nüxü̃ chaxĩnü ga Cori ya Tupana nax yema togü ga yatügüxü̃ ñaxü̃: —¡Rü ngẽma yatüwe pixĩxü̃tanü nawa ya daa ĩane! Rü guxü̃ma i ngẽma duü̃xü̃gü i ngeégacatüxü̃ ¡rü penadai! ¡Rü tauxü̃táma nüxü̃ pengechaxü̃ rü bai tá i pexü̃́ nax nangechaü̃tümüxü̃güxü̃!

Wenaxarü naxümatü ga Tupanaarü mugü 32:23

Rü ngẽma chixexü̃ ügüxü̃ca̱x tá íchananguxẽxẽ i naguxü̃raxü̃xü̃ i guxchaxü̃gü. Rü tá nagu chanacuxgü ya guxü̃nema ya chorü chuxchigü.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Yeremía 44:7

Rü ngẽmaca̱x i choma ya Cori ya Guxãétüwa Ngẽxmaxe ya Iraétanüxü̃arü Tupana rü ñachagürü: “¿Tü̱xcüü̃ pegüca̱x ípenangu̱xẽxẽgüchaü̃ i ngẽma poxcu i taxüchixü̃? ¿Rü tü̱xcüü̃ penaxwa̱xe nax penayuexẽẽxü̃ i guxü̃ma i ngẽma Yudátanüxü̃ i yatüxü̃gü rü ngexü̃gü rü buxü̃gü rü õxchanagü nax ngẽmaãcü taxúema íyaxüxü̃?

Yeremía 44:8

¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.