Echequié 7:7 - Tupanaarü Ore

⁷ Pa Duü̃xü̃gü i Ñoma i Naanewa Maxẽxü̃x, marü ningaica rü marü nawa nangu i ngẽma ngunexü̃ i nagu tá penaxĩ̱xãchiãẽgüxü̃. Rü marü nayagu̱x ga yema taãxẽ ga ma̱xpǘnegüwa yexmaxü̃, rü ñu̱xma rü muü̃xicatama nangẽxma.

Echequié 7:7 Referans Kwoze

Echequié 12:28

Rü ngẽmaca̱x namaxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Rü ngẽma chorü ore i nüxü̃ chixuxü̃ rü paxatáma ningu, rü aixcüma ngẽma nüxü̃ chixuxü̃ rü ningu tá’. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ga Cori ya Tupana.

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Ichaía 22:5

Erü nüma ya Cori ya Tupana ya Guxãétüwa Ngẽxmacü rü marü nanaxuegu nax wüxi i ngunexü̃gu rü ngẽma Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃wa tá ínanguxü̃ i taxü̃ i muü̃ rü taxü̃ i dai rü ĩ̱xãchiãxẽ. Rü yima ĩanearü poxeguxü̃tápü̱x rü nagu ínapogüe. Rü ngẽma nax yaxaixchaxü̃ i duü̃xü̃gü rü máxpü̱xanexü̃wa nangu i naga.

Naanearü ügüchiga 19:15

Rü yema marü nax yangunechaü̃xü̃, rü Loxü̃ napaxagü ga yema taxre ga daxũcüã̱x i orearü ngeruü̃gü. Rü ñanagürügü: —¡Paxãma, inachi rü tüxü̃ iga ya cuxma̱x rü ngẽma taxre i cuxacügü ega cumaxchaü̃gu ngẽxguma tayaguxgu ya daa ĩane! —ñanagürügü.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.

Ichaía 17:14

Rü yáuanecü rü poraãcü naxãũcüma i ngẽma uanügü, natürü naxü̃pa nax yangóonexü̃ rü marü nayue. Rü ngẽma tá nüxü̃ nangupetü i ngẽma duü̃xü̃gü i tórü ngẽmaxü̃gü dexü̃ rü tüxü̃ daixü̃.

Ichaía 13:22

Rü airugü i dauxchitacüã̱x rü dauxü̃taechicagüwa tá narüdoxe. Rü yima ãẽ̱xgacüpatagüchire̱x rü ngẽma airugü i dauxchitacüã̱x tá nagu narücho. Rü marü ningaica i curü ngunexü̃, Pa Babiróniax, rü tama muxü̃ i ngunexü̃ cuxü̃́ ínayaxü —ñanagürü ya Cori ya Tupana.

Yeremía 50:27

¡Penadai i guxü̃ma i Babiróniaanearü churaragü! ¡Daichicawa penamugü! Rü wüxi i taxü̃ i ngechaü̃ nixĩ i naxca̱x i ngẽma duü̃xü̃gü. Marü nawa nangu i norü ngunexü̃ rü norü ora nax napoxcuexü̃ —ñanagürü.

Ichaía 16:10

Rü marü tama nüxü̃ taxĩnüe i duü̃xü̃gü i naanewa tagatanüxü̃ norü taãẽmaxã. Rü yema úbanecügüwa rü marü tama nüxü̃ taxĩnüe i duü̃xü̃gü i norü taãẽmaxã wiyaegüxü̃, rü taxuxü̃ma tadau i duü̃xü̃gü i úba i ñúxcharaxü̃ rü ínayo̱xpetüxü̃ nax bínu ínaxüãxü̃. Rü guxü̃ma i ngẽma duü̃xü̃güarü taãxẽ rü marü inayacua̱x.

Echequié 30:3

Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.