Echequié 8:4 - Tupanaarü Ore

⁴ Rü yéma nüxü̃ chadau ga Cori ya Iraétanüxü̃arü Tupanaarü üüne, yema ínadoxonexü̃wa chorü ngo̱xetüwa nüxü̃ chada̱u̱xgurüxü̃.

Echequié 8:4 Referans Kwoze

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Echequié 9:3

Rü Tupanaarü üüne rü nüxna nayachü̱xüxãchi ga yema taxre ga ixãxpe̱xatüxü̃ ga noxri norü ngãxü̃wa nayexmaxü̃, rü Tupanapata ga taxü̃nearü ĩã̱xwaama naxĩ. Rü nüma ga Cori ya Tupana rü naxca̱x naca ga yema yatü ga línuchimaxã ãxchiruxü̃ ga norü goyexü̃gu ümatüruxü̃ ingexü̃.

Ínachoxü̃xü̃chiga 25:22

Rü ngẽma baúátaü̃étüwa tá nixĩ i cuxca̱x changexmaxü̃ rü cumaxã chidexaxü̃ i norü ngãxü̃tanüwa i ngẽma taxre i dauxü̃cüã̱xchicüna̱xãgü i ixãxpe̱xatüxü̃. Rü ngéma tá nixĩ i cumaxã nüxü̃ chixuxü̃ i ngẽma chorü ucu̱xẽgü naxca̱x i ngẽma Iraétanüxü̃.

Yeremía 38:17

Rü nüma ga Yeremía rü Chedequíaxü̃ nangãxü̃ rü ñanagürü: —Nüma ya Iraétanüxü̃arü Tupana ya Guxü̃étüwa Ngẽxmacü rü ñanagürü: “Ngẽxguma chi noxtacüma cugü nüxna cuxãxgu ya yimá Babiróniaanearü ãẽ̱xgacüarü churaragüarü ãẽ̱xgacügü, rü cuma rü guxü̃ma i cutanüxü̃ rü tá pemaxẽ, rü daa ĩane rü taxũtáma nayagugü.