Echequié 7:4 - Tupanaarü Ore

⁴ Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma chixĩxü̃ ya Cori ya Tupana” —ñanagürü.

Echequié 7:4 Referans Kwoze

Echequié 6:7

Rü ngẽxguma nüxü̃ pedaugügu nax petanüwa nayuexü̃ i ngẽma muxü̃ma i duü̃xü̃gü, rü ngẽxguma tá nixĩ i nüxü̃ picua̱xãchitanüxü̃ nax aixcüma choma chixĩxü̃ ya perü Cori ya Tupana.

Echequié 11:21

Natürü ya yíxema nagu maxẽamáxẽ i ngẽma nacüma i chixexü̃ i naxchi chaxaixü̃, rü choma rü tá ngẽmaca̱x tüxna chaca. Rü choma ya Cori ya Tupana nixĩ i ngẽma ñachaxü̃ —ñanagürü.

Echequié 5:11

Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.

Echequié 9:10

Natürü taxũtáma choxü̃́ nangechaü̃tümüxü̃ i ngẽma duü̃xü̃gü, rü nüxna tá chaca naxca̱x ga yema chixri nax namaxẽxü̃ —ñanagürü.

Echequié 7:27

Rü nüma ya Yudáanecüã̱xarü ãẽ̱xgacü rü ñoma nayutanüxü̃rüxü̃ tá ngechaü̃ nüxü̃́ nangu̱x. Rü ngẽma ãẽ̱xgacü nane i duü̃xü̃gümaxã icuáxü̃ rü tá ta ngechaü̃ nüxü̃́ nangu. Rü nüma i Yerucharéü̃cüã̱x i duü̃xü̃gü rü norü muü̃maxã tá nidu̱xrue. Rü ngẽma nax tama mea namücügümaxã inacua̱xgüxü̃ãcü tátama namaxã ichacua̱x. Rü ngẽmatama poxcu i namücügümaxã naxuegugüxü̃ãcü tátama chanapoxcue. Rü ngẽmaãcü tá nixĩ i nüxü̃ nacua̱xgüxü̃ nax choma rü Cori ya Tupana nax chixĩxü̃” —ñachagürü.

Echequié 6:14

Rü choma rü chorü numaxã tá chawexnagüchacüxü nax chanapoxcuexü̃ca̱x i ngẽma duü̃xü̃gü i íyaxügüxü̃. Rü ngẽma nachixü̃ane rü nachicagü i duü̃xü̃gü nawa ngẽxmagüxü̃ rü tá chianexü̃xü̃ chayanguxuchixẽxẽ. Rü chianexü̃ i súrwaama ngẽxmaxü̃wa tá ichanaxügü rü ñu̱xmata yima ĩane ya Ribá ya nórtewa ngẽxmanewa nangu. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana —ñanagürü.

Popera ga Yudíugü ga yaxõgüxü̃ca̱x ümatüxü̃ 10:30

Rü meama nüxü̃ tacua̱x rü Tupana rü ñanagürü: “Choma nixĩ i nüxü̃ chacuáxü̃ nax ta̱xacü tá namaxã chaxüxü̃ i ngẽma chixexü̃ ügüxü̃. Rü aixcüma tá chanapoxcue”, ñanagürü. Rü yexgumarüxü̃ ta ñanagürü: “Choma tátama nixĩ i nüxna chaca̱xaxü̃ i chorü duü̃xü̃gü i norü maxü̃chiga”, ñanagürü.

Chacaría 11:6

Rü ngẽxgumarüxü̃ ta i ngẽma duü̃xü̃gü i ñaa nachixü̃anewa maxẽxü̃ rü taxũtáma choxü̃́ nangechaü̃tümüxü̃gü. Rü to i nachixü̃aneme̱xẽgu rü ngẽmaarü ãẽ̱xgacüme̱xẽgu tá chanayixẽxẽ. Rü ngẽma ãẽ̱xgacü rü tá nanachixexẽxẽ i ñaa nachixü̃ane. Rü ngẽxguma i choma rü taxúexü̃táma naxme̱xwa íchapoxü̃. Rü choma i Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 24:14

Rü ngẽma nagu charüxĩnüxü̃ rü taxũtáma chanaxüchicüxü, rü chomatátama chayanguxẽxẽ. Rü cuxü̃ tá chapoxcu nagagu ga cucüma ga nagu cumaxü̃xü̃ rü nagagu ga guxü̃ma ga yema chixexü̃ ga cuxüxü̃. Rü taxũtáma choxü̃́ cuxauxãchitümüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma chorü ore, rü ngẽmaãcü tá chanaxü —ñanagürü ga Cori ya Tupana.

Echequié 23:49

Rü ngẽma taxre i ngĩgüeya̱xgü rü tá ipoxcue nagagu nax yangeãẽmaregüxü̃ rü naxchicüna̱xãxü̃ yacua̱xüü̃güxü̃. Rü ngẽmaãcü tá nüxü̃ picua̱xãchitanü nax choma yixĩxü̃ i Iraétanüxü̃arü Tupana —ñanagürü.

Echequié 23:31

Rü ñu̱xma rü ngẽma nacüma i chixexü̃ ga cueya̱x ga Chamária nagu ixũxü̃gu nax quixũxü̃ i cumax, Pa Yerucharéü̃x, rü ngẽmaca̱x tá cuxü̃ chapoxcu namaxã i ngẽmatama poxcu i cueya̱x namaxã chapoxcuxü̃.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Echequié 8:18

Rü ngẽmaca̱x i choma rü chorü numaxã tá chanapoxcue. Rü taxũtáma namaxã chixãũxãchi. Rü woo aita cha̱u̱xca̱x naxüegu rü taxũtáma nüxü̃ chaxĩnü —ñanagürü choxü̃.

Echequié 7:9

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.

Yeremía 25:14

Erü muxü̃tama i nachixü̃anegü rü ãẽ̱xgacügü i poraexü̃ tá chixri ngẽma Babiróniaanemaxã inacua̱xgü, yema nüma ga Babiróniaanecüã̱x rü chixri chorü duü̃xü̃gümaxã inacua̱xgüxü̃rüxü̃. Rü ngẽmaãcü tá nüxü̃́ chaxütanü naxca̱x ga yema chixexü̃ ga chorü duü̃xü̃gümaxã naxügüxü̃”, ñanagürü ga Tupana —ñanagürü ga Yeremía.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Yeremía 13:14

Rü ngẽmawena i choma rü tá nügü chanadaixẽxẽ i ngẽma duü̃xü̃gü. Rü ñoma tüxü̃ yapuxẽẽxü̃rüxü̃ tá nügü nixĩgüxẽxẽ. Rü ngẽxgumarüxü̃ ta i ngẽma nanatügü rü nanegümaxã tá nügü nadai. Rü taxũtáma choxü̃́ nangechaxü̃tümüxü̃gü. Rü taxũtáma nüxü̃́ nüxü̃ charüngüma i norü chixexü̃ i naxügüxü̃. Rü choma rü tá ichayanaxoxẽxẽ, rü taxũtáma nüxü̃ changechaü̃. Rü chomatama ya Cori ya Tupana nixĩ i nüxü̃ chixuxü̃ i ngẽma’ ” —ñanagürü ya Cori ya Tupana.

Echequié 7:3

Rü marü nawa nangu i perü gu̱x, Pa Iraéanecüã̱x. Rü chorü numaxã tá pexü̃ chapoxcu. Rü pexna tá naxca̱x chaca i ngẽma pecüma i chixexü̃, rü tá pexü̃ chapoxcu naxca̱x ga yema chixexü̃gü ga pexügüxü̃.

Amúx 7:8

Rü yexguma ga nüma rü choxna naca rü ñanagürü: —¿Ta̱xacü nixĩ i nüxü̃ cudauxü̃, Pa Amúx? —ñanagürü choxü̃. Rü yexguma ga choma rü ñachagürü nüxü̃: —Wüxi i ĩxtapü̱xarü ngugüruxü̃ i nawa nüxü̃ icuáxü̃ nax mea ínatoxü̃ —ñachagürü. Rü yexguma ga nüma rü choxü̃ ñanagürü: —Rü ñaa ĩxtapü̱xarü ngugüruxü̃maxã tá nixĩ i nüxü̃ chacuáxü̃ rü aixcüma nawe̱xguxü̃ i nacüma i ngẽma chorü duü̃xü̃gü i Iraétanüxü̃. Rü taxũtáma nüxü̃́ nüxü̃ charüngüma ega chixexü̃gu namaxẽgu.

Echequié 33:29

Rü ngẽxguma chianexü̃xü̃ chayanguxuchixẽẽgu i Iraéchixü̃ane rü nachitaxü̃xicatama íchayaxüxẽẽgu nagagu i norü chixexü̃ i naxügüxü̃, rü ngẽxguma tá nixĩ i nüxü̃ yacua̱xãchiexü̃ nax choma chixĩxü̃ ya Cori ya Tupana”.