Echequié 8:11 - Tupanaarü Ore

¹¹ Rü yéma nayexmagü ga 70 ga Iraétanüxü̃arü ãẽ̱xgacügü. Rü yematanüwa nayexma ga Yaachanía ga Chapáü̃ nane. Rü guxü̃ma ga yemagü rü yema tupananetachicüna̱xãgüxü̃ nicua̱xüü̃gü. Rü wüxichigü ga yema ãẽ̱xgacügü rü naxme̱xwa nanange ga wüxi ga pumarate̱xearü guruxü̃. Rü yema pumarate̱xearü guruü̃wa ínaxũxũ ga wüxi ga caixemaxü̃ ga pamüemaxü̃ ga yixixü̃.

Echequié 8:11 Referans Kwoze

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Iraétanüxü̃arü muxchiga 16:17

Rü guxãma i pema i 250 i duü̃xü̃gü pixĩgüxü̃, rü name nixĩ i wüxichigü nua penange i perü pumarate̱xearü guruxü̃ i pumarate̱xemaxã pexüãcuxü̃. Rü cuma rü Aróü̃ rü ta ngẽxgumarüxü̃ tátama nua penange i perü pumarate̱xearü guruü̃gü rü tá ngẽma 250 i pumarate̱xearü guruü̃güxü̃tagu penanu i Cori ya Tupanape̱xewa —ñanagürü.

Iraétanüxü̃arü muxchiga 11:16

Natürü nüma ga Cori ya Tupana rü Moichéxü̃ nangãxü̃ rü ñanagürü: —¡Ẽcü nanutaque̱xe i 70 i norü ãẽ̱xgacügü i Iraétanüxü̃ i duü̃xü̃gü naga ĩnüexü̃, rü chopatawa nagagü! ¡Rü ngéma choxü̃ namaxã yarüngu̱xẽxẽ!

Yeremía 19:1

Rü nüma ya Cori ya Tupana rü ñanagürü choxü̃: —¡Ngĩxca̱x nataxe i wüxi i tü̃xü̃ rü ñu̱xũchi naxca̱x nangema i ñuxre i ĩanearü ãẽ̱xgacügü rü ñuxre i chacherdótegüarü ãẽ̱xgacügü!

Iraétanüxü̃arü muxchiga 11:25

Rü yexguma ga nüma ga Cori ya Tupana rü yema caixanexü̃gu ínarüxĩ rü Moichémaxã nidexa. Rü ñu̱xũchi yema Moichéwa yexmaxü̃ ga Naãxẽ ya Üünexü̃ rü yematama Naãxẽ nixĩ ga Tupana nüxna ningu̱xẽẽchigüxü̃ ga yema 70 ga yaxguã̱xgü. Rü yexguma yema 70 ga yaxguã̱xgüna yanguxchigügu ga Naãxẽ ya Üünexü̃ rü inanaxügüe nax yadexagüxü̃ ñoma Tupanaarü orearü uruü̃gürüxü̃. Natürü ga yema rü taguma wena yemaacü namaxã nangupetü ga yema yaxguã̱xgü.

Ínachoxü̃xü̃chiga 24:1

Cori ya Tupana rü Moichéxü̃ ñanagürü: —Ngẽma nachica i nawa changexmaxü̃gu namaxã naxĩnagü i Aróü̃, rü Nadáx, rü Abiú, rü ñu̱xũchi ngẽma 70 i Iraétanüxü̃arü ãẽ̱xgacü. Natürü yáxü̃waxü̃ra tátama nayachaxãchigü, rü ngẽxma tá nacaxã́pü̱xügü.

Danié 9:8

Rü ñu̱xma i tomax, Pa Cori Pa Tupanax, rü naxrüü̃tama i ngẽma torü ãẽ̱xgacügü rü torü o̱xigü rü taxãnee erü cupe̱xewa chixexü̃ taxügü.

Yeremía 36:10

Rü Barúx rü yema Tupanapataa̱xtü ga dauxü̃wa yexmaxü̃wa naxũ rü yema Ĩã̱x i Ngexwacaxü̃xü̃gu nachi, nawa ga yema ucapu ga Guemaríaarü ucapugu ãégaxü̃. Rü Guemaría rü poperaarü ümatüruxü̃ ga Chapáü̃ nane nixĩ. Rü nüma ga Barúx rü nape̱xewa ga guxü̃ma ga duü̃xü̃gü ga yéma yexmagüxü̃ nüxü̃ nadaumatü ga yema popera ga Yeremíaarü ore nagu ümatüxü̃.

Yeremía 29:3

Rü yema popera rü Erachá ga Chapáü̃ nanena rü Guemaría ga Irichía nanena naxã nax Babiróniawa nangegüaxü̃ca̱x. Yerü yemagüxü̃ nixĩ ga namuxü̃ ga Yudáanearü ãẽ̱xgacü ga Chedequía nax Babiróniawa naxĩxü̃ca̱x, rü ãẽ̱xgacü ga Nabucudonochómaxã yadexagüxü̃ca̱x. Rü yema Yeremíaarü popera rü ñanagürü:

Yeremía 26:24

Natürü Aicáü̃ ga Chapáü̃ nane rü Yeremíaxétüwa nidexa. Rü yemaca̱x ga yema ãẽ̱xgacügü rü tama duü̃xü̃güna nanamugü nax yama̱xgüãxü̃ca̱x.

Yeremía 7:9

Erü pengĩ́e, rü pemáetagü, rü nai i ngexü̃maxã pemaxẽ, rü natüca̱xma chauégagu ipexuneta rü pidorae, rü Baáca̱x pumarate̱xe pigugü, rü naxca̱x pengutaque̱xegü i togü i nachixü̃anegüarü tupananetagü ga tama nüxü̃ pecuáxü̃ ga ü̃pa.

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Norü taxre ga to ga popera ga ãẽ̱xgacügüchiga ümatüxü̃ 34:20

Rü yexgumatama ga nüma ga ãẽ̱xgacü rü nanamu ga Irichía, rü Aicáü̃ ga Chapáü̃ nane, rü Axdóü̃ ga Micaía nane, rü Chapáü̃ ga poperaarü ümatüruxü̃, rü Achaía ga ãẽ̱xgacüarü ngü̃xẽẽruxü̃, rü ñanagürü nüxü̃:

Norü taxre ga to ga popera ga ãẽ̱xgacügüchiga ümatüxü̃ 26:19

Rü nüma ga Uchía rü naxme̱xwa nanange ga wüxi ga pumarate̱xearü guruxü̃. Rü yexguma yema chacherdótegüxü̃ naxĩnügu rü namaxã nanu. Natürü yexgumatama Tupanapata ga taxü̃newa yema pumarate̱xearü guruü̃xü̃tawa rü chacherdótegüpe̱xewa rü Uchíacatüwa inarüyi ga chaxüne.

Norü taxre ga to ga popera ga ãẽ̱xgacügüchiga ümatüxü̃ 26:16

Rü nüma ga Uchía rü yexguma naporaxüchigu rü nügü ínarüta. Rü yema nax nügü ínataxü̃gagu rü chixexü̃gu nangu. Rü wüxi ga ngunexü̃gu rü nagu naxücu ga Tupanapata ga taxü̃ne rü yema pumarate̱xearü guruü̃wa nümatama pumarate̱xe nigu woo nüxna nax nachu̱xuxü̃ ga yema.

Norü taxre ga popera ga ãẽ̱xgacügüchiga 25:22

Rü nüma ga Babiróniaanearü ãẽ̱xgacü ga Nabucudonochó rü Aicáü̃ nane ga Chapáü̃taxa ga Guedaríaxü̃ naxuneta nax namaxã inacuáxü̃ca̱x ga yema duü̃xü̃gü ga nüma Yudáanewa yaxügüxẽẽxü̃.

Norü taxre ga popera ga ãẽ̱xgacügüchiga 22:14

Rü nüma ga Irichía, rü Aicáü̃, rü Abúru, rü Chapáü̃, rü Achaía rü ngĩxü̃tawa naxĩ ga yema orearü uruxü̃ ga Úda ga Charúü̃ naxma̱x. Rü nüma ga Charúü̃ rü Tibá nane nixĩ rü Arátaxa nixĩ. Rü nüma ga Ará rü chacherdótegüchiruarü dauruxü̃ nixĩ. Rü ngĩma ga Úda rü Yerucharéü̃wa yema yexwaca̱xü̃ ga ĩanegu ĩ̱xãchiü̃.

Norü taxre ga popera ga ãẽ̱xgacügüchiga 22:12

Rü yexgumatama ga nüma ga ãẽ̱xgacü rü nanamu ga Chapáü̃, rü Irichía, rü Aicáü̃ ga Chapáü̃ nane, rü Abúru ga Micaía nane, rü Achaía ga norü ngü̃xẽẽruxü̃, rü ñanagürü nüxü̃:

Norü taxre ga popera ga ãẽ̱xgacügüchiga 22:8

Rü wüxi ga ngunexü̃ rü nüma ga chacherdótegüarü ãẽ̱xgacü ga Irichía rü Yochíaarü poperaarü ümatüruxü̃ ga Chapáü̃maxã nüxü̃ nixu nax Cori ya Tupanapata ga taxü̃negu nüxü̃ iyangauxü̃ ga Tupanaarü mugüpane, rü Chapáü̃na nanaxã. Rü nüma ga Chapáü̃ rü nüxü̃ nadaumatü.

Norü taxre ga popera ga ãẽ̱xgacügüchiga 22:3

Rü yexguma marü 18 ga taunecü ãẽ̱xgacü yixĩxgu ga Yochía, rü nüma rü Tupanapata ga taxü̃newa nanamu ga norü poperaarü ümatüruxü̃ ga Chapáü̃ ga Acharía nane ga Mechuráü̃ nataxa. Rü ñanagürü nüxü̃:

Ínachoxü̃xü̃chiga 24:9

Rü yexguma ga Moiché, rü Aróü̃maxã, rü Nadáxmaxã, rü Abiúmaxã, rü ñu̱xũchi yema 70 ga Iraétanüxü̃arü ãẽ̱xgacügümaxã guma ma̱xpǘnegu naxĩnagü,

Ore i mexü̃ ga Luca ümatüxü̃ 10:1

Rü yemawena ga Cori ya Ngechuchu rü nayadexechi ga 72 ga to ga norü ngúexü̃gü. Rü taxrechigü yoxni nügüpe̱xegu nayamugü nax nawa naxĩxü̃ca̱x ga guxü̃nema ga gumá ĩanegü rü nachicagü ga Ngechuchu nawa ũxchaü̃güne.

Iraétanüxü̃arü muxchiga 7:50

Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.

Ichaía 44:13

¡Rü dücax, nüxü̃ peda̱u̱x i ngẽma duü̃xü̃ i naxchicüna̱xãarü üwa puracüxü̃! Rü noxri rü norü ngugüruü̃maxã nanangugü rü lapimaxã ínanawǘxüchi. Rü ngẽmawena rü purumaumaxã nanaxü i ngẽma naxchicüna̱xã nax naduü̃xü̃raü̃xü̃ca̱x. Rü ñu̱xũchi ngutaque̱xepataü̃gu nayaxǘ i ngẽma naxchicüna̱xã i ngearü maxü̃ã́xü̃.

Yeremía 44:21

—¿Ẽ̱xna pema nagu perüxĩnüegu rü nüma ya Cori ya Tupana tama nüxü̃ nacuáx, rüe̱xna nüxü̃ yanangümaxü̃ ga yema pemax, rü perü o̱xigü, rü perü ãẽ̱xgacügü, rü norü ngü̃xẽẽruü̃gü, rü guxü̃ma ga yema duü̃xü̃gü ügüxü̃ ga yexguma yema tupananetagüca̱x pumarate̱xe pigugügu nawa ga Yudáanearü ĩanegü, rü Yerucharéü̃arü namagüwa?

Echequié 8:10

Rü yexma chaxücu, rü guxü̃ma ga yema naxtapü̱xarü ma̱xwa nüxü̃ chadau nax yexma naxüchicüna̱xãgüxü̃ ga naguxü̃raü̃xü̃ ga yema waixü̃müanegu nügü itúgüxü̃chicüna̱xãgü, rü ñu̱xũchi naeü̃gü ga ãũãchixü̃chicüna̱xãgü, rü naguxü̃raü̃xü̃ ga Iraétanüxü̃arü tupananetachicüna̱xãgü.

Echequié 20:1

Rü yexguma 7 ga taunecü ngupetüguwena ga nax Babiróniawa tayexmagüxü̃, rü guma taunecüarü 5 ga tauemacüarü 10 ga ngunexü̃gu rü ñuxre ga Iraétanüxü̃arü ãẽ̱xgacügü rü chaxũtawa naxĩ nax Tupanana yacagüxü̃ca̱x. Rü chope̱xewa nayarütogü.

Yeremía 19:4

Erü ngẽma Iraétanüxü̃ i Yudáanewa ngẽxmagüxü̃, rü choxna nixĩgachi, rü ñaa doxonexü̃wa taxü̃ i chixexü̃ naxügü. Rü pumarate̱xe naxca̱x nigugü i tupananetagü ga noxri tama nüxü̃ nacua̱xgüxü̃ rü bai ga norü o̱xigü nüxü̃ cua̱xgüxü̃ rü bai ga yema nuxíraxü̃xü̃ ga Yudáanearü ãẽ̱xgacügü nüxü̃ cua̱xgüxü̃. Rü ñaa doxonexü̃gu rü yema tupananetagüca̱x tüxü̃ nadai ga guxema naxacügü ga taxuxü̃ma ga chixexü̃ ügüxe.

Yeremía 26:22

Rü nüma ga ãẽ̱xgacü ga Yoaquíü̃ rü Equítuanewa nanamugü ga Enatáü̃ ga Abúx nane, rü ñu̱xũchi togü ga norü duü̃xü̃gü nax Uríaxü̃ yagagüxü̃ca̱x.

Echequié 9:6

¡Rü chopata ya taxü̃newa tá ipenaxügü nax penadaixü̃ rü guxü̃táma pedai rü yaxguã̱xgü, rü ngextü̱xüxü̃gü, rü paxü̃gü, rü buxü̃gü, rü ngexü̃gü! ¡Natürü taxũtáma nüxü̃ pedau i ngẽma ãégacatüxü̃! —ñanagürü. Rü yemaacü inanaxügüe nax nadaiaxü̃ ga yema ãẽ̱xgacügü ga yaxguã̱xgü ga Iraétanüxü̃maxã icua̱xgüxü̃.