Echequié 8:5 - Tupanaarü Ore

⁵ Rü yexguma ga nüma ga Tupana rü choxü̃ ñanagürü: —¡Ñu̱xma rü nórteguama nadawenü! —ñanagürü choxü̃. Rü yexguma ga choma rü nórteguama chadawenü, rü yema ixücuxü̃wa ga ãmarearü guruü̃arü ĩã̱xü̃tawa nüxü̃ chadau ga yema tupananetachicüna̱xã ga Cori ya Tupanaxü̃ nuxẽẽxü̃.

Echequié 8:5 Referans Kwoze

Echequié 8:3

Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Yeremía 3:2

¡Rü dücax, mea nüxü̃ perüdaunü i ngẽma ngüchitaerugüxü̃ i íba̱i̱xchitaerugüxü̃! ¿Rü ngexü̃rüü̃xü̃ yixĩxü̃ ga tama tupananetachicüna̱xãgüxü̃ nawa picua̱xüü̃güxü̃? Rü ñoma ngexü̃ i Arábiaanecüã̱x i ngeãẽxü̃ i ínachianexü̃wa namacüwawa rütoxü̃ nax yatügüca̱x nadauxü̃ rü pema rü ngẽxgumarüxü̃ ta pixĩgü nax naxca̱x pedaugüxü̃ i ngẽma tupananetachicüna̱xãgü nax nüxü̃ picua̱xüü̃güxü̃ca̱x. Rü ñu̱xma nax choxna pixĩgachixü̃, rü perü chixexü̃maxã penapaxẽxẽ i perü naane.

Yeremía 32:34

Rü taxü̃ ga chixexü̃ naxügü, yerü ñu̱xmata chopatagu nananucu ga yema norü tupananetachicüna̱xãgü ga naxchi chaxaixü̃. Rü yemaacü nanaxãũãchixẽxẽ ga chopata ga cha̱u̱xca̱xicatama ixĩxü̃ne.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Wiyaegü 48:2

Namexẽchi ya yima ma̱xpǘne ya Chióü̃ i nórtewaama ngẽxmane. Rü yima nixĩ ya namaxã nataãẽgüne i guxü̃ma i ñoma i naanecüã̱x i duü̃xü̃gü. Rü yimawa nixĩ i nangẽxmaxü̃ i norü ĩane ya yimá Ãẽ̱xgacü ya Guxãétüwa Ngẽxmacü.

Yeremía 7:30

Rü Cori ya Tupana rü ñanagürü: —Ngẽma duü̃xü̃gü i Yudátanüxü̃ rü taxü̃ i chixexü̃maxã choxü̃ nanuxẽẽgü. Rü daa chopatagu nananucu ga naxchicüna̱xãgü i nawa chanaxoégaxü̃. Rü yemaacü taxü̃ ga chixexü̃ rü ãũãchixü̃ chopatawa naxügü.

Echequié 5:11

Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.