Echequié 8:8 - Tupanaarü Ore

⁸ Yexguma rü choxü̃ ñanagürü: —¡Nüxü̃ nataneta i ngẽma boxmaxetüxü̃ i naxtapü̱xwa ngẽxmaxü̃! —ñanagürü choxü̃. Rü yexguma ga choma rü nüxü̃ chataneta ga yema boxmaxetüxü̃ rü namaxã ichayarüxũ ga wüxi ga ücuchica.

Echequié 8:8 Referans Kwoze

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Yox 34:22

Rü nataxuma i ta̱xacü i waanexü̃ i Tupanacha̱xwa yadüxüxü̃ i wüxi i duü̃xü̃ i chixexü̃arü üruxü̃.

Yeremía 2:34

Rü guxü̃wama cuxãũãchichiru tümagümaxã ya yíxema duü̃xẽ ya ingearü diẽruã́xẽ rü yíxema taxuxü̃ma i chixexü̃ ügüxe, rü yíxema i tama tümawa nüxü̃ cuyangauxe i ta̱xacürü chixexü̃ nax taxügüxü̃.

Echequié 8:7

Rü ñu̱xũchi guma Tupanapataã̱xtüarü ĩã̱xwa choxü̃ naga. Rü yema norü poxeguxü̃tápü̱xwa nüxü̃ chadau ga wüxi ga boxmaxetüxü̃.

Echequié 8:9

Rü yexguma rü choxü̃ ñanagürü: —¡Ngẽxma naxücu! Rü tá nüxü̃ cudau i ngẽma chixexüchixü̃gü i ngéma naxügüxü̃ —ñanagürü choxü̃.