Echequié 8:1 - Tupanaarü Ore

¹ Rü guma norü 6 ga taunecüarü 6 ga tauemacüarü 5 ga ngunexü̃gu rü choma rü chopatawa charüto namaxã ga Yudáanearü ãẽ̱xgacügü. Rü ngürüãchi Cori ya Tupana choxü̃ ningogü.

Echequié 8:1 Referans Kwoze

Echequié 20:1

Rü yexguma 7 ga taunecü ngupetüguwena ga nax Babiróniawa tayexmagüxü̃, rü guma taunecüarü 5 ga tauemacüarü 10 ga ngunexü̃gu rü ñuxre ga Iraétanüxü̃arü ãẽ̱xgacügü rü chaxũtawa naxĩ nax Tupanana yacagüxü̃ca̱x. Rü chope̱xewa nayarütogü.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Echequié 14:1

Rü ñuxre ga Iraétanüxü̃arü ãẽ̱xgacügü rü chauxü̃tawa naxĩ rü chope̱xewa nayarütogü.

Echequié 14:4

¡Rü namaxã idexa rü ñaa orexü̃ namaxã ixu! “Cori ya Tupana rü ñanagürü: ‘Guxü̃ma i ngẽma Iraétanüxü̃ i nügü ixãgüxü̃ nax nüxü̃ yacua̱xüü̃güxü̃ i norü tupananetachicüna̱xãgü, rü ngẽmaxü̃ama narüdaunü nax yexera pecadu naxügüxü̃ca̱x, rü ngẽmawena rü chorü orearü uruxü̃na yacagüxü̃, rü choma rü tá chanamexẽxẽ i ngẽma poxcu i nüxna üxü̃ nagagu nax namuarü tupananetachicüna̱xãgüxü̃’ ” —ñanagürü.

Ngechuchuarü ngúexü̃gü ga yamugüxü̃arü puracüchiga 20:33

Choma rü taxuguma chaugüca̱x chanaxwa̱xe ga texéarü diẽru rü texéchiru.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Echequié 40:1

Rü yexguma 25 ga taunecü ínguxgu nax Babiróniawa tayexmagüxü̃ rü yexgumarüxü̃ ta 14 ga taunecü marü ningu nax Yerucharéü̃ yapugüxü̃ ga Babiróniacüã̱x. Rü gumá tauemacü ga taunecü namaxã ixügücüarü 10 ga ngunexü̃gu rü nüma ga Cori rü chaugu naxǘxme̱x rü chango̱xetü. Rü yema chorü ngo̱xetüwa Iraéanewa choxü̃ naga. Rü Iraéanewa rü wüxi ga ma̱xpǘne ga máchanenegu choxü̃ nachixẽxẽ. Rü yéma rü súrguama chadawenü, rü nüxü̃ chadau ga ĩpatagü ga itaxü̃ne. Rü chauxca̱x rü wüxi ga ĩane ga taxü̃nerüxü̃ nixĩ.

Echequié 37:1

Rü nüma ga Cori rü chaugu naxǘxme̱x rü choxü̃ naporaxẽxẽ namaxã ga norü pora. Rü Naãxẽ ya Üünecü rü chomaxã inacua̱x, rü wüxi ga metachinüxü̃ ga naxchina̱xãmaxã napaxü̃wa choxü̃ naga.

Echequié 32:17

Rü yexguma 12 ga taunecü ínguxgu nax Babiróniawa tayexmagüxü̃, rü gumá norü 12 ga tauemacüarü 15 ga ngunexü̃gu rü Tupana rü chomaxã nidexa rü ñanagürü choxü̃:

Echequié 31:1

Rü yexguma 11 ga taunecü ínguxgu nax Babiróniawa tayexmagüxü̃, rü gumá norü tomaepü̱x ga tauemacüarü nüxíraxü̃xü̃ ga ngunexü̃gu rü Tupana rü chomaxã nidexa rü ñanagürü choxü̃:

Echequié 29:17

Rü yexguma 27 ga taunecü ínguxgu nax Babiróniawa tayexmagüxü̃, rü gumá norü nüxíraxü̃xü̃ ga tauemacüarü nüxíraxü̃xü̃ ga ngunexü̃gu rü Tupana rü chomaxã nidexa rü ñanagürü choxü̃:

Echequié 29:1

Rü yexguma 10 ga taunecü ínguxgu nax Babiróniawa tayexmagüxü̃, rü gumá norü 10 ga tauemacüarü 12 ga ngunexü̃gu rü Tupana rü chomaxã nidexa rü ñanagürü choxü̃:

Echequié 26:1

Rü yexguma 11 ga taunecü ínguxgu nax toxü̃ yagagüxü̃ ga Babiróniaanearü ãẽ̱xgacü, rü gumá nüxíraü̃cü ga tauemacüarü nüxíraxü̃ ga ngunexü̃gu rü Tupana rü chomaxã nidexa rü ñanagürü choxü̃: —Pa Yatüx, ngẽma Tírucüã̱xgü rü Yerucharéü̃cüã̱xgüxü̃ nacugüe rü ñanagürügü: “Yima ĩane ya taxü̃ne ya Yerucharéü̃ ya guxü̃ma nawa taxegüne rü guxchawa nangẽxma. Rü ngẽmaca̱x i ñu̱xmax i yixema rü tá yoxniẽgü nax idiẽruã̱xgüxü̃!” ñanagürügü.

Echequié 24:1

Rü yexguma 9 ga taunecü ínguxgu nax toxü̃ yagagüxü̃ ga Babiróniaanearü ãẽ̱xgacü, rü norü 10 ga tauemacüarü 10 ga ngunexü̃gu rü Tupana rü chomaxã nidexa rü ñanagürü:

Echequié 3:22

Rü yemawena ga nüma ga Cori ya Tupana rü chauétügu naxǘxme̱x, rü ñanagürü choxü̃: —¡Inachi rü yea ínadoxonexü̃wa naxũ! Rü ngéma ta nixĩ i cumaxã chidexaxü̃ —ñanagürü choxü̃.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Echequié 3:12

Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.

Norü taxre ga popera ga ãẽ̱xgacügüchiga 6:32

Rü yexguma nüma ga Erichéu rü napatawa nayexma rü yéma narüto namaxã ga ĩane ga Chamáriaarü ãẽ̱xgacügü. Rü nüma ga Iraéanearü ãẽ̱xgacü rü Erichéuxü̃tawa nanamu ga wüxi ga norü duü̃xü̃. Natürü naxü̃pa ga nax yéma nanguxü̃ ga yema yatü ga ãẽ̱xgacü yéma muxü̃, rü nüma ga Erichéu rü namücügüxü̃ ñanagürü: —Yimá ãẽ̱xgacü rü wüxi i máetaxü̃ nixĩ, rü nua nanamu i wüxi i yatü nax choxü̃ yadaeeruxü̃ca̱x. ¡Natürü choxü̃́ iperüxĩnüe! Rü ngẽxguma tá nua nanguxgu i ngẽma yatü, rü chanaxwa̱xe i penawãxta i ĩã̱x rü penanguxta. Erü naweama tá nüxü̃ pexĩnüe i nacutüga i ngẽma ãẽ̱xgacü —ñanagürü ga Erichéu.

Echequié 7:27

Rü nüma ya Yudáanecüã̱xarü ãẽ̱xgacü rü ñoma nayutanüxü̃rüxü̃ tá ngechaü̃ nüxü̃́ nangu̱x. Rü ngẽma ãẽ̱xgacü nane i duü̃xü̃gümaxã icuáxü̃ rü tá ta ngechaü̃ nüxü̃́ nangu. Rü nüma i Yerucharéü̃cüã̱x i duü̃xü̃gü rü norü muü̃maxã tá nidu̱xrue. Rü ngẽma nax tama mea namücügümaxã inacua̱xgüxü̃ãcü tátama namaxã ichacua̱x. Rü ngẽmatama poxcu i namücügümaxã naxuegugüxü̃ãcü tátama chanapoxcue. Rü ngẽmaãcü tá nixĩ i nüxü̃ nacua̱xgüxü̃ nax choma rü Cori ya Tupana nax chixĩxü̃” —ñachagürü.

Echequié 8:2

Rü nüxü̃ chadau ga wüxi ga nayatüxü̃raü̃xü̃. Rü yema naayetüü̃waama rü ñoma wüxi ga üxüemarüxü̃ nixĩ. Rü yema naayearü daxũwaama rü niyaura ñoma wüxi ga bróũche i baixẽẽxü̃rüxü̃.

Echequié 33:22

Rü yema chütaxü̃ naxü̃pa nax chauxü̃tawa nanguxü̃ ga yema Yerucharéü̃wa íñaxü̃ ga yatü, rü Cori ya Tupana rü choxü̃ ningõgü rü choxü̃ nangegaxẽxẽ. Rü ngẽxguma moxü̃ãcü pa̱xmama chauxü̃tawa nanguxgu ga yema yatü rü Cori ya Tupana rü wena choxü̃ nidexaxẽxẽ.

Echequié 30:20

Rü yexguma 11 ga taunecü ínguxgu nax Babiróniawa tayexmagüxü̃, rü gumá nüxíraü̃cü ga tauemacüarü 7 ga ngunexü̃gu rü Tupana rü chomaxã nidexa rü ñanagürü choxü̃:

Echequié 32:1

Rü yexguma 12 ga taunecü ínguxgu nax Babiróniawa tayexmagüxü̃, rü gumá norü 12 ga tauemacüarü nüxíraxü̃xü̃ ga ngunexü̃gu rü Tupana rü chomaxã nidexa rü ñanagürü choxü̃: