Echequié 7:24 - Tupanaarü Ore

²⁴ Rü choma rü tá ngéma chanamugü i togü i nachixü̃anecüã̱xgü i duü̃xü̃gü i chixecümaxü̃ nax ngẽmamaxã yayoraã́xü̃ca̱x ya napatagü i ngẽma Yerucharéü̃cüã̱xgü. Rü ngẽmaãcü tá chayanaxoxẽxẽ nax nügü yacua̱xüü̃güxü̃ i ngẽma yatügü i muarü ngẽmaxü̃ã̱xgüxü̃. Rü ngẽma nachicagü i nawa norü tupananetachicüna̱xãgüxü̃ yacua̱xüü̃güxü̃, rü tá chanamu i ngẽma norü uanügü nax nagu napogüexü̃ca̱x.

Echequié 7:24 Referans Kwoze

Echequié 33:28

Rü pechixü̃ane rü tá chianexü̃ i taxúema nagu ãpataxü̃ chayanguxuchixẽxẽ. Rü ngẽma perü pora i namaxã pegü picua̱xüü̃güxü̃ rü tá pexna chanayaxu. Rü Iraéanearü ma̱xpǘnegü rü tá nangeãcuanemare rü taxúetama nawa taxüpetü.

Echequié 21:31

Rü ngẽma chorü nu rü tá cugu chananguxẽxẽ ñoma wüxi i üxüema i ãũcümaxü̃rüxü̃. Rü ngẽma duü̃xü̃gü i taxúema ngechaü̃güxü̃ rü máxwa̱xegüxü̃me̱xẽgu tá cuxü̃ changuxẽxẽ.

Wiyaegü 106:41

Rü yema uanügü ga tama yaxõgüxü̃na nanawogü nax yema namaxã icua̱xgüxü̃ca̱x.

Echequié 24:21

Rü choxü̃ namu nax pemaxã nüxü̃ chixuxü̃ca̱x i norü ore i ñaxü̃: “Pa Iraétanüxü̃x, pema rü namaxã pegü picua̱xüü̃gü ya yima chopata ya taxü̃ne ya namaxã pegü íperüporaene. Natürü woo nax nüxü̃ pingechaü̃xü̃chixü̃ rü perü meruxü̃ nax yixĩxü̃ rü choma rü tá nagu chapogü. Rü ngẽma Yerucharéü̃wa yaxǘgüxü̃ ga penegü rü pexacügü rü taramaxã tá nayue.

Echequié 21:2

—Pa Yatüx, ¡Yerucharéü̃guama nadawenü rü naxunagü i chopataarü poxcu! ¡Rü chauégagu naxunagü i Iraéanearü poxcu!

Auxexü̃chiga 5:2

Rü guxü̃ma ga torü yemaxü̃gü rü ñu̱xma rü duü̃xü̃gü i to i nachixü̃anecüã̱xgüme̱xẽwa nangẽxmagü. Rü topatagü rü ñu̱xma rü duü̃xü̃gü i taguma nüxü̃ tacua̱xgüxü̃ nawa nangẽxmagü.

Yeremía 12:12

Rü guxü̃ma ga yema ínachianexü̃arü ngüchitaeruxü̃wa ne naxĩ ga duü̃xü̃gü ga máxwa̱xegüxü̃. Erü choma ya Cori ya Tupana rü choxü̃́ nangẽxma i wüxi i tara i tá guxü̃wama namaxã chanadaixü̃ i ngẽma nachixü̃ane. Rü taxuwatáma nangẽxma i taãxẽ naxca̱x i ngẽma duü̃xü̃gü.

Yeremía 6:12

Rü yima tümapatagü, rü tümaanegü, rü tümama̱xgü rü ngẽma uanügüarü tá nixĩgü. Erü tá chanapoxcu i ngẽma duü̃xü̃gü i ñaa nachixü̃anewa maxẽxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 5:14

Rü ñoma wüxi ya ai ya ichoxmanaxãcürüxü̃ rü ngẽma naxmaü̃gü rü tá nichogü nax ínagagüãxü̃ca̱x i duü̃xü̃gü rü ãẽ̱xgacügü rü ngẽma duü̃xü̃gü i petagu rü ngãxü̃gu írüchoxü̃.

Naanearü ügüchiga 47:26

Rü yemaacü ga Yúche rü wüxi ga mu inaxǘ rü guxü̃ ga Equítuanewa rü yexguma tríguarü buxgüwa nanguxgu rü duü̃xü̃gü 5 püü̃ nüxü̃́ ngẽxmagu rü tá wüxipüü̃ Faraóü̃ nanaxã. Rü ñaa mu rü ñu̱xma rü ta nangẽxma. Natürü ga yema chacherdótegü rü taxuxü̃ma naxütanügü, yerü yema norü naanegü rü taguma Faraóü̃arü nixĩ.

Wiyaegü 74:7

Rü guma cupata ga üünene rü nagu nanangixgü rü nayawa̱xẽẽgü. Rü yemaacü nanachixexẽẽgü ga guma cupata.

Yeremía 17:4

Rü perü pecadugügagu tá nüxna ípechoxü̃ i ngẽma naane ga pexna chaxãxü̃ nax perü yixĩxü̃ca̱x. Rü ngẽma perü uanügüme̱xẽwa tá pexü̃ changexmagüxẽxẽ nawa i wüxi i naane i tama nüxü̃ pecuáxü̃. Erü ngẽma chorü nu rü ñoma wüxi ya üxüemarüxü̃ ninai i pexü̃ tá íguxü̃ —ñanagürü.

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.