Echequié 8:3 - Tupanaarü Ore

³ Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Echequié 8:3 Referans Kwoze

Wenaxarü naxümatü ga Tupanaarü mugü 32:16

Rü pema rü nüxü̃ picua̱xüü̃gü ga yema tupananetachicüna̱xãgü ga nawa rüxoxegaxü̃, rü yemaacü penanuxẽxẽ ga Tupana.

Echequié 11:1

Rü nüma ga Tupanaãxẽ ya Üünecü rü choxü̃ nayachü̱xüxãchixẽxẽ rü Tupanapata ya taxü̃nearü ĩã̱x ya éstewaama üxü̃wa choxü̃ naga ga Yerucharéü̃wa. Rü yema ĩã̱xwa nayexmagü ga 24 ga yatügü. Rü yematanüwa nüxü̃ chacuáxü̃ nixĩ ga Yaachanía ga Achúx nane rü Peratía ga Benaía nane. Rü nümagü rü Yerucharéü̃cüã̱xarü ãẽ̱xgacügü nixĩgü.

Echequié 5:11

Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.

Danié 5:5

Rü yexguma ínaxaxegüyane rü yema ucapuarü ĩxtapü̱x ga cómüxü̃wa nango̱x ga wüxi ga naxme̱x ga omüema ĩxtapü̱xgu ínachixü̃wa iwǘãcüxü̃ne. Rü yexguma guma naxme̱x ga yéma iwǘãcüxü̃nexü̃ nada̱u̱xgu ga gumá ãẽ̱xgacü rü naba̱i̱xãchi rü nanacho̱xõchi rü norü muü̃maxã niyoyoxü̃ne.

Echequié 11:24

Rü ñu̱xũchi ga yema Tupanaãxẽ ya Üünecü rü choxü̃ niga rü Babiróniaaneca̱x choxü̃ nataeguxẽxẽ natanüwa ga yema chautanüxü̃ ga yéma gagüxü̃. Rü guxü̃ma i ngẽma ñu̱xma nüxü̃ chixuxü̃ rü yema nixĩ ga Tupanaãxẽ ya Üünecü choxü̃ nüxü̃ dauxẽẽxü̃ ga yexguma choxü̃ nango̱xetüxẽẽgu. Rü yemawena rü inayarütaxu ga yema nüxü̃ chadauxü̃.

Echequié 2:9

Rü ñu̱xũchi nüxü̃ chadau ga wüxi ga naxme̱x ga wüxi ga popera ga ãmatüxü̃ ga rübuxü̃ ngexü̃ne nax choxna naxããxü̃ca̱x.

Wenaxarü naxümatü ga Tupanaarü mugü 32:21

Rü choxü̃ penuexẽxẽ namaxã i ngẽma perü tupananeta i tama aixcüma Tupana ixĩxü̃. Rü choxü̃ penuexẽxẽ namaxã i ngẽma naxchicüna̱xãgü i taxuwama mexü̃. Rü ngẽmaca̱x i ñu̱xma i choma rü tá pexü̃ chanuexẽxẽ namaxã i duü̃xü̃gü i tama choxü̃́ yaxõgüxü̃. Rü tá pexü̃ chanuexẽxẽ namaxã i wüxi i duü̃xü̃gütücumü i tama ixĩnüechaü̃xü̃.

Wenaxarü naxümatü ga Tupanaarü mugü 6:15

Erü yimá perü Cori ya Tupana ya petanüwa ngẽxmacü rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.

Wenaxarü naxümatü ga Tupanaarü mugü 5:9

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃. Rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa tá chananguxẽxẽ i ngẽma poxcu.

Wenaxarü naxümatü ga Tupanaarü mugü 4:24

Erü yimá Cori ya perü Tupana rü Tupana ya pexü̃ inuxü̃cü nixĩ. Rü nüma rü ñoma wüxi i üxüema i guxü̃ma iyarüxoxẽẽxü̃rüxü̃ nixĩ.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Ngechuchuarü ngúexü̃gü ga yamugüxü̃arü puracüchiga 8:39

Rü yexguma dexáwa ínachoõchigu, rü Tupanaãxẽ ya Üünecü rü Ferípexü̃ niga. Rü yema ãẽ̱xgacü rü marü tama wena Ferípexü̃ nadau. Natürü taãẽãcü namagu nixũ.

Danié 10:18

Rü yema naduü̃xü̃raxü̃xü̃ rü wena choxü̃ ningõgü rü pora choxna naxã. Rü ñu̱xũchi choxü̃ ñanagürü: ¡Taxṹ i cumuü̃xü̃ rü cuxoegaãẽxü̃! Tupana rü cuxü̃ nangechaxü̃. ¡Rü cugü naporaxẽxẽ rü taxṹ i cumuü̃xü̃!, ñanagürü. Rü yexguma chomaxã íyadexagu rü nüxü̃ chicua̱xãchi ga nax chiporachigüxü̃. Rü ñachagürü: —¡Pa Corix, ẽcü chomaxã idexa erü cha̱u̱xca̱x cunatáeguxẽxẽ i pora! —ñachagürü.

Danié 10:10

Natürü wüxi ga naxme̱x rü choxna natüxüe rü choxü̃ nangenagü ñu̱xmata cho̱xme̱xmaxã rü chauã́pü̱xümaxã ichachuxenü.

Echequié 8:5

Rü yexguma ga nüma ga Tupana rü choxü̃ ñanagürü: —¡Ñu̱xma rü nórteguama nadawenü! —ñanagürü choxü̃. Rü yexguma ga choma rü nórteguama chadawenü, rü yema ixücuxü̃wa ga ãmarearü guruü̃arü ĩã̱xü̃tawa nüxü̃ chadau ga yema tupananetachicüna̱xã ga Cori ya Tupanaxü̃ nuxẽẽxü̃.

Echequié 7:20

Rü nümagü rü norü ngã̱xãẽruü̃gümaxã nügü nicua̱xüü̃gü rü yemawa nixĩ ga naxügüãxü̃ ga norü tupananetachicüna̱xãgü ga poraãcü ichixexü̃. Rü ngẽmaca̱x i choma rü tá guxchirexü̃ chayanguxuchixẽxẽ i ngẽma norü ngã̱xãẽruü̃gü.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Echequié 3:12

Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.

Yeremía 32:34

Rü taxü̃ ga chixexü̃ naxügü, yerü ñu̱xmata chopatagu nananucu ga yema norü tupananetachicüna̱xãgü ga naxchi chaxaixü̃. Rü yemaacü nanaxãũãchixẽxẽ ga chopata ga cha̱u̱xca̱xicatama ixĩxü̃ne.

Yeremía 7:30

Rü Cori ya Tupana rü ñanagürü: —Ngẽma duü̃xü̃gü i Yudátanüxü̃ rü taxü̃ i chixexü̃maxã choxü̃ nanuxẽẽgü. Rü daa chopatagu nananucu ga naxchicüna̱xãgü i nawa chanaxoégaxü̃. Rü yemaacü taxü̃ ga chixexü̃ rü ãũãchixü̃ chopatawa naxügü.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Norü taxre ga popera ga ãẽ̱xgacügüchiga 21:7

Rü Cori ya Tupanapata ga taxü̃negu nayaxǘ ga wüxi ga Acheráchicüna̱xã ga nainaxca̱x. Rü yemaca̱x nixĩ ga Cori ya Tupana rü marü Dabímaxã rü nane ga Charomóü̃maxã nüxü̃ yaxuxü̃ rü ñanagürü: —Choma rü guxü̃nema ga Iraégüarü ĩanegütanüwa nüxü̃ chaxuneta ga Yerucharéü̃ nax nawa nangẽxmaxü̃ca̱x ya chopata. Rü yima chopata ya taxü̃newa tá guxü̃gutáma changexma.

Norü taxre ga popera ga ãẽ̱xgacügüchiga 16:14

Rü nüma ga Acáx rü nayaxügachi ga yema Tupanaarü ãmarearü guruxü̃ ga bróũchenaxca̱x ga Tupanapata ga taxü̃nearü to̱xma̱xtagu üchiréxü̃. Rü nórteguama nayaxǘ yerü yema ngexwaca̱xü̃xü̃ ga ãmarearü guruxü̃ yéma naguxchachica. Rü ñu̱xũchi yema Tupanapata ga taxü̃nepe̱xewa yexmaxü̃ ga nachicagu nanaxǘ ga yema yexwaca̱xüxü̃ ga ãmarearü guruxü̃.

Norü taxre ga popera ga ãẽ̱xgacügüchiga 2:16

Rü ñanagürügü nüxü̃: —Toma nax curü duü̃xü̃gü tixĩgüxü̃ rü nua totanüwa nangẽxmagü i 50 i totanüxü̃ i poraexü̃. ¡Rü ngẽma ngéma namugü nax curü ngu̱xẽẽruxü̃ ya Eríaca̱x yadaugüxü̃! Erü ngürüãchi i ngẽma Tupanaãxẽ ya Üünecü rü ma̱xpǘnewa rüe̱xna wüxi i ngatewa nayata̱x —ñanagürügü. Natürü nüma ga Erichéu rü nanangãxü̃ rü ñanagürü: —Tama chanaxwa̱xe i texéxü̃ ngéma pemugü —ñanagürü.

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

Yochué 24:19

Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.

Ínachoxü̃xü̃chiga 34:14

Rü tama chanaxwa̱xe i ta̱xacürü tupananetaxü̃mare picua̱xüü̃gü erü choma ya pexrü Cori ya Tupana rü inuxwa̱xecü chixĩ rü ngẽmatama nixĩ i chauéga.

Ínachoxü̃xü̃chiga 20:4

¡Rü taxuxü̃táma ta̱xacümare cugüca̱x cuxüxchicüna̱xã nax ngẽmamaxã cutupanaã́xü̃ca̱x, rü bai i ta̱xacü i daxũguxü̃ i naanewa nüxü̃ cudauxü̃, rü bai i ta̱xacü i ñoma i naanewa ngẽxmaxü̃, rü bai i ta̱xacü i márwa ngẽxmaxü̃ tá cuxüxchicüna̱xã nax ngẽmamaxã cutupanaã́xü̃ca̱x!

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Echequié 10:3

Rü yexguma yexma naxücugu ga yema yatü rü yema querubíü̃gü rü guma Tupanapata ga taxü̃nearü súrwaama nayexmagü. Rü wüxi ga caixanexü̃maxã nayapa ga yema Tupanapataã̱xtü ga aixepewaama yexmaxü̃.

Echequié 37:1

Rü nüma ga Cori rü chaugu naxǘxme̱x rü choxü̃ naporaxẽxẽ namaxã ga norü pora. Rü Naãxẽ ya Üünecü rü chomaxã inacua̱x, rü wüxi ga metachinüxü̃ ga naxchina̱xãmaxã napaxü̃wa choxü̃ naga.

Echequié 43:5

Rü Tupanaãxẽ choxü̃ inachixẽxẽ, rü ĩã̱xtü ga aixepewa yexmaxü̃wa choxü̃ naga. Rü nüxü̃ chadau nax napata namaxã yapaxü̃ ga norü üüne.

Echequié 43:8

Yema Iraétanüxü̃ rü norü taxü̃ ga chixexü̃gümaxã nagu nidauxcüraxü̃gü ga chauéga i üünexü̃. Yerü chorü ãmarearü guruü̃gücüwagu nanaxü ga norü tupananetagüarü ãmarearü guruü̃gü. Rü wüxi ga naxtapü̱xicatama nixĩ ga nügüna nayaxü̃guxẽẽxü̃. Rü yemaca̱x nixĩ ga namaxã chanuxü̃ rü chanadaixü̃.

Echequié 9:2

Rü ñu̱xũchi nüxü̃ chadau ga 6 ga yatügü ga guma ĩanegu chocuxü̃ nawa ga yema norü ĩã̱x ga dauxchitawaama üxü̃ ga nórtewa. Rü wüxichigü ga yema yatügü rü nayange ga wüxi ga naxne ga ma̱xeruxü̃. Rü yemaarü ngãxü̃tanügu nixũchigü ga wüxi ga yatü ga línuchimaxã ãxchiruxü̃. Rü norü goyexü̃wa nayangaxcuchiweü̃ ga norü ümatüruxü̃. Rü yema yatügü rü Tupanapataa̱xtügu nachocu, rü yema ãmarearü guruxü̃ ga bróũchenaxca̱xü̃tawa nayachaxãchitanü.