Echequié 9:2 - Tupanaarü Ore

² Rü ñu̱xũchi nüxü̃ chadau ga 6 ga yatügü ga guma ĩanegu chocuxü̃ nawa ga yema norü ĩã̱x ga dauxchitawaama üxü̃ ga nórtewa. Rü wüxichigü ga yema yatügü rü nayange ga wüxi ga naxne ga ma̱xeruxü̃. Rü yemaarü ngãxü̃tanügu nixũchigü ga wüxi ga yatü ga línuchimaxã ãxchiruxü̃. Rü norü goyexü̃wa nayangaxcuchiweü̃ ga norü ümatüruxü̃. Rü yema yatügü rü Tupanapataa̱xtügu nachocu, rü yema ãmarearü guruxü̃ ga bróũchenaxca̱xü̃tawa nayachaxãchitanü.

Echequié 9:2 Referans Kwoze

Echequié 10:2

Rü nüma ga Cori ya Tupana rü yema yatü ga línuchimaxã ãxchiruxü̃xü̃ ñanagürü: —¡Ngẽma querubíü̃tüxü̃wa ngẽxmagüxü̃ i caruchicuarü ngãxü̃tanügu naxücu, rü ñuxre ya ã́xwe nayaxu i ngẽma querubíü̃gütanüwa rü ñu̱xũchi yimá ĩanegu nawogü! —ñanagürü. Rü nüxü̃ chadau ga yema yatü nax yexma naxücuxü̃.

Lebítanüxü̃arü puracüchiga 16:4

Rü nüma ya Aróü̃ rü naxü̃pa nax nagu yacúxü̃ i ngẽma chacherdótechiru rü tá naxaiyaxíra. Rü ngẽmawena rü tá nicuxcuchi i ngẽma natüü̃chiru i línuchinaxca̱x rü nagu tá nicu̱x i naxchiru i máxpaxü̃ i línuchinaxca̱x i woetama ngẽmaca̱x ixĩxü̃. Rü tá nügü nigoye rü nayanga̱xcuchi i napate̱xe i línuchinaxca̱x. Erü ngẽma nixĩ i naxchirugü i woetama ngẽmaruxü̃ ixĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:6

Rü gumá Tupanapata ya taxü̃newa ínachoxü̃ ga yema 7 ga orearü ngeruü̃gü ga daxũcüã̱x ga nüxü̃́ nayexmagüxü̃ ga yema 7 ga poxcuruü̃gü. Rü línuchinaxca̱x ga naxchiru ga mexẽchixü̃maxã rü iyauracüüxü̃maxã nixãxchiru. Rü naremüwa nüxü̃́ nayexma ga norü goyeremüruü̃gü ga úirunaxca̱x.

Yeremía 26:10

Rü yexguma yema Yudáanearü ãẽ̱xgacügü nüxü̃ cua̱xgügu ga yema ngupetüxü̃, rü ínachoxü̃ ga guma ãẽ̱xgacüpatawa rü Tupanapata ga taxü̃newa naxĩ. Rü guma Tupanapataarü ĩã̱x ga ĩã̱x i Ngexwacaxü̃xü̃gu ãégaxü̃wa nayarütogü.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Yeremía 1:15

Rü choma ya Cori ya Tupana rü aixcüma nüxü̃ chixu rü tá naxca̱x changema i guxü̃ma i nachixü̃anegüarü ãẽ̱xgacügü i nórtewaama ngẽxmagüxü̃. Rü nua Yudáanewa tá naxĩ. Rü ngẽma ãẽ̱xgacügü rü Yerucharéü̃arü poxeguxü̃arü ĩã̱xgu tá nanangutaque̱xexẽxẽ i norü churaragü rü tá ínanachomaeguãchi ya yima ĩanearü poxeguxü̃. Rü tá naxca̱x ínayaxüãchi ya yima naigü ya ĩanegü ya Yudáanewa ngẽxmagüne.

Norü taxre ga to ga popera ga ãẽ̱xgacügüchiga ümatüxü̃ 27:3

Rü Yotáü̃ nixĩ ga naxüxü̃ ga Tupanapata ga taxü̃nearü ĩã̱x ga taxü̃ ga nawa yachocuxü̃. Rü nanamexẽxẽ ta ga yema naxtapü̱x ga Ma̱xpǘne ga Ófewa nadaxü̃.

Norü taxre ga to ga popera ga ãẽ̱xgacügüchiga ümatüxü̃ 4:1

Rü nüma ga Charomóü̃ rü nanaxü ta ga wüxi ga ãmarearü guruxü̃ ga bróũchenaxca̱x ga 9 metrugu ixüxü̃ ga norü ma̱x, rü 9 metru ga norü tatachinü, rü 4 metruarü ngãxü̃ ga norü máchane.

Ínachoxü̃xü̃chiga 40:29

Rü ñu̱xũchi yema ãmaregüarü guruxü̃ rü guma Tupanapata ga nawa naxca̱x naxĩxü̃nepe̱xegu nayaxǘ. Rü yemawa Tupanaca̱x ínanagu ga naxü̃nagü rü trigute̱xe ga mexẽchixü̃, yema Cori ya Tupana namaxã nüxü̃ ixuxü̃ãcüma.

Echequié 9:3

Rü Tupanaarü üüne rü nüxna nayachü̱xüxãchi ga yema taxre ga ixãxpe̱xatüxü̃ ga noxri norü ngãxü̃wa nayexmaxü̃, rü Tupanapata ga taxü̃nearü ĩã̱xwaama naxĩ. Rü nüma ga Cori ya Tupana rü naxca̱x naca ga yema yatü ga línuchimaxã ãxchiruxü̃ ga norü goyexü̃gu ümatüruxü̃ ingexü̃.

Echequié 9:11

Rü yexguma ga yema yatü ga línuchimaxã ãxchiruxü̃ ga norü goyexü̃wa ümatüruxü̃ ingacuchiweü̃xü̃ rü wenaxarü nataegu rü ñanagürü: —Marü chayanguxẽxẽ i ngẽma choxü̃ cumuxü̃ —ñanagürü.

Danié 10:5

Rü ngürüãchi nüxü̃ chadau ga wüxi ga yatü ga línuchimaxã ãxchiruxü̃ rü úirumaxã goyexü̃ã́xü̃.

Danié 12:6

Rü wüxi ga yema yatü rü yema línuchimaxã ãxchiruxü̃ ga natüétügu chixü̃na naca rü ñanagürü nüxü̃: —¿Ñuxgu tá nixĩ i yaguxü̃ i ngẽma taxü̃ i tá ngupetüxü̃? —ñanagürü.

Yeremía 4:6

¡Rü penawã̱ĩ̱xnagü ya wonera i Chióü̃wa! ¡Rü naxca̱x pedaugü nax ngexta peyarücu̱xgüxü̃! Erü nórtewaama tá ne chanaxũxẽxẽ i taxü̃ i ãũcümaxü̃ i tá pexü̃ daixü̃.

Echequié 8:3

Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Amúx 9:1

Nüxü̃ chadau ga Cori ya Tupana. Rü nüma rü ngẽma tupananetagüarü ãmarearü guruü̃xü̃tagu nachi, rü ñanagürü choxü̃: —¡Daa tupananetapataarü caxtagüerugu napogü nax duü̃xü̃güétü nangutaü̃xü̃ca̱x rü ngẽxma nayuexü̃ca̱x! Rü ngẽma maxẽxü̃ rü woo nabuxmügu rü norü uanügü tá taramaxã nanadai. Rü ngẽmaãcü taxuxü̃táma niña.