Echequié 8:13 - Tupanaarü Ore

¹³ Rü yemawena rü ñanagürü choxü̃: —Rü tá nüxü̃ cudau i to i yexeraxü̃ chixexü̃ inaxügüxü̃ —ñanagürü choxü̃.

Echequié 8:13 Referans Kwoze

Echequié 8:6

Rü ñu̱xũchi choxü̃ ñanagürü: —¿Marü nüxü̃ cudauxü̃ i ngẽma chixexü̃ i Iraétanüxü̃ ügüxü̃? Rü yemamaxã nixĩ ga nüxna choxü̃ yaxũgachixẽẽgüxü̃ ga guma chopata ga üünene. Rü ñu̱xma rü tá nüxü̃ cudau i to i yexeraxü̃ ichixexüchixü̃ —ñanagürü choxü̃.

Echequié 8:15

Rü yemawena ga nüma ga Tupana rü choxna naca rü ñanagürü choxü̃: —¿Rü nüxü̃ cudauxü̃ i ñaa? Rü tá nüxü̃ cudau i to i yexeraxü̃ chixexü̃ inaxügüxü̃ —ñanagürü choxü̃.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Echequié 8:12

Rü yexguma ga nüma ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma Iraétanüxü̃arü ãẽ̱xgacügü cúãcü norü tupananetachicüna̱xãgüpe̱xegu ixügüxü̃? Rü wüxichigü i ngẽma ãẽ̱xgacügü rü ngéma ẽanexü̃wa noxrütama tupananetachicüna̱xãxü̃ nicua̱xüü̃gü. Rü nümagü rü nagu naxĩnüegu nax choma rü marü nüxna chixũgachixü̃ i ngẽma nachixü̃ane, rü ngẽmaca̱x marü tama nüxü̃ chadauxü̃ i ngẽma inaxügüxü̃ —ñanagürü choxü̃.

Echequié 8:14

Rü ñu̱xũchi nawa choxü̃ naga ga yema ĩã̱x ga nórtewaama üxü̃ ga Cori ya Tupanapata ga taxü̃neca̱x nawa ixücuxü̃. Rü yéma narütogü ga ñuxre ga ngexü̃gü ga poraãcü auxexü̃ naxca̱x ga norü tupananeta ga Tamú.